伙食工業 (已結業)

聖誕假期想同朋友聚吓，專程再次黎呢度食吓飯。呢度嘅裝修好有心思，工業風牆身、水管、懷舊電影海報... 連廁所都好靚，如果第時有間屋嘅話都想參考吓啲佈置。餐牌有幾多選擇。蕃茄牛肉煲，牛肉同牛筋非常多，估計係三至四人份量黎。成個煲仲會有生菜同白飯附上，打開蓋個陣香氣四溢，牛筋都煮得非常冧，呢啲凍到打冷陣嘅天氣食到咁暖嘅野好幸福呢。牛肉麵非常足料！感覺冇吝嗇到牛肉，粗麵亦掛湯。牛筋同牛肉煲一樣，煮到好易咬開。魯肉飯嘅豬肉個人覺得肥瘦度剛剛好，但如果想食肥豬肉嘅話，呢個飯可能會有啲太瘦。而且肉躁量唔太夠送飯。但整體覺得都有台灣味道。瀂水拼盤非常大份，豬耳好爽口，雞翼、豆腐等都好入味。健康地叫碟蒜蓉炒A菜，唔太咸份量又多。黑松露薯條個醬太好食，幾乎唔記得仲有茄汁存在。加上咗調味粉後味道唔單調。甜品嘅芋圓入面仲加咗珍珠，非常大份，但冰就似乎係普通冰，如果係牛奶冰，溶咗之後味道唔會變淡就更好了。水蜜桃沙冰幾清新，就算係罐頭桃，加落沙冰都令人好滿足。因為位置幾僻，所以假日想搵個冇咩人嘅地方靜靜地坐吓，呢度係一個好選擇。

火炭工業區，我相信大部份朋友都會覺得陌生吧！最近在這附近發掘了很多特色餐廳，有的更是位於工業大廈內，的確有點隔涉。先介紹這間台式cafe，風格懷舊，但給人一種很舒適的感覺。週末晚上更有本地歌手駐場演唱，在昏暗環境下邊吃飯邊享受悅耳的歌聲，心情也放鬆下來。 <抹茶拿鐵>Latte上是一層抹茶泡沫，奶味重，味道稍甜，但很喜歡。 <黑松露薯條>薯條炸得不夠香脆，但勝在有毫不吝嗇的超香黑松露醬搭夠呢！ <部隊鍋>湯底很濃，鍋內本身已放進很多煙肉，還有一大盤蔬菜和即食麵跟餐。先把芝士融入鍋中更是美味。 <紅燒半筋半牛麵>肉類和紅蘿蔔等配料燘得軟腍，非常入味。但湯底有少許鹹，牛腩脂肪較多。 <蘋果批>堅挺的批皮酥脆非常，啖啖的蘋果蓉也很新鮮。