Sol House Oyster Bar and Restaurant

兩個人去到荃灣晚餐唔知食乜嘢好，見到依間親和藝術環境好似幾靚，幾有情調，咁就入咗去試吓啦。咁因為我早黎，人都唔太多，環境好舒服，枱與枱之間都有好多空間。黑松露野菌炒意大利飯，賣相好靚，入面有好多唔同嘅野菌，上面有一啲芝士氣泡，聞落去都幾香。食入口野菌好多，好有層次，黑松露味好勁同時間芝士味都幾重。飯方面，唔會太濕都唔會太乾，同時都唔會太油，加埋啲野菌一齊食，真係好正簡直一流。飲管粉配慢煮八爪魚海膽汁，要讚下嘅係個汁真係好好食，海膽味都幾強。個八爪魚佢話係慢煮，食落去真係幾彈牙同埋八爪魚嘅汁都好Juicy，真係得慢煮先可以有咁嘅效果。咁個飲管粉方面，同意粉有啲分別，佢爽啲彈啲好味啲。然後喺個粉上面有一朵食用花，食落幾特別。成個意粉食落去都好好食。

今次想搵間餐廳慶祝爸爸生日，無意間搵到呢間Sol House。餐廳環境幾舒服，食物水準唔錯。訂座時講低生日個人名，佢可以喺甜品上面寫字。整體爸爸都幾滿意，有機會可以encore。