大渣哥茶記 (已結業)

Happy Friday橫風橫雨都要返工，食飯之前仲黑雨添 朋友喺深水埗考完車約好咗今日出嚟九龍灣搵我食lunch都冇因為情況惡劣而改期-係愛啊❤️其實係我有求於佢，佢有啲嘢要俾我姐 🤪可能天氣惡劣所以人唔多，未人齊都入得。諗來諗去都係食返我嘅黑牛黑面，次次都話下次先啲新嘢，但每次下次都係食返同樣嘅嘢so stupid. 其實係我永遠都覺得自己食唔晒一大碟飯/面 ，叫個茶餐又食得晒喎（根本就係心理作用）問心嗰句黑牛黑面冇乜特別驚喜，50幾蚊一個茶餐比出面貴少少，丁麵再加錢。反而係見到朋友叫果個豬扒餐肉飯豉油汁好似好好味咁，成日都隔離飯香，係佢個另上個甜豉油吸引到我。諗諗吓都蠢咗，其實可以share嚟食㗎嘛，咁兩樣都可以食晒囉！（豬咁蠢）再環顧四周已經諗好下次可以叫蔥油飯類或者焗飯類。不過唔知幾時下次呢。

上個星期先食完，另一個friend又想食，又叫我收工去食。。。。 鬼咩， 而家二人限聚令，冇得一齊食， 要分開兩個兩個食，咁我就要出嚟食得密d.今次都係早去食， 6 點鐘到， 唔駛排隊~ 我食過幾次大渣哥， 但係次次都俾其他嘢吸引咗去，冇食過常餐. 今次要試吓喇~佢個常餐叫打躉常餐， 我叫咗叉燒通粉，轉意大利雜菜湯 本來我會食豬扒 or雞扒， 但係閉關咁耐，餐餐食豬扒雞扒， 食到有d驚, 所以我會揀其他嘢~丹麥多士同炒蛋嚟咗先~ 個多士咁特別嘅？！ 我第一次食丹麥多士，都幾好食~ 有d似牛角包咁嘅多士， 都幾香幾好味我個叉燒通粉都好味， d叉燒都真係幾多， 個意大利雜菜湯都好好飲~ 唔駛加錢有得轉湯底， 好抵呀！我個friend食黑牛黑面， 點解我身邊嘅friend都咁鐘意食黑牛黑面架呢？！ 佢地話好好食。。。。 但係因為我唔食牛， 真係體會唔到唔知下次嚟， 會食咩呢？！ 下次再諗~

去完九龍灣睇戲，唔知食乜好，諗起附近有大渣哥茶記，決定試一試！大渣哥茶記英文名係Cafe de JarGor，又開正喺Café de Coral（大家樂）對面，認真趣緻夜晚7點鐘左右到，諗住已經算早，結果都係大排長龍⋯⋯糾結咗一陣轉唔轉餐廳好，但好快就有姐姐出嚟探熱，仲會檢查身份證（背面），食得都放心啲同朋友兩個人食，諗住等半個鐘走唔甩，點知5分鐘都唔使就有位原來因為前面係一大班人先要等耐啲！大渣哥啲餐牌都非常有玩味呢個黑牛黑麵望落都幾吸引，就試試佢先！黑牛黑麵，$52沙嗲味好濃郁！！！牛肉又唔會韌，值得推介！不過飲得湯多都有啲咸套餐係配丹麥多士，已經搽好牛油，唔係普通麵包，都幾特別，而炒蛋雖然唔算太滑，但都幾有蛋味！不過冷氣都幾大，啲蛋好快就會凍，所以要快啲食。朋友嘅焗黑椒雞扒飯，$66焗飯上菜比較慢，我食到一半先上到菜但新鮮出爐熱辣辣，黑椒汁又係好濃郁，滲滿落焗飯入面，撈都唔使撈就好有味，幾有驚喜雞扒肉質都好嫩滑，$66真係抵食！不過茶餐廳環境都係比較嘈，同隔離枱又好近，聽晒隔離啲對話，冇乜私隱咁同埋出面好多人等梗，食完都係快啲走人

大渣哥就係公司附近 睇住佢哋裝修 至開業 裝修期間 圍板貼上不反為通知書 哈哈 好有創意平時放工經過一定有條隊今日放工見到條隊唔係好長 星期天下午茶時間 一於試試 係唔係不反胃先量完體溫 睇完身份證 等咗一分鐘就有位 菜式的名字好有創意 好棧鬼叫咗個出名嘅全日套餐 黑牛黑面試試即沙爹牛肉米粉 都ok呀 丹麥多士幾好食香港味的裝修 也算是寬敞 也光猛和開揚 坐得都舒服服務質素也很好 隔離枱點咗杯青檸檸檬可樂 睇落去唔錯喎 呢餐的確不反胃 下次去會試下個小炒