團日式拉麵

營業中

休息中

好吃，拉麵很有創新。每次在附近學野都會過來吃。環境非常有日本風，餐單經常會更新。服務員態度非常友善，環境乾淨。 個人喜歡綠拉麵，但是不喜歡吃蔥的人可以試一下黑蒜油拉麵。

夜晚打算食拉麵，發現街市中間竟然有間唔使排隊嘅拉麵舖頭就直接入去，叫咗個醬油清湯拉麵，麵係用博多拉麵，麵質方面佢唔係嗰種好彈牙嘅面，而係好貼近日本傳統博多拉麵嘅質感，湯頭非常好，嗌嘅係醬油湯底，飲落去係非常清甜，同而家日本興緊嘅淡麗風格好似，有兩大塊叉燒，而且仲有蛋，不過隻糖心蛋唔係甜度重嗰種，呢到少少扣分。環境方面，空間比一般拉麵店大，坐得好舒服，仲有部機長播日本廣告，氣氛相當之好，我個人會再返黎食多次。

今日終於去團日式拉麵店🍜喺店外販售機自己揀食咩，再拎張飛🔖俾店員。個本身想吃海老拉麵，可惜售完。所以我同老公兩個都係叫左櫻花蝦拉麵，我就揀左曲麵，老公就揀左直麵，我哋一致認同曲麵比較好吃😋櫻花蝦足料🦐湯底夠濃郁！好吃。原諒Out Fo!! 但是糖心蛋值得讚賞!! 而家坊間好多糖心蛋都係事事旦旦，所以這個表揚👍🏻另外，餃子🥟都好吃，邊位夠脆!十分香口！環境比較細小啲，不過裝修風格就充滿日味😆總體來説，都可以啦。

某天經過見到依間團拉麵，第一次見到香港有拉麵售票機😀幾似日本。位置喺荃灣楊屋道街市附近，位置不太明顯，不過唔使排隊，可以即刻入去食。同區嘅都有幾間日式拉麵，拉麵台風，麵屋福，一幻等… 而依一間團拉麵比較唔搞多花臣，主打湯拉麵。我哋三個人去食試咗魚介，黑蒜油同埋櫻花蝦，拉麵味道吾錯，拉麵最緊要夠熱，份量都OK。個人覺得魚介拉麵最好食，黑蒜油同櫻花蝦拉麵比較普通，唔夠飽可以再加飯。叉燒成碗麵嘅靈魂，顏色呈粉紅色應該係慢煮，好腍味道亦好好食。餃子係炸餃子，同平時煎嘅唔同。總括嚟講OK值得一試。

2024.3.10今日約左好友出街，買左一陣野就同佢入荃灣揾埋佢老公一齊食飯，就推左哩間拉麵店😃我點左份櫻花蝦拉麵，🍲🍲湯底飲落有濃厚豚骨味，而後勁帶出少少蝦的鮮甜味，雖然係濃湯，不過唔油膩，口感有少少漿口😗🍜🍜麵身我揀左直身細硬麵，口感順滑爽口😃🍥🍥配菜有叉燒，紫菜，京蔥，青蔥，櫻花蝦，味玉，竹筍。叉燒係好薄既梅頭肉，雖然薄，但有手掌心大。食落彈牙，冇豬腥味，鹹味適中😃櫻花蝦望落顏色係好深既橙紅色，睇落個量都有2湯匙左右，食落唔脆，好似冇另外炒過有少少林左咁樣😮不過味道仲係好香蝦既甜味而且唔腥😃味玉係一整個，流心程度大，約有5成熟😃味道偏淡，正好同湯底好夾😉店內既裝潢擺設偏向昭和年代風，方形店，約400-500尺大，以木材為主既傢具，約有6座位吧檯，以及4張4人方檯，櫈有軟坐墊。店內有電視機，播放日本既廣告及近年既日本流行音樂，氣氛幾好😃檯面非當乾淨，冇油立立既感覺。另有提供檸檬水，以及基本既調味料。櫈底有箱可以放手袋背包😃店員既服務態度非常友好親切，好禮貌咁問客人需求😆👍要注意哩間店係門外買食券，然後入店交飛，可以收電子支付，但要揾店員幫手，都幾方便👍價錢方面，櫻花蝦拉麵+可樂都係

喺荃灣茫茫餐廳之中，我遇到呢間用自助售賣機點餐嘅拉麵店，仲有佢播啲jpop好啱聽，充滿期待。然後佢好快就上菜啦，但係塊叉燒仲有血絲咁比我睇到，好似仲識得喺農場到跑咁。我即時揾啲湯掩住佢焗多陣間先敢食，其他配料就不過不失嘅

老公鐘意食拉麵，今日佢生日，既要食麵又要食蛋，所以我就揀左食拉麵慶祝。我openrice完一輪日，貪呢到夠隱世，所以約係荃灣等，佢教我行去呢到。食夜晚有啲驚，又黑又濕，我建議女仔要有伴先好黎食，或日頭黎。黑蒜油拉麵我老公無論去邊都係食黑蒜油拉麵，佢揀左曲麵，貪佢可以掛汁，但唔鐘意硬，所以要求淋啲。湯底好濃，有蒜泥超正，蔥好多，加上湯一啖食落去，超正。不過我先生話唔夠黑蒜油味，我都同意。季節限定 - 海老拉麵湯好濃但唔夠蝦味，都曲麵淋啲，蝦夠爽但蝦頭無膏，可惜無蔥。餃子幾好，但我唔鐘意炸。我地覺得唔算出色，但想再黎食。流心蛋，出色

聽朋友介紹嚟咗呢間拉麵舖試下，估唔到竟然係同日本一樣用自助機嚟落單，都幾有驚喜! ☄️辛味拉麵 $85拉麵有大、中、小辣揀，因為入面真係放咗辣椒去煮個湯底，所以小辣都已經好有味，幾有誠意!另外溫泉蛋亦係原隻上呢點都幾值得一讚!拉麵質地唔會話特別掛湯，麵質普通。經過嘅朋友或者都可以去試試。

______________________________🦁💠M͜͝i͜͝s͜͝s͜͝ L͜͝i͜͝o͜͝n͜͝n͜͝ 評分🇯🇵♥️: 8/10黑蒜油拉麵🪨🍜好濃嘅豬骨湯底，可揀直麵同曲麵😍為咗要掛住啲湯，所以就揀咗一直面，吸收到啲黑蒜油喺每一條面到🤤叉燒，燒到表面燶燶哋，好香口，脂肪分佈得好均勻唔會好膩！櫻花蝦拉麵🍜🦐櫻花蝦鋪滿晒成個拉麵嘅表面，溏心蛋好好味，呢個揀左曲面，肥肥嘅麵完全吸晒豬骨湯嘅精華超好味🤩😋🍜⚜️回頭率⚜️ 84% 性價比高，拉麵應該好多人麵好鐘意食，搵到間好味嘅真係好難！仲要係小店，要比幾個讚呀！🤤🍴門口部拉麵落單機係好吸睛，不過操作上就未必好好…入左錢都係退返出黎都浪費左啲時間..最後都係店員幫手解決😹😅📍團日式拉麵 (荃灣)荃灣大屋街18號金豐閣地下1-2號舖

本人係拉麵控 平時都會周圍試下唔同地方嘅拉麵 上網見到呢間拉麵鋪都幾多好評 就搵日去試下呢間鋪用門口部自助點餐機點餐 想食咩俾錢全部用一部機搞掂 都幾有日本style 我就叫咗櫻花蝦拉麵同5隻餃子拉麵個叉燒真係冇得彈 燒得夠香 食落又唔會好老 配埋櫻花蝦同其他配菜 簡直係一流拉麵可以揀軟麵硬麵 可以跟番自己喜好選擇另外想講埋個湯底 食落去完全冇膩嘅感覺 飲晒成碗湯都唔會覺得口喝 餃子就不過不失 煎得都啱啱好 唔會好噥 適合好多人一齊食個陣叫所以哩一間拉麵鋪非常值得推介 下次一定會再嚟試下其他味道嘅拉麵

簡單幾句可以總結沒有過人之處，價格不是特別便宜，沒有重遊的理由首先店舖是採取自助點餐模式，顧客自行在店外的自動拉麵販賣機付款點餐該機只接受現金付款，但看見店內也有其他付款工具的收款機，相信如果顧客沒有足夠現金也可透過店員點餐及用其他付款方式店面不太大，但座位倘算寛廠有三行4方枱，每行也有6個座位，另有吧枱位，在廚房前，有３—４個座位我與友人各點了一碗拉麵我點的是魚介湯底有淡淡鹹香，不會很濃郁，也不太油膩 麵條點了偏硬，對我而言剛好，煙韌但不彈牙麵條容也不掛湯薄切叉燒口感軟腍不韌不嚡脂肪分怖平圴配料有海苔，味筍，雞蛋海苔未浸入湯已經是淋掉， 不脆味筍也爽脆雞蛋半流心，但沒有蛋味友人點的是黑蒜油拉麵湯底較濃郁，其實是比較鹹也有黑蒜油香其他配料同上除了因麵條點了適中， 所以比較淋身，不太合友人口味外其他配料評論同上

前日(24-9-2022 Sat)正日生日,同老公由赤柱返到荃灣,老公話食甜品當晚餐,咁去食過嘅糖公館https://www.openrice.com/zh/hongkong/r-%E7%B3%96-%E5%85%AC%E9%A4%A8-%E8%8D%83%E7%81%A3-%E5%A4%9A%E5%9C%8B%E8%8F%9C-%E9%85%92-r630412啦,正正就係咁樣(上次食評係2021年6月20日刊登嘅呢篇:https://www.openrice.com/zh/hongkong/review/yeah-%E7%94%9C%E5%93%81%E8%AE%8A%E4%B8%BB%E9%A3%9F-%E6%9C%89%E6%96%B0%E9%AE%AE%E6%84%9F-e4060357).我哋行到去,冇開門.之後老公諗為我外婆守夜後食嗰間https://www.openrice.com/zh/hongkong/r-%E5%A4%9A%E7%88%BD-%E8%8D%83%E7%81%A3-%E9%A6%AC%E4%BE%86%E8%A5%BF%E4%BA%9E%E8%8F%

久違的高分➖拉麵店❣️ #團日式拉麵 誤打誤撞係荃灣搵拉麵食 搵到呢間真係好驚喜😳門口係自助售票機 好有feel 而且價格好抵😝〰️加分加分❣️餐廳空間雖然比較狹窄 但配合動漫音樂 同高質既味道🤤真係超級推薦〰️💓🍜海老濃湯拉麵 $108出面食海老濃湯會好怕有腥味同埋太杰 但呢款湯唔會😳！濃稠度適中 湯底好鮮👍可能因為佢用嘅係靚蝦〰️三隻大蝦都好味！仲有豚肉 豚肉都好香架🐷➿麵質方面 可以選擇曲面/直面 軟硬度 我哋就揀咗直面 硬面🤤🍜辛味拉麵 $85辛味可選小中大辣 無記錯我係叫咗小辣 小辣都好夠辣 因為真係有🌶🥵！食拉麵我都幾中意食辣 #重口味 呢款拉麵真係辣得好爽 第一啖啲辣已經衝出黎〰️而且唔算好油膩👍豚肉偏瘦 份量都幾多 麵質方面都係直面 硬面 份量正常😝

荃灣呢間日式拉麵小店真係幾好，食過好多次，多數想食拉麵的時候都會來呢度。舖頭出面有個日本拉麵自動販賣機，幾得意。但亦可以入去落單比八達通。入面座位唔多，係小店來。次次都食曲面，多數食黑蒜油，好香蝦湯都好味😋有時會加枝波子汽水。之前有學生餐，五十幾蚊，幾抵，可惜而家無左，黑蒜油拉麵$83，無加一～碗麵唔算多餸，有兩塊紫菜(很重要)，叉燒，荀，葱，啱我，我唔洗食好多餸的，我鍾意食麵😂🍜呢間值得一試！

作為一個拉麵熊都真係好耐冇食，忽然發現楊屋道街市穿梭之間有一間拉麵小店，人流唔算好多午餐時間都係幾台客，佢門口有部自助售賣機，好方便，亦都好日式。店內環境一罐拉麵店作風冇乜太大特別整體來講都好乾淨企理櫻花蝦拉麵$88湯底濃厚而不油膩，基本上最後飲晒成碗都唔係好口渴糖心蛋時間掌握得唔錯不過未算最Perfect好鍾意食拉麵嘅竹筍叉燒兩大塊半肥瘦OK啦其實成碗面來講都唔錯但係就唔明點解啲面唔可以用心少少感覺上好似食緊啲超市拉麵咁，基本上就一定係返貨㗎喇，如果啲面做好少少就好好多啦！！整體而言都OK嘅可以再食下其他味