普光齋

營業中

休息中

行開佐敦果頭，一於試下馳名九龍嘅「普光齋」。首先，叫咗個「齋鹵味」，不出3分鐘，就上咗臺，速度超快。齋鹵味夠嚥靭，酸甜齋有酸甜味，咖喱齋有咖喱味。。。普普通通。 唯一不足嘅係齋鹵味唔夠凍。羅漢齋窩麵：賣相不俗，菇菌應該係罐頭貨，有草菇，蘑菇同埋baby corn 同埋少少菜芯。可惜嘅係麵質煮得比較腍，唔夠脆口。湯汁比較杰身，令湯汁可以依附喺麵條上面，一啖麵，一啖汁。值得一讚嘅係芡汁應該係用馬蹄粉開，所以湯汁唔會有混濁嘅顏色。素芋角：唔夠熱！！！但係炸得酥化，脆口。可惜嘅係唔夠熱同埋芋頭味唔夠香濃，應該係芋頭料唔夠。