拉麵達人 (已結業)

環境外面睇成間日本嘅小木屋咁，入到去細細，裝修以木色為主，充滿日本情懷，真係以為自己去咗日本食拉麵。店員話佢哋每日都會自家熬製濃厚豚骨湯底，仲有唔少食客專程嚟捧場添，抬頭一望牆上有一個寫住「一碗入魂」嘅牌匾，究竟呢個每日熬製十幾個鐘嘅濃厚豚骨湯底可以令客人「一碗入魂」嗎？揀咗每款拉麵後，仲可以要求小辣／中辣／大辣，各式其式黑蒜拉麵（黑蒜豚骨湯 ＄88）落單時講咗我嘅麵條要硬，麵條入口煙韌，硬硬哋口感十足。加咗自家製黑蒜油嘅湯底好似好濃稠，但比想像中清淡而非一味油膩，不過熱愛蒜嘅我當然覺得佢唔夠多蒜，狠狠地將檯面上嘅生蒜夾成蒜蓉加入湯底，每一口麵都沾滿黑蒜生蒜，咁先係黃道，果然係一碗入魂！叉燒肥瘦分明，層次分明，肉味甘香。流心蛋黃香濃，夠晒嫩滑達人拉麵（濃厚豚骨湯 $78)招牌湯底由䐁骨熬製，濃稠得不見底，不過香而不膩。每一口都係豚骨精華，恰到好處叉燒達人（北海道味噌 $75)味噌湯濃厚無比，鹹甜適中，而且夠杰，所以每一條麵都盡吸味噌湯汁雞軟骨餃子棒 （＄36）長長薄薄嘅餃子皮包住口感脆脆嘅雞軟骨及和菜肉，整體唔算油膩而且肉汁豐滿，雞軟骨充滿咬口服務店員好熱心介紹每款拉麵，而且一見到客人

同honey去左佐敦搵食事關有新拉麵店開左我地最中意食拉麵，緊係第一時間去試食呢間店位置唔難搵$70-$80碗拉麵，有8折(新開優惠)都幾扺食不過食物款式較少我選了達人拉麵同黑蒜拉麵先試試個麵先...個湯結結地夠香濃豬骨味..無味精，塊叉燒啖啖肉! 好食麵質唔記得左揀，不過食落都ok再試埋黑蒜拉麵，可能expect會濃d所以覺得唔夠濃(向左店主反映, 佢都好接受意見, 佢話好快就出點餐紙，到時就可以自己揀濃度)餃子--正常餃子個炭燒雞串我最中意，食落好juicy原來個醬係日本蛋黃醬有驚喜店内有新鮮蒜比大家調味店員服務態度都好好，幫我整埋同店員傾下計發現佢地係有heart小店之後會再繼續推出更多新款食物同埋佢地係以1.食物質素 2.服務態度3.價錢為先，仲推介出名既橫綱拉麵比我地(類似姊妹店既關係)佢地而家不停研發緊其他新口味既麵好快就會推出期望下次再黎食已經推出左好多新野