影片
更多
2020-06-01
1949 瀏覽
疫情放緩之後我哋屋企開始咗報復性消費包，今晚去四季酒店龍景軒食晚飯，叫嘅都係「經濟」小菜。作為四季酒店嘅中餐廳，服務確係一流，唔會過分殷勤，但細節位令你感動。餐前小食係拌茄子，而我係唔食茄子嘅，就將碟茄子俾咗太太，原來侍應看在眼裏，冇幾耐就攞過另外一碟露筍伴雜菌俾我。去好嘅餐廳我哋好多時都會鍾意叫炸物，因為普通餐廳嘅炸物一般都做得麻麻。我哋叫咗個蝦多士，蝦鮮味，多士鬆化，遠勝太子鳳城。屋企人鍾意食雞，我哋叫咗半隻炸子雞又加個西檸鷄，兩種雞都好好，不過炸子雞好多地方都整得好好，但檸檬雞做得好似呢度咁好就比較少有。但出奇地係，今晚大家公認最好嘅菜式竟然係XO醬炒豬腩肉，豬肉入味，龍景軒自家XO醬味道獨特，唔會死鹹，好味。餐枱上都有碟素XO醬，侍應見我哋鍾意食就再攞一碟嚟。又叫咗羊肚菌豆腐同鴿肉炒飯，略為普通，冇乜特別。甜品方面，餐廳送咗俾每人一件奶黃酥同桂花糕。奶黃酥好過半島嘉麟嘅奶黃月餅，唔好錯過。另外我哋叫咗楊枝甘露同煎堆仔，大女認為呢度嘅楊枝甘露係全香港最好嘅，芒果新鮮又冇「渣」，但煎堆仔就真係唔好食。總嘅嚟講，連續十二年米芝蓮三星(香港中餐廳得三間)嘅龍景軒係實至名歸嘅嘅，而且服務
去好嘅餐廳我哋好多時都會鍾意叫炸物，因為普通餐廳嘅炸物一般都做得麻麻。我哋叫咗個蝦多士，蝦鮮味，多士鬆化，遠勝太子鳳城。屋企人鍾意食雞，我哋叫咗半隻炸子雞又加個西檸鷄，兩種雞都好好，不過炸子雞好多地方都整得好好，但檸檬雞做得好似呢度咁好就比較少有。但出奇地係，今晚大家公認最好嘅菜式竟然係XO醬炒豬腩肉，豬肉入味，龍景軒自家XO醬味道獨特，唔會死鹹，好味。餐枱上都有碟素XO醬，侍應見我哋鍾意食就再攞一碟嚟。又叫咗羊肚菌豆腐同鴿肉炒飯，略為普通，冇乜特別。
甜品方面，餐廳送咗俾每人一件奶黃酥同桂花糕。奶黃酥好過半島嘉麟嘅奶黃月餅，唔好錯過。另外我哋叫咗楊枝甘露同煎堆仔，大女認為呢度嘅楊枝甘露係全香港最好嘅，芒果新鮮又冇「渣」，但煎堆仔就真係唔好食。
總嘅嚟講，連續十二年米芝蓮三星(香港中餐廳得三間)嘅龍景軒係實至名歸嘅嘅，而且服務恰到好處，令人舒舒服服。
鍋貼蝦多士 $65/件
$5
63 瀏覽
1 讚好
0 留言
龍景脆皮雞半隻，$400
69 瀏覽
0 讚好
0 留言
脆芝麻西檸雞
$280
59 瀏覽
0 讚好
0 留言
羊肚菌上素芋絲燒豆腐
$280
58 瀏覽
0 讚好
0 留言
黑椒洋蔥法國乳鴿炒飯
$350
57 瀏覽
0 讚好
0 留言
楊枝甘露
$92
48 瀏覽
0 讚好
0 留言
榛子奶皇煎堆球 $19/粒
32 瀏覽
0 讚好
0 留言
張貼
