BYOB Coffee Roaster

營業中

休息中

今天到屯門一遊，友人介紹了這間咖啡店。由於時間尚早，等候10分鐘便可入座。望望餐單，有沙律，意粉及小食，沒有跟套餐，飲品要單點。今日點了大蝦寬條面$78，大蝦煎得很香口，而且蝦肉爽口彈牙。芝士寬條面非常煙韌，一點也不膩。友人點了黑松露雜菌意粉$68，黑松露醬慢慢滲出，加上露筍雜菌的配搭，不錯👍🏻凍美式黑咖啡$33，非常香濃。Flat White $32，拉花圖案精細，口感香滑。整體上價錢超值，可以一試。

黑松露雜菌意粉 $68🍝: 雜菌、蘆筍、忌廉汁、黑松露醬朋友食過大力推介一定要試黑松露雜菌意粉 黎到食完發現真係無介紹錯！🥰侍應送過黎既途中已經聞到好香黑松露味 食落超有香菇味黑松露味 而且每條意粉都好掛汁 食到落底仲有意粉醬唔會好乾身 加上份量都頗大 值得一試！🥳評分: 9.5/10🌟墨魚汁海鮮意粉 $88🍝: 蝦、魷魚、青口、青衣柳、忌廉汁、墨魚汁🦑因為店舖係open kitchen 所以睇緊食咩個時男朋友見到店舖係用新鮮墨魚汁整就即刻話要試結果黎到一樣冇失望仲超有驚喜🤭😍所有海鮮配菜都好新鮮 食落唔會有雪味 加上🦐、🐠同🦑都有煎過 每樣都煎到金黃色食落好香口🤤 意粉份量頗多加埋每條都煮得好掛汁啖啖都有墨魚既香味 平時食墨魚汁加忌廉煮既意粉會食到好膩 但呢個冇好重油膩感 調味好啱大眾口味🤣評分: 9/10🌟京都宇治小山園鮮奶抹茶 $38用京都宇治小山園抹茶粉沖出黎既抹茶濃而不苦加埋鮮奶整成既抹茶latte入口香濃細滑 就算啲冰溶咗之後再飲都仲係好濃抹茶味 唔似出面會溝淡哂好似飲水咁 加上價錢比出面平一大截 遠少少去試都值喇🤪評分: 10/10🌟———————————————————

最近先知道紅橋個邊原來有幾間cafe 特登嚟試一試。整間舖嘅裝修都以灰黑為主 說不上清新 但都幾舒適。佢係自助形式嘅餐廳，一入門口會有塊牌示意顧客自己攞餐牌同埋搵位，再去counter俾錢，就可以等職員送餐。一開始上咗咖啡先，caramel latte同hazelnut latte味道都幾淡，比較推薦熱飲，好飲啲之餘而且仲有個天鵝拉花。黑松露意粉但黑松露味偏淡，不過$68嚟講算係咁。蕃茄忌廉蟹肉寛條麵，係menu上面有寫因爲新鮮蟹肉人手拆，可能會有殼碎，結果真係食到一小舊，食野唔小心嘅人或者係小朋友就要留意下喇。意份上面嘅蟹子都俾得好足，值得一讚。北海道帆立貝明太子意粉 $98，其實都幾足料，兩粒大帶子，明太子醬都多，所有意份份量其實都足夠。下次有機會都會再試嘅。

本身想去第二間餐廳但full晒朋友話記得景峰有間餐廳佢都想試就即管去試下七點幾去到等咗兩三個字本身都冇乜野排排下叫我入餐廳入面等入咗去企咗一陣又有個女staff叫我出去隊尾排解釋咗我哋係排隊頭同埋係另一位staff叫入黎先黑口黑面叫我行埋一邊 仲去同同事confirm之後又過黎問肯唔肯搭枱轉身諗住問朋友點知個staff嫌慢喺度倒數321去咁多間餐廳都未試過咁冇禮貌坐低食嘢已經覺得感覺唔好餐廳係自助形式餐牌、餐具同水都要自己拎之後再去落單落單既時候再次凸顯佢地服務態度有幾麻麻又係嗰個女staff 見佢落完前一個客喺度執單諗住佢執完先幫我落我就企咗喺度點知佢施施完執完一輪行來行去都唔落單後尾第二個同事行過黎 佢先肯擰返過黎同我落單終於order咗個黑松露雜菌意粉同黑麥啤鹹豬手豬手係要等35分鐘 好彩個意粉上得快聞落好香黑松露味但食落冇乜不過不失咁唔係太特別食完意粉等多陣隻豬手就到啦都幾大隻兩個人食唔晒食落有淡淡地既啤酒味幾特別係皮有少少太硬好難切總括黎講呢個價錢食呢兩樣係ok既不過服務質素真係不敢恭維未必會再幫襯🙅🏻‍♀️

於附近戲院看電影後與朋友閒步至BYOB，記得有一天平日下午特意來卻撲空沒開門，幸好今次有開門！位處新墟輕鐵站附近，附近均為街坊店，所以下午茶於此閑坐甚美好。走過隧道左轉就是BYOB，裝修似採工業風，樓底高，座位之間有距離，談天不怕人聽到，哈哈。當天為暑假平日，人流不算多。店採用至櫃位點餐及付款方式，再有服務員送餐點，不需要加一服務費，餐點價錢中等。是次與朋友各點一個主菜及一杯飲品，食物份量頗多，飲品有水準。我點了寬條粉，蟹肉碎平均全碟粉，上面魚子與粉同吃好夾，份量真係多，大食如我都未能吃畢整碟粉，吃到後期稍嫌膩。朋友點的，我當然有試食，味道就是平日吃到的屬美味的松露雜菌意粉，哈哈，如果意粉可煮得更有彈性便好，此碟份量則好夠一個正常食量的女生。朋友點了抹茶🍵飲品，而我點了鮮奶咖啡，拉花圖案好療癒，味道不算太濃，剛好，過猶不及。下次想試BYOB的沙律系列，牛油果及無花果看上去都很吸引呢！

由港島乘搭960回屯門，途中哥哥跟嫂子相約一起晚餐，提到紅橋有一家氣氛不錯的餐廳，於是就在紅橋下車走過去。遠看店面頗大，進店便會看到右手邊放有一大部炒豆機(?)，還有一些文青氣息擺設，桌與桌之間很有距離，空間感十足，真不錯。點餐要到櫃台買單，然後店員會送餐過來，而櫃台旁有飲用開水提供，客人可按需要自助取用。沒仔細看餐牌，點了冰咖啡，以為是冰滴咖啡，原來是house blend on rock，咖啡味香濃，口感也不錯哦。剛剛才吃了下午茶不久，同時準備餐後去吃甜品，因此只點了一個沙律和一客意粉。牛油果華道夫沙律，嘩！賣相好漂亮哦......店今天最後一份給我們!拿下了據說華道夫沙律一定有蘋果，而眼前的沙律真有薄薄的蘋果片舖在碟底，承托住上面豐富的食材。看看究竟都有些什麼材料：牛油果、蘋果、車厘茄、沙律菜，還有琥珀合桃哩。新鮮爽脆，夾雜牛油果的香滑，真的很不錯，有驚喜！黑松露雜菌意粉意粉拿來時，黑松露香氣四溢，放有兩條迷你蘆筍裝飾，頓時令意粉升了格。雜菌有本菇、雞脾菇和鮮冬菇，意粉口感煙韌不會硬，好味道。閒來坐坐喝杯咖啡，吃點東西，是一個不錯的地方。

閒日中午1點幾黎到都唔算太多人即使一行六、七人亦好快能入座咖啡廳採用自助形式由落單到攞餐具都係由客人一手包辦店內更設有水機 客人可以按自己所需取水值得欣賞既係 店家係水機到貼左張紙 提醒客人要珍惜食水按自己需要取水 值得一讚lunch menu以pasta為主 有5-6款選擇既有意粉店常見既carbonara 亦有海鮮類同素食意粉而向來熱愛黑松露既我就叫左黑松露雜菌意粉未食時已經聞到陣陣黑松露香味一食之下更感驚喜!幾乎每條意粉都能沾上醬汁醬汁以黑松露加忌廉打成creamy之餘亦非常濃稠食落會有種漿住個口既感覺 可見濃度有幾高!! 意粉帶點咸香 所以食落唔會好膩加上意粉裡面有好多菌類 整體既味道變得更為豐富面層亦有兩條竹筍 味道爽甜又起到裝飾效果!唯獨意粉硬度未拿捏得好 有少少淋身建議可以再煮得硬身少許 相信會更好食!佢既咖啡聽講品質幾好不過今次就冇試到 有機會會再去試!

今日同事帶咗我去試依間佢話唔錯嘅餐廳，話係食pasta嘅～中午十二點去到， 剛開舖。點餐時都陸續有人入座，都幾旺場喎！我地一行五人，每人點咗個pasta同飲品！首先黎到既係墨魚汁海鮮意粉 ($88), 份量比我想像中大兜! 味道方面比較咸, 但程度仲係可接受既!個魚都係偏咸!之後就係試大蝦闊條麵 ($78), 個名好簡單, 但食落有驚喜喎入面有好多蒜粒, 味道唔會太咸, 好香口呀!再黎既黑松露雜菌意粉 ($68), 一黎到就聞到超濃既黑松露味, 鐘意黑松露既話真係唔好錯過呀!味道恰到好處, 價錢都合理!跟住既蓄茄忌廉蟹肉寬條麵 ($88) 係我既最愛呀!! 廚師落既材料一d都唔孤寒, 有超多蟹肉響入面, 同d麵一齊食真係啖啖肉架!!平時唔多鐘意食蕃茄pasta既我都好滿意, 整體唔太酸!最後既欖油蜆肉意粉($78) 就比較失色喇, 可能前面幾個pasta太濃味, 所以食依個既時候只係聞到少少香草味, 食落好似太淡咁, 比較岩鐘意清淡既人!整體來說, 性價比都幾高, 下次有機會會再黎拜訪啊!