三一餃子 (通菜街)

營業中

休息中

🥟🥟🥟中規中矩，有特式口味餃子▫️QR code落單▫️餃子有10/12隻選擇，雙拼+$4▫️沒有菜圃提供，有醋及辣椒✨湯餃10隻 雙拼 - $52個湯幾好味，有豆乳味，但係有少少咸，有少量蔥花點綴。✨煎餃12隻 雙拼- $60 煎餃叫了外賣，有別其他餃子店，會係冰花煎餃，用粉醬煎左成層薄皮，但餃子吾會好脆。🆗芫茜豬肉餃 （湯）湯餃比較脆弱，一用力夾就一分為二，好彩包得結實，餡料唔會跌晒出嚟。餃子正常size，吾算大隻亦都冇好飽滿，餃皮不厚但都吾算薄，沒有特別出色。芫荽味足夠，可以一試。☑️黑白松露豬肉餃（煎+湯）平時食松露味嘅野都會特別貴，而呢到吾會，都食到幾濃松露味，菇粒有口感，性價比較高，呢款煎餃湯餃都有叫，煎嘅好食過湯，香口d。🆗韭菜蝦皮豬肉餃（煎）韭菜味都有，但唔係好濃，亦吾太食到蝦味，同其他餃子店比相對失色。

我真係好鍾意食餃子 對餃子係有鋪癮 久唔久就要食吓🥟無論煎餃或者湯餃 我都唔會抗拒 一樣都係咁大愛🥰食店提供三種唔同既烹調方法去煮餃子 煎餃 蒸餃 湯餃🤩餃子既口味選擇上唔算太多 但味道上比較獨特唔常見😋如果想試多啲口味 可以考慮一下拼餃 咁每樣就可以食少少😆➷🪐 煎餃▸ 黑白松露豬肉餃▸ 招牌餃子貳號▸ 粟米豬肉煎餃以冰花效果呈現 夠香脆而又唔會油膩👍🏼基本上我地見到每一枱食客都有叫煎餃 連外國人都食🧔🏻‍♂️冰花煎餃比起普通煎餃會用多少少功夫 就係為咗個脆網😍同埋本身煎餃都會帶有香口感 所以會更容易吸引人😌內餡方面 調味上唔會做得太濃郁 留有食材原味道🤤§🪐 湯餃▸ 招牌餃子貳號至於湯餃黎講 底湯就稍為清淡少少🤏🏼會較輕型招牌餃子既韭味會更為明顯 配湯會更加容易食得出🥟湯底唔係重頭戲 其實可以食無湯餃子 味道應該係最到位😋但當我發現到呢一樣野既時候已經太遲 太多野食喇😆§🪐 火焰醉雞翼除咗餃子之外 佢都仲有一系列既小食供應🍢食得落既都建議大家試試 覺得佢質素都唔錯👍🏼就好似呢個醉雞翼 上枱後會淋上酒精點火🔥做一個脆皮效果雞翼因為咁就會帶有濃厚既酒香🍶再配埋佢酸酸地既柚子醬就會有種好似

作為餃子控，之前食過中環店念念不忘，因為呢度提供各式各樣嘅創意餃子🥟仲有多款小食同飲品～最近旺角都開咗新分店當然要去支持😍新店開張拎咗酒牌，餐廳為咗俾大家體驗日式餃子配清酒嘅樂趣，每位年滿18歲嘅客人都會贈送一杯清酒！🍶鮮榨生貯藏酒 (贈送，原價$88/300ml)大吟釀嘅香氣撲鼻而來，既清新又易入口～🍶二段酵母仕込 ($78/300ml)飲完上面嗰杯唔夠喉，另外叫咗呢款試下🤣入口清爽之餘多了一份醇厚嘅口感，配雞軟骨呢啲濃味食物就最適合不過！🥟餃子大阪燒 ($58)三一名物其中一款，幾有特色✨餃子底揀咗招牌餃子貳號，即係蔥花豬肉餡，相當足料～餃子冰花外層煎得香脆，餡料多汁😋配埋餃子上嘅大阪燒醬、沙律醬、紫菜、木魚絲，食落幾新穎，簡直係突破餃子新食法😆🥟餃麵/餃飯 (松露餃/芫荽餃) ($54; 雙拼+$4)想食餃子又驚唔夠飽？叫呢個set就啱哂啦！呢個set除咗餃子之外，仲可自選湯底再跟麵或飯 (係溫泉蛋紫菜拌飯，一啲都唔hea)，唔想食咁飽仲可以揀菜底，真係非常貼心🥰⟐ 豆漿蝦湯跟菜底⟐ 雙拼黑白松露豬肉餃+芫荽豬肉餃豆漿蝦湯幾特別，甜甜地又有蝦嘅鮮味，餃子浸住呢個湯底嚟食都特別鮮甜

呢間主打創新日式餃子🥟好耐以前幫襯過中環店 嗰陣都已經有啲人龍～話咁快就開埋旺角分店 仲好似迷你居酒屋咁有酒有小食 ♡ 湯餃｜黑白松露豬肉餃 // 韭黃墨魚醉雞餃♡ 特餃｜ 招牌餃子貳號大阪燒♡ 小食｜關東煮餃子款式同口味非常特別( ´･ω･`)感覺偏向住家𝘴𝘵𝘺𝘭𝘦 樸實足料 唔算好巨型 但咬開啖啖肉松露餃非常香 但不至於完全蓋過豬肉嘅鮮味 醉雞餃酒味無想像中咁濃～要食多兩啖先慢慢滲d酒味 重手返少少就好啦🤏🏼大阪燒餃子好有新意(*'▽'*)賣相亦幾震撼 木魚同紫菜碎堆到高一高 味道好和風🍙而且煎得剛好 外層微微焦脆 但又唔會太硬身太乾 食落唔油膩湯餃可以自選豆漿湯 / 昆布湯 / 芫荽湯 每款都好特別🎎午餐可配麵 / 溫泉蛋紫菜拌飯 / 菜底 亦可以追加小食 每份套餐$50-60 都幾抵食啊最特別係每位都會送一杯日本燒酒🍶酒鬼們仲可以單點一壺 食住餃子萬歲飲勝ヾ(^ω^*)

三一餃子開分店去九龍區啦，位置正正係通菜街嘅一生懸麵隔離，好易搵到！餃子有8款，有啲好創新嘅款式，例如麻婆豆腐素肉餃同韭黃墨醉雞餃🤩 另外都仲有幾款小食🤤 •🥢餃子大阪燒 $56/10隻其實呢款就係喺冰花煎餃上面加咗沙律醬、燒汁、木魚絲同埋紫菜碎～ 呢款用咩餃好似係每日唔同😯 我哋嗰日食就係招牌之一嘅蒜芯豬肉餃（蒜芯其實係蒜嘅花莖，蒜味無蒜頭咁濃，無乜辛辣味～）蒜芯同豬肉比例相約，而蒜芯口感少少爽脆有啲似豆角，以餃子口味嚟講都幾唔錯👍🏼不過「大阪燒」嘅部份就有啲失色喇😢因我蒜芯豬肉餃嘅味道都幾出，加埋「大阪燒」就會有少少做多咗🤔 如果配其他餃嘅話，就可能沙律醬同燒汁都要落多啲同均勻啲先得喇，因為今次落得唔夠，令到個餃子唔夠「大阪燒」😬•🥢 韭菜蝦皮豬肉煎餃 $52/10隻呢到嘅煎餃都做到日式嘅冰花底😍 不過呢個方法得一面脆，好彩呢到嘅冰花嘅一面都好平均同幾大😌 煎餃揀咗韭菜蝦皮豬肉餃，韭菜同豬肉份量平均，但韭菜味一如概往嘅突出，蝦皮(蝦嘅幼苗)就被韭菜味蓋過咗喇😢•🥢 黑白松露豬肉餃 +上海麵 $51呢款都係濃味嘅餃子之一😛餃子皮厚薄剛好，餡料都幾juicy，而且黑白松露味都幾香濃，用

在女人街一帶覓食，見到這家試業中的餃子店，喜愛吃餃子的我就被吸引進去了～店員們都很友善熱情😁我們叫了十隻煎餃($54)，雙拼(+$4)選了兩款味道，分別是黑白松露豬肉餃及韭菜蝦皮豬肉餃。煎餃十分香脆，韭菜餃味道正常，黑白松露豬肉餃則有驚喜，裡面的松露香氣撲鼻，味道非常濃郁👍🏼是坊間較少見的口味。另一份湯餃麵($51)，湯底選擇了味噌蝦湯，配搭上海麵。餃子則選了韭黃墨醉雞餃。味噌蝦湯非常驚豔！有蝦的鮮甜味，加上上海麵非常掛湯，感覺像吃日式拉麵一樣。韭黃墨醉雞餃帶有啖啖的酒香味，亦是非常新穎的餡料口味呢。吉列炸蠔共有四件($46)，蠔肉水準正常，非常邪惡，新鮮炸起十分燙口，仍能保持外脆內軟的口感，是令人十分滿足的小食🤤最令人驚喜是餃子店竟然有冷萃咖啡，彷彿突然進入了Cafe一樣，咖啡杯及碟十分精緻有格調，咖啡香氣濃郁，但喝下去有淡淡的咖啡甘香，非常合男友口味😎