食包 (已結業)

最近朋友介紹左一間位於太子站C2出口步行1分鐘就到Winner Burger漢堡包店。店鋪唔大，主要系做外賣，只有兩張枱給人堂食。本來我系想食芝士菠蘿雞漢堡，可惜當日炸雞扒已經全部賣曬，生意相當好。WB經典漢堡（HKD 62）漢堡扒可選擇牛或者豬，要左牛漢堡扒好大一個漢堡包🍔大到唔知道點落口😂一啖咬落去漢堡扒好多汁，煎流心蛋好香，配埋Ｄ生菜番茄同WB醬汁簡直絕配，我從來都未試過食漢堡包咁多汁滴到成件衫都系🤣🤣🤣黑椒芝士漢堡（HKD 68）漢堡包份量大，我一個人更本食唔曬，一樣咁多汁，漢堡扒煎得好香有多汁，最出色就系個黑椒醬，黑椒味好濃，有夠辣，非常野味。炸雞翼（HKD 15）2隻雞翅好入味，炸得有夠脆，非常好食😋整體來講好抵食，價錢相宜，份量大又好味。