敏華冰廳 (MOSTown新港城中心(4期))

營業中

休息中

一直都好想試吓呢間嘅招牌菜-暗然銷魂飯同一般叉燒飯有咩分別?我諗就係佢嘅叉燒係自製嘅，燒得好香好脆。同埋嗰個留心蛋一定要整穿佢，令蛋汁流入白飯當中，撈埋叉燒汁禁食，真係好好味😋😋嘢飲叫咗忌廉溝鮮奶，非常特別嘅味道，有鮮奶嘅香混合忌廉嘅甜，好特別😄

夜晚六點到，都滿座，不過好快有得入座。第一次食就當然叫黯然銷魂飯，其實係叉燒雙蛋飯。叉燒係大舊，但偏咸偏黑。荷包蛋就ookk 食過一次就夠喇。我朋友叫左個雜扒飯，$50，反而有驚喜。豬扒好大件，又有薑蓉送飯，好食

今日瞓醒已十二㸃，個肚餓到扁晒，要快D去商場找野食先。行過「敏華冰廳」好想入去食，但店外的長龍真係唔野少……不過今日好好彩，排咗十分鐘便有位入內啦！☺我今日實在太肚餓了，好快便選了招牌菜式「黯然銷魂飯」即是叉燒煎蛋飯。看似平平無奇，但叉燒唔肥之餘又幾淋，兩隻充滿蛋香嘅荷包蛋，刺穿蛋皮後流出蛋汁在熱騰騰飯面再加上甜豉油真係一絕，ㄧ口接ㄧ口好快整碗飯食晒。另外點了杯凍檸茶都好有水準，茶味濃厚，檸檬清香，好好飲。👍👍總括來講，這間冰廳係好有水準的，下次我想試下佢地新鮮出爐麵包、蛋撻和奶茶，我相信都應該唔會令我失望。

嚟到中午時間，去返上次食過番尋味嘅敏華冰室。我被上次點了一碗「沙嗲牛肉公仔麵」嘅「公仔麵」吸引我再之光臨。中午呢個時段都係要等位，等到入座時，已經可以點茶餐了。茶餐選擇比較小可能上次太期待，今次覺得個公仔麵又冇咩特別喎，而且雞翼冇另外用碟上，浸晒落湯度，好快就冇晒D脆口感，我建議應該另外上會好D。上次嚟食晚飯，竟然賣晒叉燒，我食唔到，今次終於一嘗。叉燒係整得幾好嘅，冇肥膩感，而且叉燒都算多，食到好飽肚添奶同茶比例啱啱好，甘香滑漏

馬鞍山又有新餐廳加入，同一個舖位之前間野都未食過估唔到咁快就執左，變左敏華冰廳，雖然敏華有其他分店不過我就從來未食過，第一次試就係馬鞍山呢間。馬鞍山只要一有新餐廳開張，就勢必大排長龍，敏華都係，而且26號係紅日，係門口排左20分鐘左右啦就有得入去，時間都唔算好耐既~入到去叫左佢話自己好出名既黯然銷魂飯，同埋超級雜扒飯，叫左餐有埋野飲，因為想試試佢地既奶茶，另外叫左兩個好普通既茶餐廳下午茶，即係五香肉丁公仔麵個D。黯然銷魂飯唔記得左幾錢，around60蚊，D叉燒係唔錯，都好大舊好厚下，同埋個邊燒得幾脆既，其他就冇乜特別~超級雜扒飯都好似係around60蚊，豬扒雞扒餐肉腸仔，其實同其他茶餐廳/連鎖式茶餐廳既雜扒飯冇乜分別，味道OK，唔係話超好食定點，不過唔會話好雪藏好難食咁。總結其實以茶餐廳尼講係OK，不過價錢就略為貴左D，D野食款式同味道同茶餐廳同燉X佬好似。

今日和太太於新港城敏華冰廳食午餐, 我們點了巨大雞扒飯配熱好立克和黯然銷魂飯和熱檸蜜。這裡落單是用QR code和I pad 點菜(蛋撻和面包除外, 找侍應點餐), 巨大雞扒飯果然飯如其名, 雞扒手掌咁大, 雞扒煎得香脆, 肉質鮮嫩, 啖啖肉, 食落有油花, 配上薑蓉能提昇雞扒的美味,白飯食落軟綿香滑, 整份巨大雞扒飯份量十足, 食落美味；熱好立克甜度適中；最後黯然銷魂飯醬汁食落開胃, 叉燒是用肥叉燒, 食落有油花帶點甘香, 蛋是太陽蛋兩隻, 整穿蛋黃, 蛋汁連叉燒拌飯食, 食落好味甘香, 口感豐富。餐廳座位舒適, 食物賣相吸引,美味高質, 雞扒好大塊, 價錢合理, 值得再來的冰廳。