東京食堂 (已結業)

身為鰻魚飯既fans，喺網上見到呢個出名鰻魚飯既小店，即刻過黎試試味道。叫得呢間做隱世，因為都算難搵，要喺柯士甸路穿過一條小巷先見到東京食堂。搵到東京食堂，店鋪大細比原本想像中細，成間鋪得10個座位左右，比人既感覺係日式小店feel。餐牌係簡約設計，以小店形式黎講食品種類算幾多。坐好後二話不說就叫左個黯然銷魚飯，由於即叫即製，等候時間唔算特別快，店員都有禮咁叫我地耐心等候。黯然銷魚飯黎到，鰻魚飯配太陽蛋加蔥花呢個配搭都幾新鮮，增添左份港式既味道，而成個餐配味噌湯，望落精緻，但飯既份量偏少，如果大食既人絕對要喊多飯。但好在鰻魚夠肥美，啖啖肉得黎無乜魚骨刺口，蔥花加鰻魚汁配蛋汁相當惹味，唯伴餐既味噌湯就算普通，飲落似普通市面快餐店既味道。以尖沙咀區黎講價錢唔算貴，下次會再黎試下其他野食！