蒸廬

營業中

休息中

我哋兩個一向都好鍾意四出搵好嘢食，聽講石門出名多好西食，所以襯住星期六就專登出石門搵食啦。😋今次本身目標係另一間石門知名Cafe，點知撞啱落場時間，所以就轉戰waiting list嘅另一間點心小店「蒸廬」😝我哋今次總共叫咗5款點心，第一款係「瑤柱蝦米煎腸粉」，外觀正常無特別，但味道尚算唔錯，腸粉表面煎香，加咗蝦米/瑤柱&大量蔥花，食落香口有口感又唔會太油膩。🥳第二款就係震店之寶「黑金流沙包」，菜式上檯嘅時候我哋兩個都有d驚訝，因為個包嘅size比我哋想像中巨型，本身以為會食唔曬要打包，點知食咗一啖先發現個擔心係多餘，因為個流沙包大嘅原因原來唔係因為個包太厚，而係因為佢嘅奶黃流心餡超多💛，而且蒸嘅時間啱啱好，令到個流心包做到皮薄餡多嘅效果，奶黃餡非常流心，蛋香味濃沃，味道香甜而不膩，食完都唔會有飽到食唔落其他嘢嘅感覺，但要提醒各位搣走張底紙嘅時候要小心唔好太大力，而且建議直接用手拎住食就最好。🙌第三款＆第四款就係雙皇「晶瑩蝦餃皇」＆「蟹籽燒賣皇」。蝦餃外表晶瑩，睇得出師傅手工真心唔錯， 用筷子夾起蝦餃完全唔會有就快散開嘅感覺，而且蝦餃皮厚到適中，蝦肉新鮮大隻，值得推薦。👍而燒賣一樣蒸焗

舖頭好細，得20個人左右嘅位，平日午市都要等一陣，蒸廬出名黑金流沙包，基本上係每台必嗌，整體點心食落比較普通，勝在價錢實惠，蒸飯$45都好抵食，經過石門不妨可以試吓，如果住得遠都唔使特登去食。*瑤柱蝦米煎腸粉 特點煎到外面脆卜卜，又唔會好油膩，有幾粒蝦米仔，腸粉味道比較淡，整體比較普通。薑蔥牛柏葉 頂點牛柏葉數量唔多，而且偏鹹。蟹籽燒賣皇 特點鮮蝦菜苗餃 特點晶瑩蝦餃王 頂點養生薑汁糕 中點煙煙韌韌，薑汁味濃，所以可能因為咁，佢比較甜。黑金流沙包 唔喺點心紙上面，要另外叫，上菜熱辣辣，一掰開個包，啲流沙奶皇流晒出嚟，質地偏稀，鹹蛋黃味唔係好重，包好鬆軟，可以用嚟點流沙餡食。原籠蔗糖馬拉糕 大點大大籠，有六大舊，鬆軟，中間啲氣孔大小不一，味道好甜，而且有陣怪甜味，又有陣怪怪地嘅麵粉味，不推。南瓜鳳爪排骨飯 $45南瓜蒸到軟腍，讚！但排骨好細粒，咬落冇肉感肉味，蒸飯都會水氣多啲，我個人麻麻地蒸飯，調味夠，唔會食膩，夠晒大碗，可以5-6個人分嚟食流心蛋牛肉飯 $45唔可以食牛肉嘅我表示我唔知牛肉咩味，但飯都係水氣多，雞蛋俾菜心遮住晒，下面雞蛋切開，蛋黃係有半流心，加少少豉油，撈埋食一大啖飯，

久唔久都喜歡同老公散步入石門食晚飯，試左幾間餐廳，之前經過蒸蘆都幾多人等位，所以無試過，而且夜晚好少食點心哩 不過今次經過仲有位，所以就試下食次點左黑金流沙包、咖哩魷魚同流心蛋牛肉飯，即叫即蒸好熱首先食黑金流沙包，餡真係超流，溫馨提示不小心熱哩，個人好鍾意食奶皇包流沙包等，但咁“流“真係第一次 咖哩魷魚好正，咖哩好香同惹味，另外有豆卜吸哂啲咖哩汁好入味流心蛋牛肉飯的份量好足，美味而美中不足係坐得有點迫，所以都係快快食就閃吧

🇭🇰💛蒸廬The Steam Hut🥢石門分店 真係點心小店 舖入邊坐位唔多出邊都有小人龍🐉等緊不過唔算等好耐入座QR code落單 座位少少逼唔算好坐 但都有哂隔板做好防疫🦠🦠食物質素OK 唔洗去中資又飲到茶食點心 絕對值得支持😆💛-黑金流沙包(💰$42/3pcs)👍🏻👍🏻👍🏻大大個 流沙效果誇張 味道不錯蟹籽燒賣皇(💰$26/4pcs)👍🏻晶瑩蝦餃皇(💰$32/4pcs)👍🏻👍🏻蝦餃皮煙韌彈牙鮮竹牛肉球(💰$18/3pcs)蒸廬拼美點 (💰$55/9pcs)👍🏻有燒賣 蝦餃 馬拉糕 叉燒包 馬蹄糕等鰹魚絲金栗米牛肉飯(💰$42) fullsize蒸飯黎到好大個茶芥(💰$4/位）

來到石門 隔離就係一個商場 入面有呢間小店店員非常親切！絕對唔似連鎖式酒樓咁無禮貌！點心即叫即蒸 全部上台時都熱辣辣 出晒煙！流沙奶黃包真係超超超好食！除左黑金做型特別外，佢真係超級流！！！！！好味度爆晒燈籠仔蒸飯好香 蒸香加埋蝦、荷葉既味道，令飯變得特別好食！蝦餃皮薄 好飽滿！燉湯主打無添加！好有媽媽的味道牛柏葉好足料，大大碟，絕對冇用好多其他配料墊底！而且蒸得好淋，唔會好似咬膠咁！綿花雞 好juicy好入味！呢間小店值得推薦

大家有無聽過石門？原來喺沙田第一城隔離 小小地方原來都有幾多嘢食喎😯😯 今日我哋就去飲茶食個包先👫本來係衝住佢個原盅燉湯而來 順便就試埋佢啲點心🙆‍♂️ 我哋要咗個蒸廬拼美點 總共有九件點心 然後加$33要咗個天麻川芎白芷燉魚頭湯🙆‍♀️蒸廬拼美點 $55蝦餃同叉燒包普通 蝦餃入邊冇筍 爭咁啲味道🙅‍♀️ 燒賣同鮮蝦菜苗餃就幾推介喎💁‍♀️💁‍♂️ 燒賣唔會話剩係得肥豬肉 肥瘦適中仲幾彈牙添！🙆‍♀️ 馬蹄糕都合格嘅 起碼都有幾多馬蹄💁‍♀️鮮蝦菜苗餃 $23男朋友話幾好食 仲叫多一籠添💁‍♂️💁‍♂️😝 皮唔會太厚💁‍♀️ 餡都幾豐富🙆‍♀️黑金流沙包店員推介嘅新產品💁‍♀️ 餡就真係幾流沙既💁‍♂️💁‍♂️ 外表就幾靚嘅 不過食落就無乜竹炭嘅香味 覺得普通啦💁‍♂️天麻川芎白芷燉魚頭湯功用： 通經絡 止頭痛幾好㗎😝本身我對佢有好高嘅期望😍😍😍 不過飲落就冇我期待中咁濃郁 有啲水水地淡淡地🤦‍♀️ 我覺得鴻福堂啲湯都好飲啲🙈 不過佢都有啲料嘅 有魚云食下🙈