泰廚泰國菜館

營業中

休息中

每次來親魚街都會比佢好香既串燒味吸引既泰菜, 今次又來買野順便食泰國野,一間舊式既泰菜館但正宗味道^^1) 泰式海南雞半隻: ($74)- 肉質肥美,肉嫩,個醬汁好味有少少辣辣地,但出面好少食道.2)生菜包: ($72)-有正宗既泰菜味, 好怕食好瘦好乾既豬肉, 生菜包一定要有肥肉先好食所以來親一定要叫生菜包, 但如果佢魚露味再重一點就Perfect3)生蝦刺身: ($1)-衣個刺身係食滿$200加$1送既, 所以個4隻既少, 但佢既肉質都係爽甜同埋夠新鮮!4)龍眼冰: (24) -本身仲意飲龍眼冰, 所以食親泰菜一定會飲, 但衣間d龍眼肉味好重,甜度適中.5)咸檸七: ($22)- 好味6) 泰式豬手$58)-吳記得影相, 又係肥味係列, 都係好味道.

每次系旺角想食泰國菜，都會諗起通菜街天橋附近的泰國菜，因呢間門口有個阿姐專門系門口燒串燒好香。香茅豬扒撈㩚，豬扒炸到好香口又夠淋，撈㩚淋上醬汁撈埋酸酸甜甜地好好味。泰式扎肉冬陰公湯河，冬陰公湯底酸酸甜甜辣辣好好味，河粉又索埋冬陰公湯的味好正，扎肉又爽彈。和牛串燒燒到剛剛好，牛味農肉質又淋配上醬汁好入味豬頸肉串燒燒到好香又可以逼到油脂出來不肥膩，豬肉和雞肉都燒到好香口，配上沙嗲醬好香濃，呢度沙嗲醬又唔辣甜甜地好好味。扎肉鳳爪沙律鳳爪好入味又系無骨又爽彈又唔會辣。馬拉盞炒椰菜苗，椰菜苗炒到好爽口又夠味道。龍眼冰又夠味又有龍眼肉。

以前成日同朋友經過旺角通菜街，都見到呢間泰國菜館門口好多串燒賣，有好多人排隊，之後會有個肥姐姐喺度燒燒燒，之前都已經想試下。今日因為太熱，所以決定入去堂食，可能時間尚早，不用等位，very good坐低就見到呢塊每日優惠，今日係星期一，所以侍應姐姐都推介我地試吓槽魚。我諗住2個人1一定叫到200蚊，所以就叫咗一客1蚊泰式生蝦晚市食海南雞飯，都冇馬虎。飯好重薑油味，雞超滑冇骨，所以好好食雖然係特價，但用料十足，所以好重香料味，同埋一啲都唔腥，仲好滑添。一蚊都有4隻，算係咁啦，醬汁才是靈魂，沾了後，感覺超fresh，加埋蒜片同辣椒，冇得頂。主要係想試串燒，但人都係貪心，咩都想試吓，春卷足料，同埋全部都係熱辣辣，讚啊！蒜蓉包都多蒜蓉，唯一缺點係太多件，兩個人食唔哂要打包龍眼冰太多冰青檸冰，酸甜適中，解辣唔錯環境可以，唔算好窄，尚算舒適，同埋晚市繁忙時間都冇趕人走，算唔錯。

日頭去完海洋公園, 又熱又餓, 當然要食返d惹味泰菜醒一醒神啦~天氣咁熱, 又係我至愛的龍眼冰, 清甜又好味, 粒粒龍眼肉超爽豬頸肉又香又軟~ 仲好入味, 必食!又另一必食之選就係串燒啦, 今次叫左豬肉和雞肉, 雞肉又嫩又入味, 豬肉今次有少少乾但有沙爹汁配答都無問題~叫夠$200就可以加$1叫生蝦~ 正!今次第一次人多, 可以叫埋一直想試明爐烏頭魚, 10pm之後仲有優惠, 正! 又香又軟~最後食到好飽飽, 好抵食~下次一定再來!

夜晚上完堂後join朋友食泰國菜，入到去勁多人，朋友又揹住支結他，勁唔想搭枱……但唔搭枱要等半個鐘先有枱，我哋3個都好肚餓，唯有搭枱啦……我飲過咁多間泰式餐廳嘅龍眼冰，暫時最好飲係哩間，味道唔會太甜，清清哋，好舒服。木瓜沙律同粉絲沙律就無乜特別，但哩兩款沙律都只係$1碟！勁抵！因為每滿$200可以以$1叫指定4款食物嘅其中一款！我哋本來係想叫生蝦，但賣晒。食親泰國菜必食椰菜苗，無其他原因，情義結來，同馬拉盞一齊炒真係好好味！菠蘿炒飯雖然我哋哩碟唔同其他客人一樣，原隻菠蘿上，但都無因為咁而味道差咗，仍然好好味，飯每粒都入味，上面勁多肉鬆，而且配合埋菠蘿嘅酸甜味，好開胃，食晒成碟都唔係問題。小食拼盤要咗大嘅，點知真係好大碟……食唔晒……拼盤有雞同豬串燒，春卷，炸蟹鉗等等，都係一啲比較香口嘅小食，但如果你唔係大胃王的話，叫細就夠。青咖哩雞，雞肉係用雞柳，咖哩完全唔辣，但有咖哩香味。有咖哩就梗係要配薄餅！薄餅奶油味好重！我勁鍾意！不過如果再整得鬆化啲就仲好味！3個人食咁多嘢，埋單都係4百幾蚊，都算抵。

今日約了朋友出旺角到旅行社睇資料 睇之前我們先食個lunch,朋友介紹左去食間地道泰國菜館 雖然已經係1點多，但餐廳廳內食客很多，餐廳內共有兩層，我們安排坐在下層天氣炎炎 我們先order了野飲降降溫我點了一杯龍眼冰，內有很多龍眼肉係底層， 龍眼甜甜的 爽口 而且杯入有大量碎冰 透心涼 而且味道不會太甜 而且龍眼又有益朋友點的椰青 超冰涼解渴夏天飲椰青 又可解暑 而且又唔會太甜 又可以清清食物既膩感 朋友更說內有很多軟綿綿既椰肉 而且好易用匙羹刮出來味道帶少少微辣 馬拉盞味好重 通菜又爽又脆菜的油份不會太多 所以我們2人食完一碟菜 感覺都不會成口油我第一次食呢款粗既河粉 感覺幾得意因為很粗 外形有點似粉皮 但水感是河粉 但由於比一般的河炒粗而大片 所以口感更豐富更彈牙除了河粉外 更混入雞絲 菇菌一同濕炒濕炒可以令河粉有汁黏住 不會覺得太乾粗粗的河粉小食拉盤內有5款小食 有魚餅，蝦餅，春卷，串燒，炸蝦片蝦餅 彈牙 有濃濃既蝦味 外皮脆 而且成盤小食都熱辣辣魚餅比較煙韌 味道較淡春卷的材料十分豐富 有大量既蔬菜 食起來好爽口 而且春卷經過油炸 所以外皮十分香脆串燒共有兩串 分別有一串雞肉串

今年7月真是熱得過份，在烈日底下確實有機會曬到頭暈兼中暑 隨便走入了一間泰國菜館，第一時間要點一杯清涼飲品解暑!龍眼冰 $22一杯多冰的飲品簡直是我的救贖，遲來一步我也可能會暈到街頭。龍眼清甜多汁，雖然不是新鮮用料但味道合格!咖哩軟殼蟹 $220加入了大量蔥段跟洋蔥落鑊炒，軟殼蟹也有大約4、5件，兩個人食剛剛好。撇開金黃咖哩後會看到底下白色的軟殼蟹蟹肉，不用剝殼確實十分方便，不會弄髒雙手之餘亦輕易食到啖啖蟹肉。蒜蓉包 $28咖哩跟蒜蓉包一向都缺一不可，蒜蓉包烘到兩面香脆，面頭有少許蒜蓉味，不會濃烈到搶去咖哩的風頭。比較驚喜的是原來咖哩底層是鋪有伊麵，如此新奇的配搭我亦是第一次見識。不過咖哩的調味有待改進，鹹味方面重手了。小食拼盤 $75由於我們只得兩個人，所以小食拼盤只點了小份，拼盤有串燒、炸蝦餅、炸鯪魚肉、春卷及蝦片，當中就以蝦餅最為出色，外脆內軟，而且蝦膠很彈牙，配上旁邊的甜酸醬味道就更有層次。其餘小食水準都不錯，唯獨是蝦片淋了點點。豬肉串燒除了瘦肉之外還夾雜了肥肉，吃的時候就不會覺得那麼乾了，面頭加了少許沙嗲醬，花生味令整個串燒生色不少。總括，泰廚泰國菜館主要是價錢親民，難怪平日

相約了朋友取日本的手信, 旺角是最方便大家的地點, 原本打算吃日式放題, 但朋友說她很久沒有吃泰國菜, 想試位於花園街附近的泰廚, 經她這樣說, 我便想起有一間泰國菜館門口擺賣串燒, 原來便是她說的這間, 真湊巧呢!餐廳位置非常便利, 由太子地鐵站步行約十分鐘便能到達, 我們約7:30左右到達, 門口已佈滿客人, 幸好有部份客人是等串燒, 否則有排等, 我們只等了一會便可入座o 餐廳的門面及內部格局都實而不華, 很簡樸潔淨, 有港式冰室的感覺o朋友比較喜歡刺激性食物, 所以選了肉碎生菜包, 我比較喜歡香脆類, 選了人人愛吃的炸蝦餅, 當然不能錯過門口的串燒, 再加多個金邊粉, 對二人來說這個組合已十分豐富o泰式肉碎生菜包 ($75)豬肉內混合了洋蔥, 芝麻, 加上香茅, 味道十分豐富, 生菜夠乾身爽脆, 而且很大碟, 不怕吃完了生菜後, 剩下過多的肉碎o串燒 ($12/串)聞到門口串燒的香味, 忍不住要點來吃, 朋友不吃牛, 所以要了豬肉及雞肉o 串燒醬汁少少辣, 非常惹味, 雞肉保持嫩滑, 豬肉爽口唔韌o泰式炒金邊粉 ($68)炒金邊粉的材料有蝦, 雞蛋, 豆腐, 旁邊伴有花生碎,

某星期六男友約我到金魚街買水族用品時經過~ 泰廚 ,米決定到這間食個豐富泰式午餐.店裝潢似茶餐廳格局.* * * * 首先來了冬蔭海鮮湯紅紅湯不要怕怕, 並不太辣,帶酸辣味道,湯內有多種海鮮有蝦、青口、尤魚等,配以多種香料,飲後非常開胃.* * *泰式豬手 (例)豬手以泰式燜得好入味,沒骨豬手外皮煙韌,而豬手肉軟腍得來有點咬口,味道不錯,底有菜及酸來送飯一流.* * * 泰式咖喱大頭蝦咖喱不會太辣,但夠味,有三隻大頭蝦,最上一隻比較大隻D, 另外二隻略細隻D,肉質彈牙,好食停不了口.想不到大頭蝦底原來有伊麵,掛滿咖喱汁,十分好味呢!* * * *配咖喱必叫薄餅咖喱+香脆薄餅來吃,是絕配組合.食泰菜怎少得飲品* * *龍眼冰冰凍龍眼冰,香濃龍眼味,夠滋潤又解渴.

泰國菜一向是我至愛，曾經有朋友說：經常吃中菜、西餐，而時下日韓菜又是大熱，想吃特別的風味，非東南亞菜莫屬。於是我在大街上來來回回尋找泰國菜館，沒多久就找到了泰廚。門口正面向天橋出口，熱鬧非凡，有不少人在等位。我們等了一會就有位了，內裏的裝修並不華麗，但別有一番異國風情。沿著樓梯上到二樓，仿似置身於九十年代的冰室，想必是泰國有別於香港般發達，這樣的設計更令人覺得身處在泰國平民茶餐廳的樣子吧，不像別的泰菜餐廳般有金碧輝煌的裝潢卻有泰國特色的小擺設，有一種很地道的感覺，這個環境我挺欣賞的。黃澄澄的海南雞顯得油亮肥美，有着綿胎一樣的厚肉，不難看出用雞油泡浸了一段長時間，然而肉質嫰滑彈牙，不止是雞腿附近的位置鮮嫰，連厚肉的部分同樣幼滑，不帶絲亳渣滓，很是驚喜。一口咬下去，雞肉能吃出雞油香味，其實海南雞不用沾醬已經很好吃，但亦不得不推介一下醬汁，是老抽和薑茸，同是細緻而易入口，沒有薑的殘渣，薑的香味清新而不辣，相當不俗。拼盤一共四款食物，春卷、魚餅和蝦餅先上，配有甜酸醬，串燒另上，可以保持串燒的熱度，果然是熱氣騰騰，正是門口的嬸嬸最新燒的。烤的是間適中，微脆，但內里很鬆軟，能把肉汁鎖在里面，吃下去

係旺角橫街小巷覓食間聞到一陣陣燒烤香味帶嘴饞的筆者走到泰廚食泰國菜8:00pm正好係食飯時間 門外都有唔少人等位等位期間望住門口的燒烤位燒串燒嘅油掃係由一束香茅扎成 好有特色仲有電視介紹招牌菜筆者更發現滿$200就可以$1加泰式生蝦食好抵呀一入座就落左九款美食!值得一讚是上菜時間好快！所以入座不久已經滿桌美食了食泰國菜必食嘅泰式酸辣鳳爪沙律份量都不少 而且好夠辣鹹度同酸度都適中另外等位時已決心要下單的泰式和牛串燒 $18@1每人叫了一串牛肉燒得岩岩好 肉質嫩滑 一啲都唔奀！咬落去更有肉汁溢出呢！炸蝦餅亦是媽媽最愛熱辣辣的炸蝦餅咬落非常香脆有別於平時食到腍身的蝦餅皮推介!泰式菠蘿炒飯 $88是必食之物吧門外電視有介紹係招牌菜原隻菠蘿上 看落很有氣派飯入面有菠蘿之餘亦有足料的蝦，魷魚，提子乾，肉鬆豐富又好味 而且香味很濃呢!我們亦叫了冬陰公湯大頭蝦冬陰公真的有原隻大頭蝦啊!!喝出香濃的蝦膏令個湯好夠味辣中帶酸 加上香味很濃非常惹味呢媽媽看到餐牌上有每日精選的特價菜式泰式古法烤槽魚 $99即燒即食槽魚大約二十分鐘左右用錫紙包住燒確保肉質鮮嫩 而不流失鮮甜魚汁當中有很香的香茅味泰式風味十足！健