Pause It

營業中

休息中

連假三日又到一星期的開始, 返工嘅動力就係放工約朋友一齊去CAFE飲飲食食chill下。餐廳環境開揚, 裝修簡潔企理。供應沙律、小食、多款主食同埋飲品。Order了兩款non-coffee熱飲, 均有精美拉花, 賣相岩哂打卡。【紫薯Latte】HK$42口感超幼滑, 散發淡淡紫薯香, 不會過甜。【黑芝麻Latte】HK$42口感同樣幼滑, 充滿芝麻香同埋奶香, 黑芝麻滋潤養顏又好飲。【虎蝦青醬扁意粉】HK$108 每條意粉平均沾上青醬, 味道清香, 淡淡香草味, 配上蘆筍同埋清甜多汁番茄仔, 配搭夠哂清新! 虎蝦蝦身已去殼, 表面香煎鎖住了肉汁, 鮮味爽口。【牛肝菌汁雜菌意大利飯】HK$88意大利飯creamy有咬口, 除了面層嘅一隻大啡菇, 飯中更加入了唔少牛肝菌同埋雜菌, 菇菌味濃郁。

🔸得獎拉花舒適cafe🔸去親cafe遇上靚嘅拉花都會特別開心，Pause It已經有幾年參加latte art比賽嘅經驗，仲有唔錯嘅成績，唔少人去打卡佢杯咖啡，定期有不同拉花款式，今次終於可以一見佢嘅真身🤣—— 科布沙律 $68滿滿一盤沙律好大份，超多蔬菜，全部都好新鮮爽脆錦加蕃茄、雞肉粒、牛油果、粟米等，連沙律醬汁食幾惹味—— 黑椒牛肉多士 $84見到隻燶邊太陽蛋隻眼已經發晒光🤩食落嗰邊好香口，我自己就鍾意篤穿隻蛋黃，啲蛋汁流喺啲牛肉同多士一齊食仲好味!!! 本身仲連埋超多薯條，超豐富！—— 溏心蛋牛油果多士伴鷹嘴豆泥 $98十分鐘意依個配搭！比起一般牛油果多士，多咗鷹嘴豆，口感同味道都多咗層次，豆味本身清清同牛油果好夾，同埋兩者都係切到粒狀，食落好和諧，好似融為一體咁—— 黑芝麻Latte $40唔啱咖啡，叫其他味道都可以有拉花✅黑芝麻味超香濃，濃到諗起啲黑芝麻醬咁。拉花就係大笨象，整體造型都好似樣，圖案設計複雜，每部分嘅落點都好準👍🏻—— 伯爵茶朱古力 $48朱古力味為主﹐伯爵茶味做配角，質感順滑🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍 Pause It (#炮台山)電氣

武漢肺炎雖然好似靜咗，但係都唔可以掉以輕心，佢會隨時出嚟咬人 但係飯總要食， 今次個friend就揀咗北角呢間pause it, 其實我覺得佢係響炮台山or天后， 真係唔算北角。 去到唔駛等位， 姐姐仔仲好有禮貌咁招呼我地坐低，個menu都有唔少嘢揀，個friend就話要食truffle薯條， 我心諗，你都唔食truffle, 食乜鬼truffle薯條呀。。。。 點知見到真身， 真係覺得要叫， 見到都開心~我地叫咗水波蛋牛油果多士， 白酒煮蜆辣肉腸扁意粉，芝士黑松露薯條，黑芝麻latte, 番石榴檸檬梳打。 個avocado toast唔係得牛油果醬，真係有成半個牛油果響度， 有誠意 又好食 個扁意粉都好多餸， 又好食， 食到唔停得口 最開心都係個芝士黑松露薯條，超大碟， 我地開頭都驚食唔晒， 但係食吓食吓， 真係成碟食晒， 好味又抵食~ 淨係上枱嗰吓開心都抵返晒啦~ 呢間pause it坐得又舒服， 嘢又好食 埋單嗰陣仲主動話我知用payme俾錢可以減$30, 正呀喂~