開心餅店

營業中

休息中

之前已經食過佢哋嘅黑芝麻麻薯卷蛋，都幾滿意，但嗰段時間想再買就已經預約好耐之後，所以就一直都冇買🥲直到聽朋友仔介紹左花生芝麻麻薯卷蛋都好正，又挑返起條癮想買🤤黑芝麻花生麻薯卷蛋 $148一拎到第一下就心諗：好重啊😮‍💨😮‍💨真材實料超級大條！蛋糕體好濕潤，啲cream爆哂出黎，買之前朋友已經講話花生味會搶左芝麻味，事實係真嘅🤣但其實分開食嘅話兩者嘅味一樣濃郁💓花生cream有粒粒花生，令到口感更加好～麻薯偏向固體啲，唔係好拉絲個種煙韌！呢個配搭聽落可能有啲邪惡，但其實食落真係唔會有嗰種好甜膩嘅感覺！真係可以大啖大啖咁樣享受快樂🤤有一日返工之前坐喺度食，食到唔想起身返工。。。太幸福了，只想靜靜地回味呢份快樂🥲質素一如既往地好，而且而家唔使等咁耐，我早一星期訂就有了～想食嘅話可以趁而家訂黎試😍

Happy Roller #旺角 #黃店 💛💛💛❗️高質卷蛋黃店❗️已經係第三次回購！位於旺角嘅傳統麵包店，驟眼望平平無奇，但係其實暗藏隱世卷蛋‼️有好多ig foodie介紹過，仲上過好多報章雜誌。而且仲有參與罷工，難得傳統老餅店都咁黃💛💪🏻！佢哋所製造嘅卷蛋使用零卡稀少糖、少油少糖配方，健健康康咁享用到美味嘅甜品😆特別提醒🔔門面係見唔到卷蛋㗎，要問佢哋先有！不過佢哋嘅現貨都非常限量，而且每一日都係唔同味，所以記住留意佢哋嘅ig，睇清楚先好去。最近佢哋新出左黑芝麻花生麻薯卷蛋🍰$138個個都大推，搞到我都忍唔住去買，果然冇令我失望。用上黑芝麻嘅蛋糕，包住花生忌廉同埋麻薯，三款配料都係我嘅最愛！✨蛋糕口感鬆軟，就算擺咗喺雪櫃三四日依然無硬到！✨味道方面，入口先品嚐到濃郁嘅花生忌廉，夾雜着花生粒。花生醬同忌廉打埋一齊之後，口感細滑，再多咗層奶香🤤。麻薯分量充足，亦可以拉絲，只係略嫌有少少黏口，如果可以再煙銀啲就更完美🙈之後帶有微甜嘅黑芝麻味就會慢慢散發出嚟😋！整體而言性價比的確幾高，一個卷蛋大約切到4-5塊，而且真材實料，味道濃郁，蛋糕鬆軟，仲要係黃，大力推介💛😋😋😋！味道: 4.4/5性價比