食包 (已結業)

經過太子見到依間好吸睛的漢堡店, 連門口個menu好得意好吸引人, 就入去試下. 估唔到佢地的漢堡都幾出色! 黑椒芝士漢堡 ($68)肉醬漢堡 ($68)佢地的漢堡包皮十分鬆軟. 依兩款包都有漢堡扒、煎流心蛋、蕃茄、生菜、芝士片.黑椒芝士漢堡配有黑椒醬, 一打開已經好香黑椒味; 肉醬漢堡就配有粒粒肉的美式肉醬. 食肉醬漢堡記住要小心d, d肉醬汁好易流出黎. 佢地的漢堡扒可以選擇牛/豬, 我地兩個都叫左牛漢堡扒, 牛肉漢堡原來係自家手打, 漢堡超多肉汁,牛味重, 啖啖肉!個包都係即叫即整, 仲要一d都唔dry, 配料都好新鮮, 真係好想食埋其他口味! 青山炸雞(+$18/跟餐配飲品)青山炸雞似係椒鹽炸雞粒, 炸粉唔厚, 外脆內質嫩,水牛城雞翼(+$18/跟餐配飲品)都幾辣下的雞翼, 仲好有後勁, 中意辣的朋友可以試下!WB經典熱狗 ($38)有原味熱狗腸/ 匈牙利辣腸可以選擇, 我地就選了匈牙利辣腸, 個包都幾大個, 條腸又粗又長, 匈牙利辣腸少少辣, 肉質厚實juicy. 

喺太子做完嘢百無聊賴唔知做咩好又唔想番屋企住去左書局兜個圈一兜就兜到7點幾😅—————————————————————唯有睇下附近有啲咩食本身想食餃子但又見到間burger好吸引咁啱有人打嚟話無飯食做埋人肉速遞買埋佢份經常食開都係茄汁芥末見到有肉醬漢堡好特別再加多個黑椒芝士漢堡肉醬有濃郁嘅蕃茄香出奇地又同牛肉漢堡幾夾而且令漢堡更加juicy只係小心食到周圍都係🤣黑椒漢堡好香辣濃濃黑椒但無蓋過漢堡嘅肉味依家啲漢堡都幾高質唔會因為外賣焗淋個包👍🏻+$18就可以轉套餐配小食&飲品店主應該係姜糖成間舖好多姜糖打卡位😂—————————————————————↻ 黑椒芝士牛肉漢堡 $68↻ 肉醬漢堡 $72↻ 套餐+$18

最近朋友介紹左一間位於太子站C2出口步行1分鐘就到Winner Burger漢堡包店。店鋪唔大，主要系做外賣，只有兩張枱給人堂食。本來我系想食芝士菠蘿雞漢堡，可惜當日炸雞扒已經全部賣曬，生意相當好。WB經典漢堡（HKD 62）漢堡扒可選擇牛或者豬，要左牛漢堡扒好大一個漢堡包🍔大到唔知道點落口😂一啖咬落去漢堡扒好多汁，煎流心蛋好香，配埋Ｄ生菜番茄同WB醬汁簡直絕配，我從來都未試過食漢堡包咁多汁滴到成件衫都系🤣🤣🤣黑椒芝士漢堡（HKD 68）漢堡包份量大，我一個人更本食唔曬，一樣咁多汁，漢堡扒煎得好香有多汁，最出色就系個黑椒醬，黑椒味好濃，有夠辣，非常野味。炸雞翼（HKD 15）2隻雞翅好入味，炸得有夠脆，非常好食😋整體來講好抵食，價錢相宜，份量大又好味。

係太子既呢間漢堡包店好吸睛，牆身用色彩繽紛既瓷磚鋪成Mario feel既圖案🕹⭐，開放式廚房好乾淨企理，店舖主打外賣漢堡，另外亦有好多款唔同小食選擇，全部都即叫即整架👍。 🍴WB經典漢堡$62經典漢堡最吸引係入面有流心蛋！蛋汁流出黎真係冇得輸🤗！漢堡揀左牛肉，用料唔錯，有肉味好juicy😋。麵包挺身鬆軟有彈性，經典醬汁有d類似千島醬，酸酸地可以解膩。 🍴黑椒芝士漢堡$68呢個都係揀左牛肉漢堡，黑椒醬同牛肉真係最夾🙌。黑椒醬係偏辣，好惹味，鐘意濃味人士一定啱晒。牛肉同蕃茄都好厚，好滿足🤩。 🍴芝士菠蘿雞堡$68超厚雞扒同菠蘿!! 雞扒厚身得黎又炸得好香，雖然係炸既，但肉質唔會乾。配埋清新既菠蘿同埋微酸既醬汁，好fresh💛。 🍴薯條$15雖然係最普通既小食，但係好好食！勁香，拎返屋企途中差d忍唔住偷食😂。係粗身薯條，外面炸得香脆，入面又keep到軟腍。表面灑左調味粉，微辣又唔會過鹹👍。佢既包裝都值得一讚，紙盒設計靚，夠高身，唔會壓扁漢堡。而且有小小既透氣孔，唔會焗住炸物。總結係推薦！全部漢堡都係好巨型，有超厚既肉肉😆，可以試下挑戰一啖咬晒咁多層😏。