Wing's Kitchen (已結業)

不知為何，香港今年的天氣份外反覆無常，明明已步入和暖的春天，享受著最溫和的陽光，到處春回大地的景象⋯⋯ 忽然，氣溫又再次急降，猶如重入寒冬的冰冷世界，前兩天，BeautySearch 就是低估了這反常天氣的威力，穿上單薄的外衣便跑到尖東去與老朋友聚會。來到尖沙咀，因朋友還未放工，BeautySearch 先在K11 到處逛逛，見時間差不多，便起行前往尖東去，但是天氣著實越來越冷，還下起綿密的毛雨來，饑寒交迫，BeautySearch 實在無法再往前走，就在寶勒巷一帶看見一間外觀不錯的餐廳，便忍不住鑽進去了，接著便致電給友人，叫她轉住 《Wing's Kitchen》，原來友人就在其士大廈內工作，所以，不一會便來到。《Wing's Kitchen》 的店內環境較昏暗，屬浪漫派，牆身放置了不同的掛畫及壁畫，添加了幾分藝術感，搭配幽靜的氣氛，確是約會的好選擇。晚餐時份，店內提供不同的晚餐選擇，由一人餐至 人餐都有，選擇頗多，當然，也可散點喜愛的美食。商談後，我兩揀選了一份二人晚餐，Luxury Set Dinner。晚餐備有餐湯的，當晚的餐湯是「波菜忌廉湯」，將波菜攪拌成蓉，再煮成忌廉湯，口

之前在尖沙咀東行街街時，Step和娘子不時會在這邊食晚飯用餐。適逢Step今晚又可以準時放工，娘子就拍板book位食晚飯。不久前行街街經過寶勒行漆咸道南交界的Wing’s Kitchen，門口放了一set Menu供客人參考，Step和娘子看後被其Menu吸引；而情人節過後，又有同事推介這家餐廳，結果….『Welcome to Wing’s Kitchen!! 請問有沒有Book位呢?』坐下後，娘子看Menu，Step便看看Wing’s Kitchen周圍的裝潢，店內燈光稍暗，每張枱上面都放有蠟蠋，還有音樂伴隨耳朵左右；而牆上有貼紙畫和歐洲風景畫，令全個氣氛變得柔和寫意，跟另一面玻璃窗外街道成了一個有趣的對比。沈色的牆壁上，原來還有別的功能 – 黑板!!員工會將Today’s Special或新推介的食物用粉筆，圖文並茂寫在牆上，好讓客人容易理解明白，有創意，Step Like!!就像餐廳正推介心型Pizza，任何Pizza只要加20元就可以變成心型Pizza!! Step發現在Wing’s Kitchen原來任何時候都可以是情人節呢!! (不過畫功有進步空間!!)放在枱上一人一包的消

同男朋友慶祝週年紀念日, 佢話搵一間有情調既餐廳同我慶祝, 令到我有D期待。之前都唔知間餐廳叫咩名, 係去到個陣先知道叫做wing’s kitchen, 個名都幾特別。男朋友好早就帶我入去, 大概六點幾, 可能佢一陣仲有野準備左, 所以餐廳入邊都比左安靜。一入到去, 個環境又真係幾唔錯, 係柔和既燈同舒情既音樂既配合下, 顯得特別浪漫, 加上餐廳已經佈置左聖誕既裝飾, 又多添一份聖誕節既氣氛, 令人好想快D慶祝聖誕節既來臨。我地點左個2人既Luxury dinner set, 有2份餐湯、2份前菜、2份主餐、2杯飲品同甜品!點左餐一陣, 餐湯就到左。今日既餐湯係香草薯仔忌廉湯, 個湯好香, 而且非常足料,入邊仲有D薯仔, 同忌廉湯好match, 增加左個湯既層次感。飲完個餐湯, 前菜就黎到喇。前菜係帕爾馬火腿配香醋汁沙律, 睇賣相就非常唔錯, 火腿有少少既咸味, 中和左香醋汁既酸性, 令到佢既味道岩岩好, 十分之開胃。跟住就到主餐喇, 男朋友叫左個8安士美國頂級西冷扒。牛扒非常大塊, 熟度岩岩好(7成熟),切出黎既時候仲有少少肉汁, 肉質都頗為幼嫩。而我自己就叫左個黑松露醬鮮帶子意大利

餐廳位置唔太起眼，但估唔到平日夜晚食飯d檯都比人book 哂咁濟～Set dinner 有Deluxe同Luxury版本，因為喺openrice 有8折coupon都算抵，就揀左貴d嘅Luxury Set試下～折完around $340 嘅Luxury Set有沙律、餐湯、主食、甜品同飲品~Parma ham沙律用油醋汁，食落都幾酸！至於餐湯就係薯蓉湯，飲落真係幾濃薯仔味，另外仲有打碎左嘅綠色蔬菜喺入面，味道都ok~~蜜糖燒烤豬肋骨 半份~美味指數：7/10上檯時已經聞到好香嘅炸薯條味！d薯條係厚切版，食落中間仲有d薯肉，好味！😋而豬肋骨都幾入味，肉質算腍，加埋個醬食都幾好，只係感覺上肉嘅比例比較少，食完唔係好飽肚～～黑松露醬鮮帶子意大利燴飯～美味指數：8/10雖然賣相睇落普普通通，但味道卻係意想不到咁好食～帶子煎得岩岩好～意大利飯唔會太硬偏腍，加埋黑松露醬一齊食好香！係暫時食過嘅risotto中比較岩心意嘅～～芒果布甸～是日甜品係芒果布甸，睇落賣相其實都幾hea⋯⋯好彩食落都仲幾香幾滑，不至於令人失望～呢餐飯好似有好多野食，但感覺上都唔係話好飽，主菜份量上可以再多番少少～至於環境都幾

朋友生日, 佢係好鍾意既pizza既, 做過research見到d人話wing's kitchen既pizza好味, 就book黎試試。我地叫左個最出名既popoye pizza, 餡料有煙肉, 太陽蛋, 菠菜, 蕃茄, mozzaarella芝士。呢個pizza個款好特別, 同埋好大個, 餅底唔厚, 但脆卜卜咁, 朋友超滿意呢個pizza。我本身自己唔係特別鍾意食pizza, 都覺得真係整得好好味, 又夠晒芝士味, 比起好多出名既連鎖店整得更有心思。仲有個黑松露醬鮮帶子意大利燴飯都好好味, d帶子好鮮甜, 煮得岩岩好, 帶子肉都仲係好嫩。最後件cake既碟上面仲寫埋happy birthday, 服務幾好幾有心思, 連個侍應遞埋黎個陣都講左句生日快樂添, 夠晒nice。

本來約左d fd係呢度食晚餐，點知我放左工過到尖沙咀竟然兜錯左路，繞左成大個圈先去度，好彩仲未到約定既時間ｊａ！齊晒人入去見到已經高鵬滿座啦，好彩我地有預先打定電話黎訂台ja！！ 不過要讚下既就係我好中意佢地上菜既速度!!唔洗人客等太耐我覺得係1種體貼黎!!我地叫左兩個小食同一個飯就算啦~~因為仲要食宵夜!! 特底肉腸拼盤做到皮脆內’淋’,點埋醬就仲正tim,我偏好酸酸地個隻沙律醬! 黑松露醬鮮帶子意大利燴飯，正宗既意大利飯好有嚼口加埋佢d好creamy既醬汁,每1淡都唔想吞落個肚度,靜係’梅’下嚼下已經好正啦!!! 仲有呢個叫wing to go既雞翼,淨係佢個既皮脆肉多汁已經無野好彈啦~食個陣配埋個兩隻醬,又係另一種味道

星期四第一次黎呢到食飯, 由地鐵行過黎都幾近, 地點就腳~不過一入到去估唔到原來好多人, 估唔到星期四都會咁多人好彩都咁岩有位坐姐, 環境都算係咁, 裝潢唔錯, 雖然多人但都唔會好嘈, 我覺得呢度既價錢以尖沙咀黎講唔算貴首先黎左個wings to go雞翼先, 聽講係限量 可以叫兩種唔同既醬, 因為係朋友負責揀既, 所以我都唔知係咩醬黎, 但我覺得兩款味道都唔錯, 雞翼都炸得岩岩好然後就到黑松露醬鮮帶子意大利燴飯, 帶子煎得岩岩好, 唔會太乾, 食落都幾juicy~飯都幾好, 唔會太硬或者太林, 幾好味朋友都叫左個焗芝士肉醬意大利麵, 我試左一啖, 都幾重芝士味, 唔錯最後就到pizza, 本身未黎個陣見到隔離檯食已經覺得好吸引, 有兩隻蛋係面好特別, 食落個底整得好脆, 有陣蛋香味, 我同朋友都一致認同好味期間侍應都有不停斟水, 服務幾好~ 最後埋單仲有85折, 呢餐絕對抵食