灣仔冰室 (已結業)

一到Lunch Time所有餐廳都坐滿人，等左15分鐘左右有位，都唔算太耐。茶餐廳餐牌選擇一定多，睇黎睇去揀番常餐最穩陣，可惜呢度常餐跟配嘅粉麵係固定，本來想將通粉轉米粉都只好放棄。一個餐有雞翼餐肉蕃茄通再配炒蛋多士同飲品，$50都算幾豐富(冇計而家香港物價嚇死人，灣仔食晏更嚇人)。蕃茄湯味道好濃，偏甜可以酸番少少就好；通粉爽口冇煮到一「Pat」野咁。雞翼同炒蛋冇咩特別，個多士新鮮烘起好味道。總括黎講味道可以又夠飽，做Lunch的確唔錯。順帶一講朋友點嘅黑毛豬叉燒飯，兩隻蛋好靚仔，但叉燒同飯份量都比較少，朋友話味道可以但食完唔太夠飽。

是日同同事行開灣仔工作,去到夠鐘午飯時間就入左去灣仔冰室醫肚好快就安排左位坐睇完餐牌叫左個黑毛豬叉燒飯,霸王雞飯,熱奶茶,熱檸薑樂黑毛豬叉燒飯--燒得幾香口,個燒汁都幾好食..太陽蛋呀好正呀,流汁既感覺霸王雞飯---蔥好香而個湯牌唔錯唔似味精湯.雞都幾好食唔會好鞋口.菜幾鮮甜熱奶茶--都OK既正常野熱檸薑樂--飲下薑都好薑下食完見到人地食菠蘿豬扒包又想食,就同朋友SHARE叫左個加凍檸茶菠蘿豬扒包--豬扒都幾厚身,肉鬆有肉味同埋都多汁

呢間冰室嘅裝修幾有心思 🤪今次就食個黑毛豬叉燒大碗飯 真係好好食喎 一野叉爆兩隻蛋撈兩下食！正！杯熱奶茶嘅茶味香得黎奶又滑 非常值得嘗試🤤 oishi desu ne!!