團日式拉麵

營業中

休息中

荃灣真係好多拉麵店～呢間都幾多舔舔脷佢個湯色望落去又真係幾吸引今日終於要試一試環境來講～乾淨企理～裝飾佈置好有日本🇯🇵感覺 當時12點幾，午餐時間客量都算少黑蒜拉麵揀咗直麵，呢碗唔係我食，只係飲咗一啖湯，冇咩特別感覺魚介拉麵居然有木魚絲第一次見用木魚絲提升個魚介味，然後配有些少堅魚粉。真心個湯係超濃郁………不過……真係食唔到一個好突出嘅味，木魚絲係幫唔到囉～但叉燒係好味嘅～醃得好入味又唔會太肥～份量適中但拉麵唔係我鐘意嘅口感😵‍💫 個直麵有少少爽口～唔係軟綿綿嘅拉麵～麻麻哋🤭麻麻哋

係OpenRice見到有介紹，鋪頭唔算大😃20個位左右，最特別嘅係門口有自助式撳機😍係門口撳你想食嘅嘢同俾錢然後入去攞張票比樓面👍🏻撳緊機嗰時員工已經留意到我哋，問定我哋有幾多位，倒定水同安排位置，態度不錯👍🏻👍🏻可能我哋早食唔使等位👍🏻👍🏻，餐廳有部大電視，坐咗一個鐘都淨係播日本嘅動漫，同MV😂😂幾有feel👏🏻，因為開放式廚房，我哋可以睇到廚師即時煮俾我哋，所以個面到咗係超級熱🤩，環境乾淨。

開新既日式拉麵店，係正荃新天地隔離，行完街食就perfect! 平時夜晚都好多人排隊，難得放假中午人少少就試下先。同日本拉麵店一樣，先在門口拉麵機買拉麵，有4款湯底可揀，今次先揀黑蒜湯底，另外，麵底可選曲麵或者直麵，先試曲麵。飲品都好多款揀，好似全部係日本野，幾特別。黑蒜湯底唔算超濃厚，但勁多炸蒜係面，好香黑蒜味，配上曲的拉麵確唔錯，叉燒有2大塊，半脂肪半肉，如果厚切少少會更有口感，流心蛋一大隻，一開個黃流哂出黎，做得唔錯。富士山可樂，飲落似有氣益力多，但略貴$22。