The Grill Room (The Humphreys)

營業中

休息中

今晚放工同老公date night 尖沙咀呢一間The Grill Roo 小酒館 地點方便 好近地鐵站 裝修好新穎 好光猛 好有氣氛 之前同老公嚟食都覺得好好食今日想再嚟 餐牌上面嘅嘢 款式都算好多 都係我哋鍾意食嘅西餐類型 有青口 牛扒 意粉 而且呢度坐得好舒服 今晚點咗個慢煮三文魚配香草乳酪汁半小麥米 主菜可以一齊分享 食魚覺得一啲都唔感覺油膩 好健康 魚燒到好入味 配菜亦都好開胃好健康 主菜我哋每人點咗一個意粉香草鮮茄紅酒配牛麵肉扁意粉 淡淡肉份量好多意粉掛滿咗 蕃茄汁又好開胃 熱辣辣好好食 又好開胃 份量啱啱好 牛面肉好淋 香草亦都好香 成個意粉真係好高分黑松露薯蓉黑松露味好香 同薯蓉好夾 薯蓉好creamy今晚食得好開心 好有情調 氣氛好浪漫 同埋坐得好舒服 好enjoy我哋今晚嘅date night 🌙 ♥️

同朋友係尖沙咀行街行到攰，之前同事介紹過尖沙咀呢間樓上嘅西餐廳好有水準，一直都想黎試下，今次終於有機會朋友嗌咗呢杯cocktail，朋友話好香蘋果味，又有少少檸檬汁嘅酸酸甜甜，容易入口， 好適合女仔飲我就飲呢杯mocha咖啡，拉花靚靚，怕客人覺得唔夠甜，細心咁準備定一粒方糖，好香咖啡味，飲落去好滑， 好濃郁叫咗個黑松露薯蓉，個薯蓉好濃郁有黑松露嘅香味， 而且好滑，份量亦都ok， 同朋友開心share仲叫咗一個香煎北海道帶子龍蝦汁扁意粉配三文魚子，三粒帶子都好鮮甜，而且大大隻，啖啖肉，個意粉煮到啱啱好， 軟硬適中， 配埋龍蝦汁恰到好處，仲有啲三文魚子， 襯到絕， 味道好夾仲叫咗個燒澳洲帶骨豬扒配香茅芥末籽忌廉汁，個豬扒好淋好好食， 唔係平時外面啲餐廳嘅薄薄豬扒，佢係厚切， 但一啲都唔嚡， 啖啖肉，又冇渣又唔韌又唔黐牙，調味亦都啱啱好，真心正餐廳裝修唔錯， 招呼亦都好好，性價比唔錯

在抗疫期間，大家足不出門，難得最近疫情緩和，所以決定出去食飯，鬆一鬆😃朋友揀咗The Grill Room,位於尖沙咀區，地點方便餐廳替客人量體溫及提供酒精搓手液，枱與枱之間亦分隔開，令到客人放心進食。由於時間尚早，餐廳只有一半客人我們被安排坐在吧枱，透過玻璃可以見到廚師烹調美食，十分吸引炭燒美國安格斯西冷配黑松露薯蓉 西冷上枱時，賣相精緻，炭香味飄出，好期待，急不及待品嚐，西冷入口，牛味香濃多汁𥚃面肉質幼嫩，呈現粉紅色，唔需要蘸任何醬汁，可以品嚐原味道薯蓉滑溜配埋松露香，味道更有層次香草燒羊架配烤蔬菜（半份）半份羊架都有4 件，羊架叫咗5 成熟，肉質煮得啱啱好，入口唔騷又腍身配菜燒蒜頭有驚喜，蒜頭燒得香口，十分惹味

聞名不如見面，久仰 “The Grill Room” 大名已久，加上自己係愛牛扒之人，更加要一訪此餐廳！餐廳內外位置係位於服務式住宅樓下，佔左一整層，餐廳採用開放式廚房，仲有bar枱位置可以望住廚師烹調。食物選擇除左牛扒，都有豬扒、羊架、吞拿魚扒揀，就算同行友人唔食紅肉都仲有選擇，當然唔少得Dinner Set，仲有2Drinks $88既優惠添。Angus Rib Eye (16oz) $338揀左5成熟既安格斯肉眼扒，16oz份量不少，係燒網上燒得表面有紋路，外觀一流，而肉眼扒質素亦不錯，唔會韌唔會太乾，肉味十分濃郁，厚度適中，有咬口，但個人口味認為可以更Juicy。而所配既黑松露薯蓉，黑松露味唔算岀，但薯蓉質感都順滑。Grilled Tuna Steak $188食西餐一係鋸扒，一係食羊架，再唔係就三文魚扒，燒吞拿魚扒就真係未叫過黎食，加上係店內招牌之一，當然叫黎試下。吞拿魚扒色澤偏粉紅色，而且份量好多，有兩大舊，同樣表面格仔紋燒得好靚，外層燒至少少硬身煙韌，而內裡肉質鬆軟重魚味又唔會羶，再配上香草汁及意大利黃瓜，撈左橄欖油，油而不膩，食落口感舒服，高質之選。Truffle Fr

一直留意到這間The Grill Room經常長駐於Openrice 餐廳排行榜，今次終於book 到枱來吃晚餐。小店雖然面積不大，不過配合昏黃柔和的燈光，頗有情調。扒房當然是以鋸扒為主，不過我向來喜歡吃白肉多於紅肉，所以就點了燒雞和三文魚。黑松露薯條 $48厚切薯條即叫即炸熱得盪口，炸得外層酥脆，肉心軟綿細密。灑上粒粒黑松露碎提味，菌香滿溢，香氣馥郁。黑松露薯蓉 $48薯蓉口感極之creamy軟綿綿，黑松露的濃郁香氣滿溢整個口腔。黑松露一向被譽為「餐桌上的黑鑽石」，足以令原本平凡的薯仔變得更誘人。忌廉牛油蒜雜菌 $48炒雜菌以牛油香帶出菇菌類獨有的鮮味，是一道簡單又美味的side-dish。多士即時烘焗，不過就略嫌烘得乾硬了點。蒜蓉牛油烤蔬菜 $48外出進餐經常多肉少菜，所以就另加了蒜蓉牛油烤蔬菜作配菜，但味道就沒甚麼特別。慢煮三文魚配香草乳酪汁 $198擺盤賣相優美，三文魚相當厚肉，魚肉豐腴細嫩，多汁不乾身。慢煮不怕高溫破壞食材的蛋白質而影響口感，所以即使三文魚熟透後依然不會變得鞋口。葡式香辣燒雞配黑松露薯條 $238燒雞頗大隻，份量十足，雞皮薄如蟬翼，加上燒得夠乾爽，沒有油膩感，

又到Happy Friday,想去間坐得舒服嘅餐廳輕鬆下傾下計,朋友就話去The Grill Room据下扒. 餐廳好近尖沙咀A2出口,行唔使3分鐘就到,上到去,播住輕快嘅音樂,典型高級扒房暗暗地嘅燈光,好有情調,特別之處就係有Bra位,有個開方式廚房,可以睇住廚師係度整扒.16安士燒美國安格斯肉眼扒配黑松露薯蓉,份量好大配有香草汁,燒汁&黑松露薯蓉,睇住扒上面好靚同有規律嘅網紋,有種莫名嘅治癒感,令人好開心,我地叫左6成熟,因為最能夠鎖住肉汁,切開見到好靚嘅粉紅色,就知唔會燒得過左火,食落好嫩滑,又多肉汁,加上好厚身,果然廚師功力好勁,岩岩好配上香草汁,特別嘅香草味同扒好夾,中和左肉嘅油膩感.個人就鐘意唔點醬食,因為係上等美國肉眼,肥瘦平均,好有肉味,可以食返肉本身嘅甜味.黑松露薯蓉好幼滑,滑到好似忌廉嘅口感,入口好有牛油味,但又唔會搶左黑松露嘅香味,兩種口味都好出,太好食啦,我地就再encore多個來食,實在太鐘意.炒新鮮蜆仔配墨汁青檸扁意粉,蜆肉新鮮,帶少少酒香,加上蟹籽,提升左蜆肉嘅鮮味,扁意粉軟硬適中,好有咬口,每條意粉都掛上鮮味墨魚汁,實在太正啦.朱古力千層蛋糕賣相吸引,擺

先食parma ham配溫泉蛋黑松露露荀沙律，好過食沙律菜。呢個係燒美國安格斯肉眼扒，我地order左16oz，坐喺bar枱可以睇到整個燒牛扒嘅過程，見到廚師將一塊塊厚厚嘅牛扒放喺爐度用猛火燒已經覺得會好好味，睇下睇下我地份牛扒都到啦，側邊係黑松露薯蓉同燒大蝦，牛肉經大火燒完特別香，入面仲好多汁，肉質嫩滑，大大塊非常滿足！個薯蓉好幼滑，好食到叫多一個。本人都係鍾意食返意粉，見到有墨汁意粉更加想食，呢碟係蜆仔墨汁青檸扁意粉，有青檸汁所以酸酸地，蜆肉都好新鮮！不過就會食到成嘴黑哂，食嘅時候完全唔敢抬起頭。