影片
更多
2021-08-01
654 瀏覽
我哋兩個一向都好鍾意四出搵好嘢食，聽講石門出名多好西食，所以襯住星期六就專登出石門搵食啦。😋今次本身目標係另一間石門知名Cafe，點知撞啱落場時間，所以就轉戰waiting list嘅另一間點心小店「蒸廬」😝我哋今次總共叫咗5款點心，第一款係「瑤柱蝦米煎腸粉」，外觀正常無特別，但味道尚算唔錯，腸粉表面煎香，加咗蝦米/瑤柱&大量蔥花，食落香口有口感又唔會太油膩。🥳第二款就係震店之寶「黑金流沙包」，菜式上檯嘅時候我哋兩個都有d驚訝，因為個包嘅size比我哋想像中巨型，本身以為會食唔曬要打包，點知食咗一啖先發現個擔心係多餘，因為個流沙包大嘅原因原來唔係因為個包太厚，而係因為佢嘅奶黃流心餡超多💛，而且蒸嘅時間啱啱好，令到個流心包做到皮薄餡多嘅效果，奶黃餡非常流心，蛋香味濃沃，味道香甜而不膩，食完都唔會有飽到食唔落其他嘢嘅感覺，但要提醒各位搣走張底紙嘅時候要小心唔好太大力，而且建議直接用手拎住食就最好。🙌第三款＆第四款就係雙皇「晶瑩蝦餃皇」＆「蟹籽燒賣皇」。蝦餃外表晶瑩，睇得出師傅手工真心唔錯， 用筷子夾起蝦餃完全唔會有就快散開嘅感覺，而且蝦餃皮厚到適中，蝦肉新鮮大隻，值得推薦。👍而燒賣一樣蒸焗
今次本身目標係另一間石門知名Cafe，點知撞啱落場時間，所以就轉戰waiting list嘅另一間點心小店「蒸廬」😝
我哋今次總共叫咗5款點心，第一款係「瑤柱蝦米煎腸粉」，外觀正常無特別，但味道尚算唔錯，腸粉表面煎香，加咗蝦米/瑤柱&大量蔥花，食落香口有口感又唔會太油膩。🥳
瑤柱蝦米煎腸粉
$26
88 瀏覽
0 讚好
0 留言
第二款就係震店之寶「黑金流沙包」，菜式上檯嘅時候我哋兩個都有d驚訝，因為個包嘅size比我哋想像中巨型，本身以為會食唔曬要打包，點知食咗一啖先發現個擔心係多餘，因為個流沙包大嘅原因原來唔係因為個包太厚，而係因為佢嘅奶黃流心餡超多💛，而且蒸嘅時間啱啱好，令到個流心包做到皮薄餡多嘅效果，奶黃餡非常流心，蛋香味濃沃，味道香甜而不膩，食完都唔會有飽到食唔落其他嘢嘅感覺，但要提醒各位搣走張底紙嘅時候要小心唔好太大力，而且建議直接用手拎住食就最好。🙌
黑金流沙包
$42
83 瀏覽
0 讚好
0 留言
第三款＆第四款就係雙皇「晶瑩蝦餃皇」＆「蟹籽燒賣皇」。蝦餃外表晶瑩，睇得出師傅手工真心唔錯， 用筷子夾起蝦餃完全唔會有就快散開嘅感覺，而且蝦餃皮厚到適中，蝦肉新鮮大隻，值得推薦。👍
而燒賣一樣蒸焗時間剛好，挺身結實，用料充足，加上蟹籽令到燒賣鮮味特出。😋
晶瑩蝦餃皇
$30
669 瀏覽
0 讚好
0 留言
蟹籽燒賣皇
$26
57 瀏覽
0 讚好
0 留言
最後一款係甜品「養生薑汁糕」，雖然係一款甜品，但食落唔會感覺太甜，反而薑汁味特出，後勁少許薑辣，口感煙韌 ，舒服暖胃。🔥
養生薑汁糕
$18
50 瀏覽
0 讚好
0 留言
張貼
