一芳台灣水果茶 (已結業)

大家都知我平時最鍾意就係飲埋晒啲邪惡嘢🤰🏻🤰🏻今次就嚟試咗呢間一芳水果茶嘅黑糖珍珠鮮奶，呢間都好似幾出名🤪佢哋呢到嘅珍珠唔係叫珍珠，叫黑糖粉圓鮮奶🧋食落去覺得同出面嘅珍珠最大嘅分別就係細粒好多，所以唔算好有咬口，有時候大啖啲飲就會咬都冇咬過就吞咗落去🤭同埋冰度甜度都係固定，個人覺得太甜🤭不過黑糖味係真係幾香，而家鮮奶食落都唔係啲cheap奶，我自己覺得算不過不失，可能下次試下水果茶會唔會好飲啲🤣

雖然一芳好像水果茶才是招牌，但因為我比較喜歡奶茶，所以這次試了黑糖粉圓鮮奶。黑糖粉圓鮮奶黑糖味不夠重，沒有想像中那種焦焦甜甜的香氣，比起老虎堂和幸福堂的差很遠，感覺就是還可以而已……

一芳出名水果茶，上次就飲過了，成三十幾蚊杯，算好飲嘅，不過都係糖水浸水果嗰啲野今次就試埋佢話嘅每日限量。因為覺得貴，只係買左中杯黑糖嘅飲品飲前一定要搖匀！如果唔係第一啖又成口糖佢所講嘅粉圓，即係珍珠，本身仲胡塗地諗左陣係唔係芋圓中杯勁快飲完，味道係ok嘅，冇乜特別，奶又唔係特別香濃，黑糖都唔係特別香，珍珠都唔係特別好食，係名符其實嘅"ok啦"飲品

曾經係台中飲過一芳水果茶，當時覺得都幾好味，水果茶黎講算幾好飲。所以都一心想係香港試下哈哈，咁岩係荃新天地開，經過就梗係去望下。開左幾日，但係都唔多人排隊，太幸運了。仲要買到杯每日限量100杯既黑糖粉圓鮮奶，wow too lucky!!!1) 黑糖粉圓鮮奶: 之前試過台中既6角巷，好味到爆！！呢杯都唔錯，可惜甜度同冰都係固定><但係d味幾好，粉圓細細粒唔洗咬到牙交軟。不過d粉圓就不夠甜，所以我都係麻麻地哈哈。2) 粉圓鮮奶茶: 呢杯就真係有d普通。茶味不夠重，反而奶味好勁。喜歡茶味的朋友，可能就要選其他的了。