灣仔冰室 (已結業)

一到Lunch Time所有餐廳都坐滿人，等左15分鐘左右有位，都唔算太耐。茶餐廳餐牌選擇一定多，睇黎睇去揀番常餐最穩陣，可惜呢度常餐跟配嘅粉麵係固定，本來想將通粉轉米粉都只好放棄。一個餐有雞翼餐肉蕃茄通再配炒蛋多士同飲品，$50都算幾豐富(冇計而家香港物價嚇死人，灣仔食晏更嚇人)。蕃茄湯味道好濃，偏甜可以酸番少少就好；通粉爽口冇煮到一「Pat」野咁。雞翼同炒蛋冇咩特別，個多士新鮮烘起好味道。總括黎講味道可以又夠飽，做Lunch的確唔錯。順帶一講朋友點嘅黑毛豬叉燒飯，兩隻蛋好靚仔，但叉燒同飯份量都比較少，朋友話味道可以但食完唔太夠飽。