唐宮小聚 (新港中心)

營業中

休息中

創意點心😍好睇又好吃😋食品質素高👍蒸點夠熱... 非常新鮮🤤即叫即蒸🍽 午市時段也擠得滿滿… 建議預先訂位，但食店地方寬敞，沒有擠迫感🤔坐得舒適😄也是食品吸睛…打咭好地方…😆😜驟眼看還以為真的有小昆蟲…😰🧐原來係餐具特色…😅每款點心都有特色之處……味道不錯😋特別推介…肉鬆抓餅😍外層夾餅鬆脆…內裝滿了肉鬆餡料… 吃著啖啖肉鬆香味👍另外"非常山竹"🤩賣相外型做得非常精緻🙄真係估佢唔到…原來係鹹點🤨吃著感覺像傳統酒樓點心"鹹水角"... 外層煙韌脆皮... 內裏原來是海鮮蟹肉湯羹流心😋甜品當然不少得…❤但甜品就不是太多選擇😒沒記錯好像有五款，但較抵吃用一個價錢可選三款…👏"得意小豬"外表做得非常細緻… 造型可愛，叫人怎捨得吃？🤭其實係椰汁奶凍😜對於喜愛榴槤味道…可試試"冰皮榴槤"壽桃外型賣相不錯😬😖但謝謝了✋👐😆這機會就留給家人....😂最後…鵝肝雪條…😒真係凍吃…🤨雖然外層沾滿了開心果瓜子仁…包著裏面是一些…😖肝醬類都非我口味😜🤭如喜愛吃鵝肝的都可以一試吧！🥴

Catching up on places I’ve visited with great food that I’ve neglected. I was first attracted by the looks of their dim sum and guess what?! The taste is great too!This time off to the location in TST and ordered loads of food. Love how the kitchen cooperates well with the lunch time hour turn over. Food comes promptly, client finishes and go... next table!Service/服務Cleanliness/清潔度Taste/味道Ambiance/氣氛I didn’t take phot of the Shanghainese smoked fish, but it is worth trying out too. PROS• looking

星期日一家人去飲茶，試下啲新派點心，果然有驚喜。環境唔錯，服務都幾好。雖然星期日好多客但出食物嘅速度都好快。唯獨係叫左個鵝肝雪糕等左半個鐘都未到，叫佢cancel，但最後都好好整左出黎送俾我地食🥴啲食物款款都好精緻，亦都好好食，係名正言順嘅食得又睇得👍🏻由其係小朋友一定會好鐘意’得意小豬’，用隻羹打佢patpat會成隻彈下彈下，食得又玩得🤣如果星期六日去嘅話最好book定位，因為都好full下😉

有朋至遠方來，希望吃特色點心，找到這間創意點心，試了一次真意想不到，點心可以可加不同食材，做出特別的形狀，新派點心—唐宮小聚非常山竹–外型真像山竹，不過內涵是龍蝦汁的蟹肉，是驚喜的酒埕醉雞 –醉雞超入味，一件就好重酒味黑松露雞–黑松露的雞肉令人期待的，手撕雞的做法加上大量黑松露醬，滿口是松露味😋小小三併青芥木耳-木耳用芥末來調味是有創意，可惜吃慣酸味的木耳真接受不了😕雷椒茄子-茄子好油，又不夠辣。上海燻魚-魚肉不會太乾，還有肉汁的。墨魚汁餃和紅菜頭餃-味道差不多芋蓉流沙-流沙奶黃吃得多，但芋蓉流沙就好特別。柚子蝦餃-喜歡這個蝦餃，酸甜的奶香糕-是奶味的馬拉糕鳯梨咕嚕-特別的是冰鎮咕嚕肉，水果變得特別好吃😋酸菜班片109-簡單板的酸菜魚，酸酸辣辣的總結:我覺得作為一個香港人不會覺得非常特別，只是有創意，味道也不錯，但正常也不會再吃第二次。😌

以前成日覺得食中菜好鬼老土，所以約朋友就梗係唔會諗食中菜，自從喺台灣爆紅嘅唐宮小聚黎到香港，一路心思思都想食，今日終於有機會試到。可能太多人同我有咁嘅諗法，所以連枱都BOOK唔到，排隊WALK -IN 都等咗好耐~~終於入到去坐低食，成間餐廳嘅裝修都好潮，連枱面都用晒雲石紋，好明顯係食中而家「相機食先」熱潮，同佢嘅英文名係絕配，真係一個socialplace ^^可能因為太多人等位，有限時，所以都食得幾趕，如果係FOR 人哋GATHERING ，呢個做法其實有D 矛盾

上星期又難得有得早放，就約咗好朋友一齊食午餐，傾傾下發現原來大家一直都想試唐宮小聚嘅精緻點心，咁就去食！我哋未嚟之前已經有啲心水點心，第一個就係黑金流沙！呢個係流心奶黃包。外形真係好靚，黑色嘅包上有金粉，閃住閃住，呢個外形真係無得頂！個奶黃餡仲好流心，內面仲有粒粒咸蛋黃，加埋鬆軟嘅麵包，真係好好味！另一個心水包點就係松露香菇。如果驟眼一睇，一定會誤以為係真冬茹，外形像真度真係超高！令我哋驚喜嘅係個松露味好香濃！視覺味覺嗅覺都好滿足！我哋仲叫咗點來聚聚同雞絲拉皮。點來聚聚係有五種不同嘅點心，包括墨汁餃，柚子餃，賽螃蟹餃，芋蓉流沙包同蜂巢鬆糕。相比其他包點，呢啲點心就有啲失色。雖然每種餃都唔一樣，但食落都似普通餃，啲墨汁或者柚子味都唔係好出。我哋最後仲試咗雞絲拉皮，即係雞絲粉皮。雞絲同粉皮再加上芝麻醬係一個不敗嘅組合，所以都好快食曬！整體嚟講，呢度嘅包點既有外在又有內在美，真係好值得一試！

其實唐宮都食過好多次, 一路以黎都係比佢D新派菜色吸引今次就試左想試好耐既點來聚聚, 都成功爭取到自己食哂成籠hehe佢係一個大蒸籠入面有5個小蒸籠 每個蒸籠入面都有一個點心1. 墨汁餃- 個樣黑蚊蚊反而幾eye catching, 唔算好重墨汁味, 不過不失2. 柚子餃- 食落會有淡淡清香既柚子味, 感覺幾特別, 原來柚子配餃係match既!3. 賽螃蟹餃- 又一道fusion野, 口感幾特別, 都係清清地唔太油, 唔錯4. 芋蓉流沙包- 本身個人麻麻地芋頭, 但呢個包我又唔太抗拒, 流沙通常都係奶黃, 用芋蓉呢個idea都幾好, 無遺和感5. 蜂巢鬆糕- 呢個我放左最後食因為我覺得應該會似係甜品, 佢切到心形咁打卡最岩, 食落好軟身, 有淡淡蜂蜜味, 唔太甜, 用一件作結岩岩好

今天趁老闆不在辦公室，我和另一名同事決定去吃個長時間一點的午餐😆我們兩個人來到這間位於新港中心3樓的唐宮小聚撐枱腳。我們點了以下這些菜式：白玉王鴿2隻（ $33 ×2）、點來聚聚（$69）、麻辣燒賣（ $39 ）金菇翠苗（$69）、蝦多士（ $79 ）、酒埕醉雞（$69）。這裏的乳鴿好吃其實應該是眾所周知了。乳鴿皮烤得非常香脆，肉質鮮嫩多汁，每次跟朋友到來，我們也會一人一隻不缺少😋。點來聚聚包含了五款「蒸」緻點心：墨汁蝦餃、柚子蝦餃、賽螃蟹餃、蜂巢鬆糕及芋蓉流沙包。每款也很創新，味道獨特，不是在一般傳統茶樓可以吃到的。裏面是糯米做的麻辣燒賣吃起來挺開胃的🤤（但明明糯米是很飽肚的🤣)比較少見有餐廳會把金菇炸來吃，但炸金菇配上清淡的豆苗卻又有另一種風味。蝦多士一定要趁熱吃！多士香脆可口，配上熱騰騰的海蝦，口感極佳，蝦上面少量的黑松露令味道昇華😍雞肉肉質鮮嫩，酒味不算濃烈，不錯。這天我們2個人吃了一個超豐富的午餐，很滿足！☺️

今日同友人係尖沙咀行下街，行到肚餓就決定係度食個Tea先😋估唔到平日都咁多人排隊，不過好彩只係排咗15分鐘就入得去食啦🍴入面都好闊落，而且裝修得好Grand✨呢個山竹做得好精緻好得意，本來以為呢一個係鹹點，點知食落去甜甜地，而且個皮有d厚，所以我同友人都食咗一兩啖之後就放棄左啦。乳鴿烤得金黃色又脆卜卜，仲好juicy添，同一般酒樓貨色完全冇得比啊！如果嚟食一定要叫返隻啊！(PS. 每人只可以叫一隻)蟹粥好鮮甜，而且都好多蟹肉，另外油炸鬼粒都炸得好脆，撈埋一齊食簡直一級棒！不過建議叫侍應比少少椒鹽粉黎調下味會更加好食。蝦多士係我最推介嘅一個點心，炸到金黃色好香脆，每咬一口都有陣油香，但係一啲都唔會膩㗎！加埋黑松露簡直冇得頂！必點之選👍🏻👍🏻其實呢個係我見到餐牌好似好吸引，好得意，所以先點嘅！覺得冇乜特別，只係橙色嘅蝦餃食落有啲清新既感覺，有柚子香本身鍾意食辣嘅我見到有麻辣燒賣就二話不說咁點左，結果係10分失望嘅，覺得只有麻但係唔辣。而且餡料同皮既味道好似分開咁，唔太夾。

許久不見的朋友突然說道，很久沒有一起去過尖沙咀了，那便去一趟吧。民以食為天，自是先解決肚子——我倆一直對唐宮小聚的香菇包特別感興趣，在得知招牌乳鴿僅30元後更是拍案選定了唐宮。一坐下便馬不停蹄拿起點心紙趕緊畫下幾道，生怕晚一步便錯過限量的招牌乳鴿。難得一到，自然要把可愛的特色造型包子都點個遍。朋友說，再點一個粥粉麵飯吧；我則是更傾向於小吃。才說沒兩句話，點心便一個接著一個地上桌了。滿桌子的包點幾乎要把桌子擠滿，為了怕其他小吃放不下，我們只得匆匆拍照快快吃完。首先要吃的自然是點來聚聚。一共五款的蒸點，分別是柚子蝦餃、墨汁蝦餃、賽螃蟹餃、蜂巢糕，以及小包子。大籠裡五個小籠的造型確實特別，然而實在太佔位置了。先下手的是墨汁蝦餃，除了皮較鹹以外，跟普通蝦餃並沒有區別。朋友吃的是賽螃蟹餃，說是蝦肉蟹肉混雜，味道特別。柚子蝦餃是我最喜歡的，本來想著或許會有幾分奇怪，沒想到柚子香卻跟蝦餃意外融合，吃起來味道清新特別，咬了一半的我連忙問朋友要不要夾斷一點去嚐嚐——最後一致認為是最值得吃的一道，儘管不是最好吃的卻是最特別的。有了前者相較之下，味道也不錯蜂巢糕跟豆沙餡的包子便有點失色了。（好想吐槽朋友的濾

大概年幾兩年前去過一間位於中環既摩登中式點心和小菜餐廳，印象唔錯，原來尖沙咀都有分店，等我再試多次先😆.<火焰菠蘿> 😍呢個上菜有驚喜，成個菠蘿燒住上，咁梗係相機食先啦😄一打開香噴噴色澤豐富，菠蘿鮮甜可口，一d都唔酸，牛肉香軟多汁，清新醒胃，果然係必食之選😋.<點來聚聚>個名幾得意，原來呢款菜包括五款特色點心，有墨魚汁餃，芋蓉流沙，柚子蝦餃，酒釀棗糕和賽螃蟹餃😃賣相不錯，不過味道都係預料之內，唔算特出。.<金菇翠苗>呢個金菇炸得幾香脆，翠苗幼嫩香甜，一啖脆脆金菇一啖軟軟翠苗係食得幾滋味😄.<陳皮燉梨>秋意濃濃天氣乾燥，最後嘆返個燉梨，雖然唔係好食到有陳皮味，但甜甜地夠晒潤喉啦😚.整體上幾好，記得第一次試過松露香菇，白玉玉鴿，猛虎咬豬又真係幾好味。呢間餐廳每樣細細碟，人少少又想試多幾款唔同既菜式就最岩啦，環境幾舒服，下次三五之己聚首一堂可以試下呢度啦👍

因為第一次去唐宮小聚果陣，食唔到抵食嘅招牌菜白玉王鴿，心中一直掛念住，所以今次有時間再來食，今次醒目啦，未點其他菜就先叫定白玉王鴿，一叫就五隻，太高估幾個人嘅食量啦，最後當然打包夜晚食啦。呢個白玉王鴿招牌菜，當然唔系浪得虛名啦，上桌時熱辣辣仲有煙冒出，金黃色嘅脆皮，肉質嫩滑，仲保留好多肉汁。至於其它點心，系非常之精美，重點介紹一下點來聚聚同黑金流沙，點來聚聚有五籠包括有墨魚汁餃、芋蓉流沙、柚子蝦餃、蜂巢鬆糕、菜螃蟹餃，一次可以令你試足五種味道。另外，黑金流沙嘅包面劃左D食用金箔，令黑麻麻嘅碳包睇起來更加高貴，當然唔系得個外表啦，質感很鬆軟，一咬落下奶皇好流沙，個嘴有陣蛋黃香，甜度適中。最後，試過嘅每一個菜式都非常精緻，細細碟，有D菜式嘅價錢可能就貴少少，但系一分價錢一分貨。

悶悶哋有人提意出街食Lunch，見今日天氣幾好，涼涼地但又有d陽光就出去打個圈。好耐無行去新港，見到好多新野試喎~ 聽聞呢間平時好多人好快Full今日有位喎。。就係你喇~~~ 白玉王鴿($29/隻) 抵喎！但只限堂食。嘩！熱辣辣標晒煙咁拎出黎，咬落又入味 外皮脆唔洗講，仲有好多肉汁添。原來先用滷水鹵過後才拎去炸至金黃皇牌~ 推~~ 黑金流沙 用上竹炭粉令外皮變黑，再在包面上加上有點奢華的金色食用料，外貌更為吸睛 麵包質感很鬆軟輕柔，內裡奶皇超流沙，口腔內充滿陣陣的蛋黃香岩岩好唔會太甜 點來聚聚 精致細細籠，每款都有愛好者。(內裡：青豆苗餃、墨魚汁餃、芋蓉流沙包、蜂巢糕及賽螃蟹餃) 小聚三拼盤($59) 呢個比較抵食，共有6款菜式可選擇，我地選左其中3款(冰鎮秋葵，桂花山藥，最後個個唔記得叫咩) 三款都好好食 麥片鳳尾 睇到個菜名，本來諗住上菜時會好靚咁一隻隻鳳尾擺出來。點知。。成碟亂糟糟咁款。不過食落好有奶油香味，奶油令到蝦肉都好爽滑加埋麥片一齊食又幾好喎 大家可以一試 沙薑豬手 賣相唔覺係豬手，師傅切開晒一條條，唔洗食到呢咁hea (超細心) , 肉質爽脆可口，推~~ 蟹粉麻球

唐宮位置方便，新港入面與鼎太豐同層。至於餐廳裝潢時尚雅致，但入面環境比較嘈，可能係由於檯與檯之間太近影響。隔離檯唔駛出力講嘢，我地都聽得一清二楚。上菜速度極度麻麻，隔離檯和我地同時落單。同一款點心，10分鐘後佢地上菜先，再相隔15-20分鐘後我地籠點心先上檯。望住隔離食完我地都未有，失望，黑人問號.jpg  開花蘿蔔蒸蘿蔔糕啲friend，賣相靚靚味道OK點來聚聚5款不同味道嘅餃。朋友食左墨魚汁餃話好味，我食嗰粒柚子蝦餃就好一般，同普通蝦餃嘅味道分別不大。黑金流沙賣相靚靚，唔太甜，一咬開啲奶皇流沙湧出嚟熱辣辣好味。推介比喜歡奶皇流沙嘅朋友！荷花蒸飯 － 好正常無驚喜小聚併盤佢嘅份量少得可憐！幾個人分每個人好勉強先可以食多啖脆蝦雲吞咁多點心之中最麻麻嘅一款，雲吞絕對唔襯芝士，講完。聞說乳鴿出名，見周邊都有幾檯嗌乳鴿，留返下次有機會再試啦！

約朋友到尖沙咀聚舊，想食中菜，見呢度都幾多正評就試下，結論係：有人請先考慮再黎啦！先講環境，地方係闊落嘅，裝修夠新派，難怪吸引到相對年輕嘅食客；食具都講求玩味，係會令人想黎呃下like嘅。不過，喺得旺區有咁大間舖又搞下新意，就要預左佢嘅cost轉嫁到顧客身上...食物定價以份量黎講唔算抵食，份量偏細。鍾意湯水嘅我試左椰皇燉雞，呢樣係全晚最好味嘅，飲落清甜潤喉，d雞肉同瘦肉都唔算嚡，好快清晒。冷盤嘅醉雞夠酒香，可惜雞肉都幾硬同韌，而且份量偏少，例牌份量都要擺兩隻雞翼尖...（雖然我知係有捧場客嘅...）見到點心拼盤賣相幾靚就點黎試下，所謂柚子蝦餃，都只係個皮整色整水，食落都係普通蝦餃一隻，係食唔到柚子味嘅..蝦係大隻新鮮，但做法可以大膽d，其實柚子配蝦呢個配搭幾討好，日本菜都經常用柚子加入菜餚啦。墨汁黑松露蝦餃都幾香，算係唔錯。至於賽螃蟹餃，感覺上都係好似食左第二隻蝦餃咁，冇咩特別。甜點嘅黑糖鬆糕，係黃金糕黎嘅，唔算好甜，但食落嘅質感好膠、好奇怪..個香芋包嘅味道都好人造...整體黎講，要食點心嘅話，我唔會推介呢度。蔬菜方面點左金菇翠苗，金菇好香口，菜苗幾嫩，一脆一軟嘅配搭都幾得意，但我