Vision 8

呢間餐廳第一次食時係朋友介紹嘅，食物質素都幾高，所以間中都會去食下，今次係有朋友喺網上見到之後提議去食嘅。有時其他朋友問啊荃灣區有咩西餐廳好食我都會推介呢一間。餐廳面積都比較細，燈光比較昏暗，裝修簡單，都幾啱約埋幾位知己好友喺度傾吓計食下野。呢度嘅必食推介一定係黑松露薯條，首先薯條外脆內軟，而且薯條上面都會有少許黑松露醬，另外再配一個忌廉黑松露醬，所以黑松露味非常之濃，的確會令人食唔停。呢度嘅Pizza都做得非常出色，係薄底嘅Pizza好脆但絕對唔會覺得好乾身，因為上面既芝士同醬汁都比較多，我個人就好鍾意食佢嘅巴馬火腿薄餅同埋夏威夷薄餅。另外佢嘅意大利粉同意大利飯都做得好細心，因為上菜嘅碟都係暖暖地嘅，意粉同埋飯嘅軟硬度都煮得適中。今次試咗佢嘅軟殼蟹意大利飯，軟殼蟹炸得好脆身，個意大利飯口感好好而且唔會癡牙。而豬仔骨嘅醬汁都幾好味又唔會好乾身又易切，仲配左個薯蓉，個薯蓉有小小嘅薯仔粒喺度所以口感更有層次。個人覺得呢間餐廳絕對係有誠意，記得有一次去叫咗分五成熟嘅牛扒，但煮到似七成熟，原意只係想問下餐廳嘅五成熟係咪就係呢個熟度，諗住知道下次要order幾成熟，好欣賞餐廳願意承認係住得過咗龍

等佢放工，一齊去附近食，中2食西餐嘅我，經朋友介紹，黎左哩間。門面螢光燈牌，未食已覺吸引。即點左個小食食，炸薯條量多，配上黑松露醬，味道一流！薯條炸得好脆，而且一啲考唔貴。他喜歡吃海鮮，所以嗌左墨汁意粉，仲配有鮮蜆肉，個人比較喜歡吃多汁嘅意粉，哩款就比較乾身小小，不過墨汁濃厚，加上親鮮嘅墨魚同蜆肉，好鮮味！食西歺當然5小得咪嗌pizza, 哩款店舖招牌特色薄餅，味道好鮮甜！除左用左新鮮靚蝦外，個pizza 醬仲用左芒果同薄片嘅青蘋果，果味加上芝士，味道非常之獨特！2個人食左$300幾，係喺荃灣食晚飯不錯嘅選擇呀！

姐是8月生日，根據吸引力法則好易會識到差不多日子生日的朋友，其實生日都不知有什麼好慶祝，可能心底好怕應酬的我最好不要煩，讓我自己過最好！之但係朋友叫到都會出現的，最好就是一次過，慳水慳力慳精神。今晚就約左另一位朋友一同慶生，隨手上網找來一間餐廳有8字的，最後揀了荃灣的VISION 8，見到近同埋幾多好評，成件事估不到咁Hea！ 先來就送上了是日餐湯，是番茄湯，質感比較稀身而且都味道都幾酸，加左香草聞落都幾香，只是我不愛酸就覺得味道麻麻地啦。餐湯附送餐包，烘到微暖外脆內軟，當餐湯不吸引就會覺得個包好食。黑松露炸薯條薯條選用粗身那種，雖然炸過但油光比想像中少，質感挺身，口感脆卜卜，沒有可怕的油益味或者淋左，附帶的松露醬厚實而濃香，點來食都幾吸引的！香煎珍寶蟹餅配油醋汁蟹餅肉質鮮味，脆身，配合微酸的黑醋汁都幾開胃。 切開可見到一絲絲的蟹肉，而且調味得宜，不會好咸不錯。西班牙海鮮飯是用差不多十吋的Paella直接上枱，橙紅色的飯底上面舖滿了不同的海鮮，感覺都幾豐富，視覺效果挺吸引的，二人份量我們三人都吃不完，食量不高的女生根本就是四人份。至於味道方面我覺得不算太合胃口，西班牙飯加了蕃茄及青椒同

其實小妹行街既足跡就未達到荃灣既，今日有朋友帶路，原來呢區買野真係好平！百零蚊有件外套！人又唔太多，行得好舒服。買完野都已經八點幾，本來朋友話去兆和茶餐廳，因為佢以前係呢頭練波，話呢間茶記好食又抵食，但小妹真係麻麻地茶記，返工已經五餐有三餐都係茶記，認真食到嘴都歪。見到隔離有間西餐，我就走左入去。由於真係好餓，打開餐牌見到有豬手，立馬要叫！我同呢班朋友仔興一人叫一個dish ，邊個食唔晒，叫嗰個就要包底，本人認為呢種方法先唔會造成浪費，唔夠食先再order，又唔會浪費廚師一番心機。因為我真係好餓，落左個豬手先，朋友隨後叫左個天使麵，pizza 同薯條。遲黎先上岸，最早上枱既係後補order既薯條。估唔到有驚喜，黑松露薯條，新鮮炸起，上枱仲係熱到有煙岀，薯條淋上少許黑松露，即使唔使點旁邊既松露沙律醬已經好好味！雖然薯條真係好肥，但真係好香好好味，我一個人食左成半！之前個煙三文魚pizza 亦上枱，煙三文魚唔會煙得過咸，加上脆pizza底，味道岩岩好，而且擺盤擺得靚，將煙三文魚做成花狀，睇得又食得，唔錯。豬手到！好大一隻！不過一睇，原來唔係炸的，我一見到豬手就冇睇其他，即刻點左，因為本人喜

朕一個人的晚餐，揾左荃灣既V8，點左個黑松露薯條同埋大虎蝦併龍蝦汁燴天使麵。黑松露薯條，即叫即炸，新鮮熱辣，香脆可口，再加埋黑松露在上面，黑松露既香味滲入薯條內，非常好味，但係如果覺得唔夠味，佢仲俾埋個黑松露醬，慢慢嘆！大虎蝦併龍蝦汁燴天使麵伴沙律，隻大虎蝦既蝦肉鮮甜彈牙，蝦頭既蝦膏香濃味美，再配埋龍蝦汁燴天使麵，龍蝦汁混和天使麵豐厚味濃，麵身爽彈。但係沙律菜配黑醋就略為多左啲黑醋，酸到HiHi咁，呢度扣左啲分！－－－－－完－－－－－