金功夫點心火鍋 (已結業)

在中秋節前，跟一班好朋友到位於北角堡壘街 <金功夫點心火鍋> 食火鍋迎中秋！  這是 <功夫點心> 集團旗下的新支線，主打點心及火鍋的新餐廳！打聽及見到門外的花藍才得知林夏薇是股東之一！ 這裡以中式裝潢，兩條金龍裝飾猶如在半空中飛騰，富有中國色彩與特色！ 至於店經理不論外型抑或聲線都好似林雪！ 桌上均放有餐具及火鍋用具！  另外，有8款醬料任君選擇！包括：沙嗲醬、蒜蓉、炸蒜粒、辣醬、蔥花、麻醬...等，(茶芥及醬油 $15/位)竹蔗茅根水 $28食火鍋配料之前，先喝店方自家製竹蔗茅根水清一清喉嚨！  以竹蔗、茅根、馬蹄、紅蘿蔔煲製而成，真材實料！ 入口清甜涼浸浸！具清熱下火作用，是火鍋的涼伴！ 火鍋湯底有特色之外，配料種類繁多！  包括：刺身、特色推介、丸類、餃子、海鮮類... 食火鍋之前，嚐一點小食墊底真是最好不過！ 川汁貓耳皮蛋 $48黃金蛋的賣相更令人眼前一亮！以晶瑩剔透的皮蛋配雲耳，酸香醒胃！  微鹹味道討好！ 翅群白玉滑雞鍋 $198魚翅與雞以冬瓜盛載，冬瓜煮至熟透，入口清甜多汁！  加上吸收雞湯精華，味清而美味！

同一班相熟食友好耐無聚，所以，搞個飯局聚一聚之餘，又試吓新餐廳，揀嚟金功夫據講因為有大明星喺股東之一，有機會見到明星，不過，娛樂圈嘅嘢小弟真喺零距離，跟港劇絕晒緣咁滯，但講到食，就啱晒我啦，打邊爐就好似一大窩嘢跟老友分甘同味，食得特別開心。餐廳位處堡壘街，雖然好少嚟北角區，但之前都到過「素食．份子」，所以，對依度都好有印象。據朋友介紹，因為店家由集團經營，強大後盾，可以入到靚貨。環境設計頗有特色，兩隻飛龍在天，有氣派，又以竹竿做成天花，充滿中國色彩之餘，又甚玩味。上班日子總有人要遲啲嚟，叫住啲冷盤食住先，邊食邊等，而店內嘅餐前小食不乏特色。藥膳醉乳鴿 $58錯過咗老友點嘅冰鎮豬手（$58），但有機會試試個醉乳鴿，入口酒香而帶點藥材味，乳鴿肉質細嫩，味道不俗。酥炸魷魚鬚 $68炸得甘香可口，蘸點醋，可去走油膩感，再者，粉漿唔算好厚，外層酥酥脆脆。川汁貓耳皮蛋 $48貓耳即喺雲耳，撒上大量芝麻，淋上微辣帶麻嘅川汁，爽脆惹味；而皮蛋採用金黃皮蛋，晶瑩剔透，的確少見，然而，跟食一般常見嘅皮蛋又唔會太大分別。我哋人多，點夠兩個窩，顧及唔同人嘅口味，點一款貴氣嘅翅鍋，另一款就較平實嘅粥鍋。翅群白玉