Day and Nite by Master Kama (已結業)

今晚同朋友去左波鞋街Shopping, 順道去左呢一間好多朋友推薦既主題龍蝦餐廳食晚飯，叫左一份龍蝦滙兩個人食，份量非常充足，套餐包括有龍蝦什錦海洋石鍋湯烏冬、半隻烤蒜蓉牛油焗龍蝦及一條龍蝦包。石鍋烏冬個龍蝦湯底非常濃郁，我們連湯也飲埋！材料隨半隻龍蝦外，亦有青囗、魷魚圈等海鮮。雖然只是半隻烤龍蝦，但份量亦很大，肉質鮮甜彈牙、亦有很多蝦膏。龍蝦包唔好輕看細細份，裏面全部都係啖啖肉既龍蝦肉，貨真價實。龍蝦滙三寶套餐$468另叫了兩杯特飲：Pineapple Mint Tea ($48) 茶味香，配波蘿，非常消暑Lychee Cheers Sode ($55) 個雪糕有d溶，味道可以。另店內環境以龍蝦作佈置，有很多龍蝦公仔俾你影相打卡！服務員態度亦很主動有禮！👍🏻👍🏻👍🏻

平日吃龍蝦大多時在酒樓晚宴吃的龍蝦伊麵，早已厭倦，友人便帶我去試試別的龍蝦料理😋貪吃的兩女生既想吃有名氣的龍蝦包，又想吃烤龍蝦，一於點了個龍蝦匯豪一豪。急不及待切開龍蝦包分享，麵包鬆軟微甜，充滿濃濃牛油香味！中間夾著不少用牛油炒過的龍蝦肉，邪惡但滋味。旁邊有半隻烤蒜蓉牛油龍蝦，肉質爽彈，薯條混合少量甜甜的蕃薯條，不油膩。還有龍蝦什錦海鮮石鍋湯烏冬，湯底龍蝦鮮味濃郁，比較稠身，配日式烏冬也不錯。鍋內有不少什錦海鮮配料、粟米、木耳，大滿足。最亮眼莫過於這杯飲品 - Unicorn Dream🦄 顏色柔美夢幻！拍照打卡一流💕

近排呢間野因為有買一送一嘅優惠而突然被瘋傳 咁我地行開旺角都特登黎試吓 平日晚上七點左右 等位既人唔多 我地都好快被安排入座我哋本身就係想試龍蝦包 然後發現個KAMA signature lobster set有包埋龍蝦包就叫左個龍蝦什錦海鮮石鍋湯烏冬上枱既時候 個湯底都仲係處於沸騰既狀態 好多泡泡係度翻騰 但係唔知係咪滾過龍既關係 d烏冬淋晒 而且唔太入味之後就要介紹木板上既主角龍蝦包龍蝦包用左排包做包皮 睇落就無乜特別 點知咬落外脆內軟 超鬆化 食落仲有陣陣牛油香 內裏仲包住啖啖鮮甜既龍蝦肉 超有驚喜 不過食個時要小心滿到瀉既龍蝦肉會隨時跌岀黎烤蒜蓉牛油龍蝦呢半隻龍蝦用左蒜蓉同牛油去烤 蝦肉爽口 不過味道就偏淡呢個set我地2個人食就岩岩好 而龍蝦包確實令人難忘

呢間餐廳都已經食過數次，分別試過佢地嘅龍蝦套餐同蟹宴，前者一向深得我心，每次食完都覺得大滿足；後者有點失望，最主要係食完唔夠飽。今次再訪，諗都唔洗諗，一定係揀番龍蝦套餐。平日晚上時間，客人不少，最好先行預約，特別係星期五六日，對上一次都等左半個鐘先有位。用餐時間90分鐘，對於我地食開快餐嘅人好足夠餐牌供應沙律、小食、海鮮、龍蝦、飯麵烏冬、薄餅、湯品、甜品、飲品等，定價中上。後來先知原來佢地嘅銅鑼灣店已結業，新店開喺荃灣區，見到店方照片，粉紅色為主調嘅裝潢幾吸引少女心，有機會可以去試，又近我地。龍蝦匯 $458包括兩款招牌，龍蝦包($188)、烤蒜蓉牛油龍蝦半隻($208)，再加上一份龍蝦什錦海鮮石鍋湯烏冬，配炸薯條蕃薯條，沙律菜，我地兩個人食夠飽的，當然如果有男士，可能要單點其他食物。半隻烤蒜蓉牛油龍蝦龍蝦半隻，幾好肉地，龍蝦肉爽口，食得出係新鮮，我再次確定上次食蟹宴係錯誤的。龍蝦鉗都好有肉，細心夾開左殼，方便食用。用上蒜蓉牛油焗，蒜蓉味較重，食落香口，或者會覺得有點鹹，加少少檸檬汁就剛好龍蝦包早排算唔算吹左一陣龍蝦潮(?)有唔少食店都有龍蝦包供應，仲間中會做特價。呢個龍蝦包相對黎講比

星期三晚8點左右係旺角搵食，上網見呢間評價唔錯，就行去睇下使唔使等位啦，好在一黎可即入2人叫左Kama signature lobster set（$458），內有：- 龍蝦包: 呢個我係英國某間出名食龍蝦既餐廳都食過，上次可能期望過高所以覺得一般，也覺得今次呢個好食d，好似連個包都鬆軟d- 烤蒜蓉牛油龍蝦: 係咪我太貪心呢，覺得2個人分半份龍蝦好似少左d，不過味道都ok既- 龍蝦什錦海鮮石鍋湯烏冬: 其實我本來不打算點set既，純粹是為了這烏冬而點，因為這烏冬無得散叫，結果也沒有讓我失望，好味- 薯條: 正常，有需要既可叫waitress給ketchup 另外，點了荔枝啤梨cider（$69）, 3支中得呢支係有貨，感覺甜了點個人覺得若龍蝦什錦海鮮石鍋湯烏冬和流心芝士龍蝦三文治可在晚市散叫會更好，另外下次也想試下龍蝦茶碗蛋

自從在港島區工作後都甚少在平日去旺角，即使假日都是去尖沙咀多這天來到旺角，感覺很多店已經轉了樣呢 Orz  幸好朋友之前說過想吃的餐廳還在！( ´∀｀)σ 是樓上店來的喔～但樓下位置會有店員。那就不怕上了去才發現沒位(￣▽￣)/ 餐廳主要是藍白兩色，簡潔得來讓人覺得舒服只是冷氣有點開得太大就是了～之後點了杯凍飲..完全是雪上加霜的狀態。看到餐牌上有一些套餐的選擇，還滿豐富的耶～也有鍋物之類先點飲品 - Strawberry & Rose Tea ($48)好大的一杯！！濃濃的茶香中滲出玫瑰的香味，還帶著酸酸澀澀的味道朋友點的則是 Day-Dreamer Honey ($58) 相比起來較細的一杯店員說飲這個的話要小口地飲才行喔 (*ﾟｰﾟ*)(｡￫ω￩｡) 最後我們是選了 - 龍蝦匯 ($458) 這個套餐！！當中包括龍蝦包、半份的龍蝦和烏冬因為其他都要拆殼和分一半的關係，所以一直吃著香脆的薯條和番薯條個人偏好番薯條的多一點，因為吃著甜甜的 ～ ♪龍蝦包 - 啖啖的龍蝦肉咬落很爽口彈牙，而且是龍蝦鉗來呢有配香草，但記得要加醬汁一起吃喔～這樣的話會更惹味！！擔心膩的可加少許檸檬汁(*´ω

想解決Blue Monday的煩悶心情，最好的方法就是"食好野"😋今晚食好d，食龍蝦！🍤旺角分店有兩層，一樓白天為主題，二樓黑夜為主題，今次坐一樓，粉藍和白色的主調，感覺很舒服。餐碟是橫間~先來Kama龍蝦匯($428)！一蝦有三味，成set包括了烤蒜蓉牛油龍蝦 (Half size)、龍蝦包，以及龍蝦什錦海鮮石鍋湯烏冬(可選擇飯)。龍蝦望落啖啖肉，急不及待拆肉並咬了一口，果然肥美肉厚，亦很鮮甜，帶有蒜香，很惹味。終於食到龍蝦包啦！以烤過的甜餐包包圍住龍蝦肉，餐包外邊微脆，內裡軟熟綿，帶有香香的牛油味，龍蝦肉爽口彈牙，滋味得很！薯條又怎麼少得了，入口仍保持溫度，無論是粗薯條抑或蕃薯條，味道都剛好，單是灑上面的鹽已能調出味。龍蝦什錦海鮮石鍋湯烏冬送到時仍滾燙的，店員提示小心不要觸碰石鍋，很細心呢~用料相當豐富，除了有龍蝦頭，另有青口、章魚、栗米等，湯底非常非常之濃郁，讓每條烏冬都能滲有湯底的鮮甜味，而因為用石鍋盛裝，可以keep住食到熱辣辣的烏冬啦。燒安格斯牛柳(1串) ($45)除了龍蝦菜，今次都試了燒物。牛柳切開有四粒，燒得很香，肉味濃，咬落並不韌，頗嫩，望見都回味燒雞泡魚乾 ($3