前門飯莊 (已結業)

說實話，在青衣這個美食沙漠，想吃到像樣的食物，似乎都很困難。所以以這間餐廳的質素，也要大排長龍。幸好，在用餐前預先在手機上用apps 取票，否則真的要呆等成個鐘才有得吃。返回主題。這次人少少，所以點得比較少菜式。先來一客四川口水雞。口水雞的雞味自然欠奉，因為被濃濃的口水汁蓋過。整體雞算是滑，汁也很香。值得一試。再來就是四川酸辣湯（例牌）。說實話，我不是第一次來光顧，眼見它的份量愈來愈少。以前可以分到大概6碗左右，現在只有4碗多一點。雖然味道保持水準，但若果比較多人一起聚餐，可能要多點一個才夠。黑醋生炒排骨，這個應該不是隨處也有吧？黑醋的酸酸的確把胃口吊起上來。上海粗炒算是比較普遍的上海菜。這裡的算是可以。但不知道是有心還是無意，由於底盤有一部份是凹下去，所以把多餘的油和汁(很多的油和汁)集中在底部。因此，大部份的麵條算是乾身，爽口，彈牙。

媽媽同細佬就生日，媽媽鍾意食中菜，於是就近近地揀左青衣地嘅前門飯莊。大約7點去到青衣城，拎飛等大約15-20分鐘就可以入座，限時90分鐘。侍應生個個都好趕好忙咁，態度都算唔錯。我地4個人叫左8樣野，落單後唔夠5分鐘，野食就開始陸續黎，第一樣係薑米蛋白炒飯，個樣望落麻麻，但食落有驚喜，薑米切得超細，但仍然有爽口嘅感覺，每啖飯帶有微辣薑味。雪菜肉絲炒年糕，年糕夠淋身，連同爽脆雪菜一齊食超夾超好味，肉絲份量亦唔少，而且亦十分入味。大排骨湯麵，見餐牌有廚師推介標誌，於是試試，排骨好淡，好似除左肉味就無咩其他味，而且表而唔夠脆，麻麻，反而個麵比較好食，湯底比排骨更有味，啲麵放左一陣食都幾爽口，唔會糊口，挽回返個分數。黑醋生炒排骨，超級驚喜，一上枱香味已經撲鼻而黎，食落卜卜脆，係新鮮炸好，黑醋味超香濃，酸中帶甜，惹味又開胃!灌湯小籠包，皮簿餡多，湯亦多，好味。紅油抄手，係食親上海菜會必點嘅，呢度嘅紅油炒手好大粒，餡多皮簿，但如果個皮再滑啲會更好食，另外係略嫌唔夠辣，辣返少少係該會好味好多。招牌生煎包，開頭以為個餡同小籠包會一樣味，點知食落唔同，味道比小籠包濃味，雖然唔係灌湯，但肉餡亦非常juicy

最近舅仔搬咗，連帶佢太太有身孕，唔適宜走得太遠，地點就一於佢哋話事。原先揀咗青衣城嘅I- thai，原來執咗，結果改去前門飯莊食晚飯賀姨仔、舅仔牛一，一餐生日飯請晒佢兩個，就最益我俾少次錢。以前曾同小組組員嚟過，不過已經都成年前嘅事，但環境無咩大變，紅襯白，一室古雅柔和，所以唔陌生。前門飯莊主打滬菜，亦夾雜少少京川菜，冷盤、前菜、熱葷、點心、粉麵、甜品，款式超過70、80，部份圖文並茂當參考，今餐大部份菜式由舅仔發辦，因為佢口刁有要求嘛，哈哈，等佢揀唔使大家煩。茶錢無變，都喺收$7位，另收加一，之外就無其他雜費。五香烤魚 $58上海菜中有一道「燻魚」，煙燻香濃，幾鍾意嘅冷盤之一；晌前門飯莊就無燻魚，不過，就有一道近似嘅「五香烤魚」，魚件以五香粉醃透再炸，好入味，肉質實淨得嚟又帶點鬆化。花素蔥餅 $37一客3件嘅花素葱餅，類似啲蒸銀絲卷，口感鬆軟唔黏牙，裡面捲住啲蔥粒同蛋皮，素得嚟唔會太寡。京式蔥油餅 $37有別滬式大大件嘅蔥油餅，京式個皮較為酥脆，因為並非煎，而喺炸，內裡包住好多蔥絲，好濃香嘅蔥味。灌湯小籠包 $50一客5件，唔使爭，一人一粒。薄身嘅外皮包住濃鮮嘅湯汁，不愧為「灌湯」，