龍景軒

營業中

休息中

首先奉上餐前小菜，欖菜四季豆，鹹香油潤，不會死鹹，四季豆味道清爽。崧子叉燒菠蘿包菠蘿包軟熟香甜，上面酥皮鬆化，內餡相對失色，味道上雖然惹味，不洋蔥切得比較大塊，不夠入味。叉燒口感比較乾，肉質結實。筍尖鮮蝦餃 未見有筍絲，蒸得有點過熟，外皮有點淋，蝦仁爽口鮮甜，麻油味濃。雞樅菌甘栗雜菌餃幾道點心下來我比較喜歡的一道，菇味香濃，內餡有木耳、雞油樅、四季豆、紅蘿蔔，切至方丁，口感層次豐富。蟹肉蒸燒賣 比較坊間的燒賣味道較清淡，有助突顯蟹肉的鮮甜。片皮乳豬件乳豬皮鬆化香口，保留少少肥膏，所以瘦肉部分不至於太乾，三文治式食法，上層為乳豬皮，中間刈包皮，底層為瘦肉，油香、甜香、肉香融為一體。不過個人覺得，最出色的乳豬還是文華廳出品。如意琵琶映紗窗十分清淡的一道齋菜，琵琶豆腐豆香濃郁，竹笙蘆筍爽脆清新，中間為雲耳榆耳，入口舒服，不過不太適合重口味的我。黑椒洋蔥法國乳鴿炒飯西式食材中式煮法，洋葱惹味香口，炒飯尚算乾身，但鴿肉存在感低。蜜汁燒叉燒由於如意琵琶映紗窗太齋了，後加一份蜜汁叉燒，用上梅頭肉部分，肉質軟嫩，肥肉油香十足，一入口就感受到濃烈的豬肉味，未必人人能接受到，麥芽糖煮成的蜜汁有助減低豬肉羶

既然酒店推出優惠，何況趁機來摘星，近月去了龍景軒飲茶兩次，用六月時買了的七折飲食券。 連續多年獲得米芝蓮三星名銜，對龍景軒各方面有所期望是正常，可惜我覺得「過獎」了！裝潢華麗舒適但我唔覺特色，桌上放上清新的蘭花增柔美感值得一讚，配合維港景緻及古典音樂播放，不失為一周末下午優雅好去處。 服務員態度很好，慢拍子地先送上防疫消毒紙巾及口罩套，然後查詢客人點茶之決定，繼而送上餐牌，靜靜等候客人指示點菜，于人可以興鬆享受午餐、沒有的時間限制的壓迫感；最欣賞的是，見我們只得二人，主動地建議點心可以改至每人一件及小菜半份，這方面令我覺得非常窩心，胃納有限亦可多嚐款式。可惜廚房不配合，如趕收工般，我們點了的五款點心在時間相若下逐一上，我們無意吃快餐，無奈只好讓點心涼了才吃令其食味失色，這樣亦令整體服務評分打折扣！聽說龍景軒的點心及海鮮菜式最出色，但我對前者尤其失望！點心選擇只有十多款並不多，其中四款為腸粉，比例有些不衡；在餡料組合上刻意添新意，效果一般；幸好，兩款招牌小菜及炒飯烹調技巧水準之上，但又非別處難求，沒有令我有必須重臨之慾望。 價錢方面非常進取，所以思前想後下還是決定不嚐那些鮑參翅肚大菜，

疫情放緩之後我哋屋企開始咗報復性消費包，今晚去四季酒店龍景軒食晚飯，叫嘅都係「經濟」小菜。作為四季酒店嘅中餐廳，服務確係一流，唔會過分殷勤，但細節位令你感動。餐前小食係拌茄子，而我係唔食茄子嘅，就將碟茄子俾咗太太，原來侍應看在眼裏，冇幾耐就攞過另外一碟露筍伴雜菌俾我。去好嘅餐廳我哋好多時都會鍾意叫炸物，因為普通餐廳嘅炸物一般都做得麻麻。我哋叫咗個蝦多士，蝦鮮味，多士鬆化，遠勝太子鳳城。屋企人鍾意食雞，我哋叫咗半隻炸子雞又加個西檸鷄，兩種雞都好好，不過炸子雞好多地方都整得好好，但檸檬雞做得好似呢度咁好就比較少有。但出奇地係，今晚大家公認最好嘅菜式竟然係XO醬炒豬腩肉，豬肉入味，龍景軒自家XO醬味道獨特，唔會死鹹，好味。餐枱上都有碟素XO醬，侍應見我哋鍾意食就再攞一碟嚟。又叫咗羊肚菌豆腐同鴿肉炒飯，略為普通，冇乜特別。甜品方面，餐廳送咗俾每人一件奶黃酥同桂花糕。奶黃酥好過半島嘉麟嘅奶黃月餅，唔好錯過。另外我哋叫咗楊枝甘露同煎堆仔，大女認為呢度嘅楊枝甘露係全香港最好嘅，芒果新鮮又冇「渣」，但煎堆仔就真係唔好食。總嘅嚟講，連續十二年米芝蓮三星(香港中餐廳得三間)嘅龍景軒係實至名歸嘅嘅，而且服務