影片
更多
2015-11-23
857 瀏覽
同男朋友慶祝週年紀念日, 佢話搵一間有情調既餐廳同我慶祝, 令到我有D期待。之前都唔知間餐廳叫咩名, 係去到個陣先知道叫做wing’s kitchen, 個名都幾特別。男朋友好早就帶我入去, 大概六點幾, 可能佢一陣仲有野準備左, 所以餐廳入邊都比左安靜。一入到去, 個環境又真係幾唔錯, 係柔和既燈同舒情既音樂既配合下, 顯得特別浪漫, 加上餐廳已經佈置左聖誕既裝飾, 又多添一份聖誕節既氣氛, 令人好想快D慶祝聖誕節既來臨。我地點左個2人既Luxury dinner set, 有2份餐湯、2份前菜、2份主餐、2杯飲品同甜品!點左餐一陣, 餐湯就到左。今日既餐湯係香草薯仔忌廉湯, 個湯好香, 而且非常足料,入邊仲有D薯仔, 同忌廉湯好match, 增加左個湯既層次感。飲完個餐湯, 前菜就黎到喇。前菜係帕爾馬火腿配香醋汁沙律, 睇賣相就非常唔錯, 火腿有少少既咸味, 中和左香醋汁既酸性, 令到佢既味道岩岩好, 十分之開胃。跟住就到主餐喇, 男朋友叫左個8安士美國頂級西冷扒。牛扒非常大塊, 熟度岩岩好(7成熟),切出黎既時候仲有少少肉汁, 肉質都頗為幼嫩。而我自己就叫左個黑松露醬鮮帶子意大利
之前都唔知間餐廳叫咩名, 係去到個陣先知道叫做wing’s kitchen, 個名都幾特別。
男朋友好早就帶我入去, 大概六點幾, 可能佢一陣仲有野準備左, 所以餐廳入邊都比左安靜。
一入到去, 個環境又真係幾唔錯, 係柔和既燈同舒情既音樂既配合下, 顯得特別浪漫,
加上餐廳已經佈置左聖誕既裝飾, 又多添一份聖誕節既氣氛, 令人好想快D慶祝聖誕節既來臨。
我地點左個2人既Luxury dinner set, 有2份餐湯、2份前菜、2份主餐、2杯飲品同甜品!
香草薯仔忌廉湯
30 瀏覽
0 讚好
0 留言
今日既餐湯係香草薯仔忌廉湯, 個湯好香, 而且非常足料,
入邊仲有D薯仔, 同忌廉湯好match, 增加左個湯既層次感。
飲完個餐湯, 前菜就黎到喇。
前菜係帕爾馬火腿配香醋汁沙律, 睇賣相就非常唔錯, 火腿有少少既咸味, 中和左香醋汁既酸性, 令到佢既味道岩岩好, 十分之開胃。
跟住就到主餐喇, 男朋友叫左個8安士美國頂級西冷扒。牛扒非常大塊, 熟度岩岩好(7成熟),
切出黎既時候仲有少少肉汁, 肉質都頗為幼嫩。
而我自己就叫左個黑松露醬鮮帶子意大利燴飯, 呢個飯真係抵稱!帶子好大粒同彈牙, 而且燴飯配合黑松露醬非常香口,
令人想一食再食, 最後我仲快過男朋友食完D野。
飲品方面，我就叫左一杯orange juice而男朋友就叫左一杯 iced lemon tea。食完燴飯再加上一杯冰凍既Orange Juice真係非常唔錯!
食完主餐仲有個甜品食, 今日既甜品係士多啤梨味既奶凍,真係好岩我心意, 因為我本身個人都好鍾意食奶凍, 而且仲要係士多啤梨味!
個奶凍質感好彈滑, 士多啤梨味又岩岩好。
我十分滿意男朋友同我慶祝一週年既呢間餐廳, 氣氛好有情調,
而且食物又唔錯, 值得推介!
張貼
