祥興記上海生煎包 (已結業)

收工去咗深水埗黃金商場買 Game，途中收到老婆電話，佢話想食生煎包，話深水埗有間「祥興記」好出名，仲俾埋地址我。就咁樣，我俾佢點咗去做外賣仔。跟據地址，又的確幾近，商場行去2分鐘就到。門口大大張Banner，原來係米芝連推介~2:00-6:00 有下午茶餐。生煎包有3款口味：招牌、鮮蝦、黑松露上海生煎包四隻 (招牌+黑松露) + 豆漿一支  $49上海生煎包四隻 (招牌+鮮蝦) + 豆漿一支  $37招牌生煎包 - 外賣拎到返嚟，已經唔係熱辣辣。雖然唔熱，但輕輕一咬，湯汁都即時湧出。生煎包包底又脆又香口，肉餡仲好鮮甜。黑松露生煎包 - 肉餡加多咗黑松露。一咬開，已經散發出黑松露陣陣香氣，面層仲灑咗黑芝麻，令到生煎包更加香口。鮮蝦生煎包 - 入面包住大大隻蝦，令肉汁更加鮮甜，唔錯喎~

剛剛食完附近果間所謂正宗上海生煎包，真系試過就算。我同老公即刻標過黎祥興記再食過！呢度雖然無上海小楊咁好食，但都有7成水凖架喇，但深水埗呢間又無以前荃灣果間好食，但都唔差太多嘅。今晚叫左個3款口味嘅生煎包餐$71/6隻。有原味，大蝦，黑松露3款餡料，全部都皮薄得黎鬆軟但香脆，湯汁爆多得黎鮮味。原味唔洗講，必食。大蝦果款嘅蝦够彈牙，唔系d霉蝦。黑松露味尤其突出，明顯落足料，大劈黑松露醬系餡面(有圖)，因為今晚太飽，唔系我地實叫埋粉絲湯！

今日星期六返下午﹐老公揸車接放工﹐之後陪老公去深水埗買嘢﹐行過比一個大大 Banner 吸引了﹐標題『2016年米芝蓮推介』﹐原來傳說中的上海生煎包係深水埗開左分店﹐不得不試一下﹐老公便買左2款口味(原味及黑松露)外賣返舖食﹐起初諗住外賣一定無甘好食﹐果然是米芝蓮推介﹐真係好正。咬一口包內肉汁流出來﹐包底還是脆的﹐我個人覺得原味比較好味D﹐肉味夠濃﹐而黑松露有點喧賓奪主搶了肉味﹐還有鮮蝦味的﹐如果你想試晒3種味﹐甘就可選擇$62 6隻﹐因呢間店係無1隻買的﹐最低消費係4隻。