Cafe Paradise (杏花邨) (已結業)

經過見到裝修幾靚，有個旋轉木馬嘅裝修，就入左去試吓叫左個2人set ($218)有餐湯、兩個主菜、沙律同埋嘢飲同甜品前菜-田園沙律🥗份量都多，有車厘茄同生菜餐湯-忌廉洋蔥湯🥘味道唔錯，夠creamy,洋蔥條夠淋黑松露野菌意大利飯🍲黑松露味濃郁，野菌都幾多，種類都多份量正常夏威夷滋味薄餅🥧批邊唔會太厚，配料有芝士、火腿、菠蘿🍍同香草🌿，見到佢芝士有兩款，而芝士既咸香好惹味凍檸茶冰🧊小小多，個糖水自己落，可以自己控制甜度

今日搵埋家姐同兩個兒㽒女陪我嚟搵夢幻一番～見到旋轉木馬同公主南瓜車，無論少女定中女～少女心爆咗出嚟～但八點嚟到，輪候人數不少，影相位都比人坐左，唯有食嘢先～完場先影！入座發現座位有隻樹懶公仔坐左喺度兒童餐$68好豐富，仲有玩具送～送完即止！有雞翼2隻、芝士腸、白汁意粉、薯蓉、粟米同啫喱糖，有一杯果汁。獲得小朋友好評，尤其個白汁意粉，我都試咗條，係唔錯喎！石燒美國頂級穀飼牛肩胛肉眼扒（200g)$78加$30跟餐有湯、沙律、飲品及甜品。塊扒「滋滋滋」咗五分鐘都未停，油係咁彈，救命🆘唔知塊石板燒咗幾耐呢⋯⋯最後我坐開交比家姐出手200克都唔細塊喎～好厚，雖然佢keep住燒，但入面依然有肉汁，一邊切開，係粉紅嘅肉，有兩個醬汁可以點，仲有脆薯條～二人晚餐$218：黑松露野菌意大利飯+辣肉腸薄餅+沙律+湯+飲品+甜品意大利飯creamy~ 菌味濃郁，黑松露味都好香～😋 Yummy ~餅薄香脆，超多芝士！辣肉腸厚切辣辣地好惹味！上演芝士拉絲拔河沙律🥗新鮮！大大杯凍檸茶，自己加糖水～甜品～芒果味啫喱！#閨蜜必到#拍拖晚餐幫女神影靚相#食得開心#物超所值#夜咗無咩人影相一流

平時行商場見到呢度嘅裝修好靚一直都好想黎今次約埋兩個女仔閨密一齊，係Tiffany Blue粉藍，迴旋木馬既裝修好似去咗童話世界咁🤣熊仔❤️同馬騮真系好得意啊～6點半左右冇咁多人既時候黎到，店員見我地眼金金望住馬車位，安排我地坐馬車位❤️一坐底即刻系咁影影影～少女心又發作啦，三個女仔比較細食，呢度嘅二人餐dinner set 岩岩好share ❤️好重粟米味嘅白汁忌廉湯算系不過不失千島醬沙律,沙律菜嘅大細比例切得均勻二人餐加左+$25仲可以簡花茶，好香嘅水蜜桃味 酸酸甜甜🍑 黑松露野菌意大利飯意大利飯汁香味俱全 飯咬落有口感，蘑菇煮得好滑鍾意&松露汁夠香濃香噴噴辣肉腸意式薄餅呢度嘅薄餅厚切辣肉腸🍕 pozza邊脆脆地,Pizza嘅中間部份麵包好乾爽厚薄餅咬落軟軟的，一路食我地一致地認為個pizza 質感不錯下次再食都系會簡番呢個pizza😛食飽飽都吾記得原來仲有甜品

同朋友嚟到杏花邨，平日晏晝要搵嘢食，見到呢間裝修幾特別既餐廳，見到價錢又唔算太貴，就入咗去試試佢。餐廳係就可愛既主題樂園路線，好適合帶埋小朋友嚟呢度食。除咗每日既午餐之外，都仲有好多意粉或者意大利飯之類揀，drink menu好特別。我就叫咗個黑松露野菌意大利飯($73)，黑松露味好香濃，一嚟到就聞到，飯唔會太濕太乾啱啱好，亦都唔會太膩，可以食到晒成個。朋友叫既煙三文魚黑松露海蝦意大利寬條麵($83)，朋友俾咗小小我試下，我都覺得好好食，啲黑松露連海鮮食好好味。我地再叫咗個小食拼盤($68)，都幾多嘢食，有唔同造法既雞翼、炸薯角、炸薯條、腸仔等，呢個價錢嚟講份量都幾多，都好好味添。