東京食堂 (已結業)

東京食堂位置尖沙咀偏僻既地方 在柯士甸大廈裡，要仔細留意先會看見 十分隱世!!店舖比較細及店舖內入面位置不算多，店外門口也會放置兩張枱。我們大約夜晚7點左右來到，已經有很多人排隊讓我愈來愈期待他們的美食黯然銷魚飯($108)上網看到這個好吸引，亦是受歡迎食物之一。這間店最出名是鰻魚，我和友人也是鰻魚的愛好者。鰻魚表面得好香，魚肉也算厚身嫩滑， 不會一夾就散開 色澤也很好 燒汁入味 再加上流心太陽蛋，是日本正宗鰻魚飯的味道。蟹肉忌廉薯餅( $28)我是被名字吸引的 所以再追加左這小食蟹肉忌廉薯餅是即叫即整，所以要耐心等候店員送上枱已經見到新鮮滾熱辣，薯餅炸得香脆，薯餅入面混合蟹肉和忌廉，蟹肉忌廉一向也是很夾的食物，簡單是美味之選總結:想去的朋友們記得早少少來到，因為我們7點左右來到已需要排隊。到我們結帳後，人龍變得更多，大家記得要預時間!食物有水準，是日本正宗美味 高質隱世日式小店

身為鰻魚飯既fans，喺網上見到呢個出名鰻魚飯既小店，即刻過黎試試味道。叫得呢間做隱世，因為都算難搵，要喺柯士甸路穿過一條小巷先見到東京食堂。搵到東京食堂，店鋪大細比原本想像中細，成間鋪得10個座位左右，比人既感覺係日式小店feel。餐牌係簡約設計，以小店形式黎講食品種類算幾多。坐好後二話不說就叫左個黯然銷魚飯，由於即叫即製，等候時間唔算特別快，店員都有禮咁叫我地耐心等候。黯然銷魚飯黎到，鰻魚飯配太陽蛋加蔥花呢個配搭都幾新鮮，增添左份港式既味道，而成個餐配味噌湯，望落精緻，但飯既份量偏少，如果大食既人絕對要喊多飯。但好在鰻魚夠肥美，啖啖肉得黎無乜魚骨刺口，蔥花加鰻魚汁配蛋汁相當惹味，唯伴餐既味噌湯就算普通，飲落似普通市面快餐店既味道。以尖沙咀區黎講價錢唔算貴，下次會再黎試下其他野食！

鋪頭位置比較隱蔽，但絕對值得花時間去搵！鋪頭由兩位廚師主理，做樓面既好友善。雖然鋪頭比較細，但勝在夠親密，同三兩個知己去食就最岩！同埋鋪頭有好多日本裝飾，入左去就真係好似去左日本既居酒屋咁，好正👍🏻鋪頭好似係主打食鰻魚，我叫左黯然銷魚飯，其實就係鰻魚飯加煎太陽蛋，好食得黎又加左本土特色。朋友叫既牛肉壽喜燒定食亦係色香味俱全。最後叫既牛舌更有驚喜，調味剛剛好，燒得好香但又唔會過熟，好有水準👍🏻每樣食物都係即叫即整，但都唔使等好耐，好有效率。