The Pantry & Chips Republic

營業中

休息中

唔認真行都唔知，原來MOKO有一間門面咁靚既西式餐廳，睇餐牌野食都幾吸引，就去試一試先😋當時12點零幾分，餐廳啱啱先開門，所以入面只有2-3台客。不過時間接近1點就已經滿座，睇得出都好多人幫襯。👍🏻餐廳有提供LUNCH MENU，不過我地就睇唔啱所以就選擇左散嗌~最後我地叫左兩個主食+兩份小食+兩杯飲品😋🍝黑松露蘑菇&溫泉蛋意粉 $145，一上菜已經聞到淡淡既黑松露香味，再搞拌埋溫泉蛋，令意粉吸收晒黑松露同溫泉蛋既味道，越食越入味越香口🤤意粉黎講軟硬度適中，超易入口👍🏻蘑菇同意粉份量都唔少，食到最後亦唔會得返意粉而冇晒配料👍🏻份量掌握得十分之好~香煎比目魚柳配紅椒蕃茄醬,烤露荀,松子仁,芒果莎莎&薯茸 $168，一上菜就覺得賣相勁靚!!配料超多!!比目魚都煎得啱啱好，皮有少少香脆，冇腥味，肉質又軟嫩又香口，最重要係比目魚既魚刺超～少，唔驚會卡喉嚨🤣配料就覺得薯茸有啲多，淨係食薯茸都飽左🤣芒果莎莎我就第一次食，味道酸酸甜甜咁十分之開胃👍🏻意式肉丸,粟米片,芝士醬&蕃茄汁 $68，Nachos配上芝士醬&蕃茄醬簡直無得頂💯不過我就覺得啲醬可以分開上，因為食到最後凍凍地啲醬搞到Nachos淋

一直都知呢個廣場有間食pancake好出名咁啱今日唔算餓，純粹搵d野做dinner，輕食pancake算抵讚既係就算凍左食入面都依然軟綿綿，鬆軟非常鬆軟，份量足夠第一次嚟試個原味，加埋糖漿同cream簡直冇得輸。本身個pancake已經夠甜，加少量糖漿係昇華晒。另一個係mango coconut pancake芒果略嫌偏酸，但配埋燕麥脆片襯托，有d咬口，整體食落酸酸甜甜另外嗌多樣小食，黑松露芝士汁薯條新鮮炸起非常脆，pat醬濃而不膩，襯托得好好

呢間以前係圓方都食過 覺得幾唔錯所以有情意結想再食返 點知呢間令我有啲失望 啲野食冇以前咁好食 pancake就keep到質素既 但連服務態度都麻麻地就未必想再訪🤫傳統fish n chips其實炸得幾好食 但調味唔夠冇咩味 配埋個醬都可以接受既🐟漢堡幾好食啲料幾夾 不過就細個左少少 但我覺得兩塊包幾軟熟幾好食🍔炸雞翼中等啦炸得燶左啲 不過兩個醬都幾有水準幾特別😛黎就係因為念念不忘個pancake 好彩冇令我失望 唔似啲鹹點咁😢個pancake水準依舊 鬆軟同厚度適中 唔會好甜而且又有空氣感 就算係最basic呢個加埋butter同syrup已經好好食😻不過值得一提係我本身唔係order呢個佢又落錯單🤔幾杯milkshake都幾甜 不過足料味道又唔錯 我個人就最鍾意朱古力香蕉🤪肥仔野又有啲太甜 好邪惡但真係好正✨服務態度真係麻麻 啲員工冇乜笑容又唔夠主動 問多兩句又好似唔多耐煩 不過都肯幫我寫生日牌俾朋友既🤑

最近因為疫情, 搞到成日都無乜心情, 所以今日要比自己甜一下🤤位於旺角Moko嘅4樓The Pantry, 環境清新舒適, 地方闊落坐得都比較舒服而食物方面有意粉 漢堡 小食 薯條等等, 仲有最主要嘅pancake同甜品🤩今次就點咗一個意粉, 一個薯條同兩個甜品食物方面十分滿意呢個真係十分正🤤松露芝士真係冇得頂薯條係連皮一齊炸 👍🏻 食完會想再食卡邦尼意粉味道一般, 唔夠creamy呢個多士好好味, 佢嘅質地係似疏乎厘食落口滿滿嘅幸福感🥰抹茶🍵愛好者推介Pancake上嘅抹茶cream好正, 唔太甜, 亦好重抹茶味👍🏻 另外仲有伴隨紅豆同蕨餅, 增加口感