影片
更多
2015-10-18
3345 瀏覽
同一班相熟食友好耐無聚，所以，搞個飯局聚一聚之餘，又試吓新餐廳，揀嚟金功夫據講因為有大明星喺股東之一，有機會見到明星，不過，娛樂圈嘅嘢小弟真喺零距離，跟港劇絕晒緣咁滯，但講到食，就啱晒我啦，打邊爐就好似一大窩嘢跟老友分甘同味，食得特別開心。餐廳位處堡壘街，雖然好少嚟北角區，但之前都到過「素食．份子」，所以，對依度都好有印象。據朋友介紹，因為店家由集團經營，強大後盾，可以入到靚貨。環境設計頗有特色，兩隻飛龍在天，有氣派，又以竹竿做成天花，充滿中國色彩之餘，又甚玩味。上班日子總有人要遲啲嚟，叫住啲冷盤食住先，邊食邊等，而店內嘅餐前小食不乏特色。藥膳醉乳鴿 $58錯過咗老友點嘅冰鎮豬手（$58），但有機會試試個醉乳鴿，入口酒香而帶點藥材味，乳鴿肉質細嫩，味道不俗。酥炸魷魚鬚 $68炸得甘香可口，蘸點醋，可去走油膩感，再者，粉漿唔算好厚，外層酥酥脆脆。川汁貓耳皮蛋 $48貓耳即喺雲耳，撒上大量芝麻，淋上微辣帶麻嘅川汁，爽脆惹味；而皮蛋採用金黃皮蛋，晶瑩剔透，的確少見，然而，跟食一般常見嘅皮蛋又唔會太大分別。我哋人多，點夠兩個窩，顧及唔同人嘅口味，點一款貴氣嘅翅鍋，另一款就較平實嘅粥鍋。翅群白玉
餐廳位處堡壘街，雖然好少嚟北角區，但之前都到過「素食．份子」，所以，對依度都好有印象。據朋友介紹，因為店家由集團經營，強大後盾，可以入到靚貨。環境設計頗有特色，兩隻飛龍在天，有氣派，又以竹竿做成天花，充滿中國色彩之餘，又甚玩味。
上班日子總有人要遲啲嚟，叫住啲冷盤食住先，邊食邊等，而店內嘅餐前小食不乏特色。
藥膳醉乳鴿 $58錯過咗老友點嘅冰鎮豬手（$58），但有機會試試個醉乳鴿，入口酒香而帶點藥材味，乳鴿肉質細嫩，味道不俗。
藥膳醉乳鴿
$58
81 瀏覽
0 讚好
0 留言
炸得甘香可口，蘸點醋，可去走油膩感，再者，粉漿唔算好厚，外層酥酥脆脆。
酥炸魷魚鬚
$68
54 瀏覽
0 讚好
0 留言
貓耳即喺雲耳，撒上大量芝麻，淋上微辣帶麻嘅川汁，爽脆惹味；而皮蛋採用金黃皮蛋，晶瑩剔透，的確少見，然而，跟食一般常見嘅皮蛋又唔會太大分別。
川汁貓耳皮蛋
$48
78 瀏覽
0 讚好
0 留言
我哋人多，點夠兩個窩，顧及唔同人嘅口味，點一款貴氣嘅翅鍋，另一款就較平實嘅粥鍋。翅群白玉滑雞鍋 $198
雖然魚翅唔啱我，但呷一啖湯底都好香甜，雞件亦都嫩滑，底下嘅冬瓜清甜，未烚嘢食，個湯鍋本身都好正。
翅群白玉滑雞鍋
$198
76 瀏覽
0 讚好
0 留言
潮式米水鍋 $248咪以為個粥鍋就會相對清啲，原來粥水內有條大鮮魚，令個鍋底鮮甜，有點驚喜，個鍋亦可棄魚選蟹。雖然話喺鍋底，但亦可以當粥咗先食，仲伴上油炸鬼、洋蔥和生菜絲。
潮式米水鍋
$248
89 瀏覽
0 讚好
0 留言
火鍋配料分為海產類、招牌牛肉、肉類、丸類、餃子類、蔬菜及麵類，亦有一啲特色推介，以及另備多款海鮮刺身。
頂級雪花肥牛 $188 / 例、$268 / 大牛肉類點咗兩款，頂級雪花肥牛要一客大份嘅，每片切成長形，方便涮幾涮啱啱好一啖吞晒。單喺賣相油花分佈平均，色澤鮮紅，已然感到質素上乘，一片入口，滋味無窮，皆因肉味濃，質感柔軟，油香豐足，真喺吸引得一片接一片。
頂級雪花肥牛
$268
105 瀏覽
1 讚好
0 留言
邊抓位 $268 / 例、$328 / 大邊抓位印象都喺第一次試，一份例牌都唔少，有一大碟，色澤同樣鮮紅，但就無咁多油脂。烚過後，牛肉一樣腍滑，但食落多一分咬口。
邊抓位
$268
127 瀏覽
1 讚好
0 留言
水魷魚 $68海產類揀咗幾款試試，水魷淥咗好耐都唔會點縮水，食落好彈牙好爽。
水魷魚
$68
31 瀏覽
0 讚好
0 留言
一客有唔少件，花膠筒最啱女生們，小弟都烚番件，入口柔韌得嚟有咬口，而花膠筒本身無乜味，所以沾少少自製混醬就覺得鮮味啲。
養顏花膠筒
$78
27 瀏覽
0 讚好
0 留言
唔喺溝粉嘅貨色，所以，放入鍋底中烚得耐，會好易散，故此，輕涮一下就食得。
日本蟹棒
$58
25 瀏覽
0 讚好
0 留言
黑松露餃 $98外觀同一般嘅乜餃物餃無咩分別，都喺啲豬肉、蝦肉包成，不過，除咗自家包製，餃面無撲粉，食落細滑之外，肉餡加入黑松露醬，肉餡咬落既鬆化彈牙，亦散發出陣陣幽香，香氣撲鼻，令人回味。
黑松露餃
$98
67 瀏覽
0 讚好
0 留言
鵝肝墨魚丸 $88好簡單，就喺手打爽彈嘅墨魚丸內，釀入鵝肝粒，自家手打故然入口彈牙，不過，鵝肝咁樣烚一烚，烚熟咗咁，好似缺少咗份豐腴感。
鵝肝墨魚丸
$88
25 瀏覽
0 讚好
0 留言
嘩鬼蝦條 $68同意食友嘅見解，酥炸成為小食，總好過放湯烚用嚟打邊爐，因為油條部份涮過之後變腍，失去油條香脆嘅特性。
嘩鬼蝦條
$68
57 瀏覽
0 讚好
0 留言
玉簪蝦丸 $88唔止個名改得靚，賣相都好睇，以手打蝦丸為基礎，插入金華火腿條、甘筍條、露筍條同西芹條，令口感多添幾分爽脆，味道多添幾分層次，再者，蝦丸的確爽彈蝦味足。
玉簪蝦丸
$88
86 瀏覽
2 讚好
0 留言
外形討好包得漲卜卜嘅福袋，其實喺蟹肉、蟹粉、豬肉所做成，始終蟹粉佔得唔多，所以，算唔上味道好突出，不過，始終用料豐富，又富湯汁，食味不俗。
蟹粉福袋
68 瀏覽
1 讚好
0 留言
脆炸響鈴 $48試咗唔少特色嘢，都揀啲大家心水，響鈴喺其中之一，店員解釋由於喺新鮮即炸，所以，需久候一點。響鈴放入湯中輕灼，既酥脆，又帶少許湯汁，好味。
脆炸響鈴
$48
35 瀏覽
0 讚好
0 留言
同為自家製作，唔用來貨，所以，食得出有水準，一咬卜卜脆，又甘香，放湯灼又得，當小食淨食都得。
炸魚皮
$48
108 瀏覽
2 讚好
0 留言
打邊爐點蔬菜喺最唔划算，因為，啲蔬菜本身平，又無乜功夫要做，但賣嘅價錢又唔平，都喺鋪租、人工嘅反映，但成餐飯無菜落肚又唔得嘅。
唐生菜、娃娃菜
54 瀏覽
0 讚好
0 留言
竹蔗茅根水 $28講到打邊爐，唔喺飲汽水，就喺飲涼茶。竹蔗茅根就夠清熱下火，自家製，竹蔗、茅根、馬蹄、紅蘿蔔，真材實料無欺場，冰涼清甜度，順喉解渴。
竹蔗茅根水
$28
76 瀏覽
0 讚好
0 留言
真喺估佢唔到食火鍋有泰式甜品供應，皆因同集團有泰國餐廳。糕內有西米、栗粒，口感豐富，又有濃濃椰汁香味。
椰汁西米糕
$26
59 瀏覽
0 讚好
0 留言
即喺香芒糯米糍，外皮煙糯有咬口，裡面捲住大大件芒果肉，鮮甜好味，又撒滿椰絲，椰香處處。
雪沙香芒卷
$24
124 瀏覽
2 讚好
0 留言
烚吓烚吓，邊烚邊傾，邊傾邊食，同老友們暢所欲言，渡過一個愉快晚上，兼且收到唔少小禮物，真喺多謝各位成日分甘同味嘅好食友。
張貼
