BYOB Coffee Roaster

營業中

休息中

最近先知道紅橋個邊原來有幾間cafe 特登嚟試一試。整間舖嘅裝修都以灰黑為主 說不上清新 但都幾舒適。佢係自助形式嘅餐廳，一入門口會有塊牌示意顧客自己攞餐牌同埋搵位，再去counter俾錢，就可以等職員送餐。一開始上咗咖啡先，caramel latte同hazelnut latte味道都幾淡，比較推薦熱飲，好飲啲之餘而且仲有個天鵝拉花。黑松露意粉但黑松露味偏淡，不過$68嚟講算係咁。蕃茄忌廉蟹肉寛條麵，係menu上面有寫因爲新鮮蟹肉人手拆，可能會有殼碎，結果真係食到一小舊，食野唔小心嘅人或者係小朋友就要留意下喇。意份上面嘅蟹子都俾得好足，值得一讚。北海道帆立貝明太子意粉 $98，其實都幾足料，兩粒大帶子，明太子醬都多，所有意份份量其實都足夠。下次有機會都會再試嘅。