普光齋

營業中

休息中

今日要陪屋企人食齋，大家經過佐敦見普光齋門面唔錯，於是就走左入去試吓。不過店內原來較為殘舊，衛生方面有好多可以改善的空間，尤其是洗手間，地下好濕，好污糟，又無厠所水😭同埋洗手間在2樓，要行一層樓梯，有老人家請注意。我地一行三人叫左五款食物：齋鹵味齋叉燒炸蜜瓜奶北菇豆腐鍋羅漢齋炒麵合共大約$450五款食物質素都不過不失，份量適中，只是略嫌過油。另外枱與枱之間有啲迫，所以會坐得有點侷促，咁埋單每人$150，價錢都叫合理.

行開佐敦果頭，一於試下馳名九龍嘅「普光齋」。首先，叫咗個「齋鹵味」，不出3分鐘，就上咗臺，速度超快。齋鹵味夠嚥靭，酸甜齋有酸甜味，咖喱齋有咖喱味。。。普普通通。 唯一不足嘅係齋鹵味唔夠凍。羅漢齋窩麵：賣相不俗，菇菌應該係罐頭貨，有草菇，蘑菇同埋baby corn 同埋少少菜芯。可惜嘅係麵質煮得比較腍，唔夠脆口。湯汁比較杰身，令湯汁可以依附喺麵條上面，一啖麵，一啖汁。值得一讚嘅係芡汁應該係用馬蹄粉開，所以湯汁唔會有混濁嘅顏色。素芋角：唔夠熱！！！但係炸得酥化，脆口。可惜嘅係唔夠熱同埋芋頭味唔夠香濃，應該係芋頭料唔夠。

相約朋友聚舊，她推介這裡，因為夠靜。已訂枱7:00pm。兩個人，叫了一窩湯烏冬及一碟齋鹵味。齋鹵味 ($xx)：材料十分豐富，量也很多，有咖喱齋、甜酸齋、腐皮、素叉燒、齋燒鵝、豆腐乾等。各款都十分入味，好味！菜遠魚腐烏冬 ($5x)：魚腐的味道好像魚旦，但吃不出是用什麼素食材料做的，但口感和味道不錯。菜遠有五六條，新鮮夠焾。烏冬份量多，焾得來也有點彈牙。連茶芥及加一，埋單一百多元，價錢合理。食物不俗，最重要是地方寧靜，十分適合與友人靜靜地談天。但服務卻有點奇怪：我來到時，已表明訂了枱，侍應卻好像很迷惘的樣子，只指示我在幾張細枱中隨便找一張，又沒有主動招呼，服務方面需改善。