逸軒

營業中

休息中

朋友做咗帝逸酒店會員，酒店食肆食飯有折，誠意邀請我去沙田食飯😁。帝逸酒店係新鴻基旗下沙田新開嘅酒店。我哋揀咗食中菜- 逸軒，新派粵菜。黑白豆腐，外脆內滑，豆腐真係滑到不得了。忘記名稱，好普通招牌脆皮雞，皮真係好脆，皮質一般喇外面好多餐館都可以做到這個質素。總結：酒店中菜，預咗一定貴，成個餐牌價錢低過$100 少之又少，價錢貴之餘，份量亦少，但又唔係特別好食。室內環境清靜，侍應服務態度好，食物擺設精美，五星級嘅享受，就係貴係厘度。會員折扣優惠後埋單大約$850 左右。我覺得唔係太值得。

今日同老婆阿仔黎食lunch，之前幾次都訂唔到檯，今次要早兩星期前致電才成功訂到。...安格斯牛叉燒。味道及口感跟叉燒幾乎一樣，一嚐再嚐，都覺得跟叉燒無異。肉質軟淋，叉燒醬汁又甜又惹味，肉味香濃，美味得很。..黑色係竹碳粉來的，外層脆卜卜，帶有鹹味。咬開薄脆的外層，見到裡面係白滑滑的豆腐，一黑一白的組合，真的很有驚喜，味道及創意兼備。呢個叫黑金豆腐。..蓮藕夾。蓮藕爽口又甜，中間夾住惹味嘅肉餅，食唔停口。..本來想食個石鍋炒飯，但阿仔堅持要食麵，所以叫左個燴伊麵。伊麵一到，佢又話飽唔想食，激死我！伊麵味道很好，調味適中。份量亦很大，可以分到五、六碗！..呢度啲點心味道很不錯，主要係因為調味不過火，不鹹、不重味。件件都口感飽滿、味鮮十足。