蔵鳶居酒屋

營業中

休息中

本身喜歡到小店居酒屋的氣氛，咁啱見到這間店日日都有promotion，星期日仲要係龍蝦刺身特價當然要一試啦！其實之前都經過斜路幾次，見到日式餐牌但找不到那店，原來要落一層，香檳大廈的設計真係估佢唔到！朋友早到咗，所以侍應就問佢想坐邊一張六人枱，一張闊落啲不過另一張就私隱度高啲，仲提醒我哋今晚啲龍蝦轉咗係西澳，比平時仲抵食，都幾親切殷勤仲幾靚女，哈哈！我哋叫咗龍蝦同象拔蚌刺身，個龍蝦新鮮到上枱嘅時候觸鬚仲喺度郁，肉質彈牙鮮甜😋另外我哋都叫咗串燒、卷物、天婦羅尼啲下酒菜。值得一提，此店有啲內臟菜式未必度度有，例如牛腸鍋、提燈等等，不過友人們不好內臟，但我下次想試吓。正當我哋飲飽食醉吹緊水嘅時候，那位女侍應捧住一碟甜點拼盤，仲有件芝士切餅和幾粒麻糬，碟上面仲寫住Happy birthday，佢笑住話：「我已經盡晒力㗎啦！不過我真係搵唔到蠟燭，真係唔好意思呀！」講咩唔好意思🥹就快生日嘅我已經覺得相當驚喜，我訂枱時冇mark慶祝生日，我仲以為係朋友安排，點知佢哋話冇安排過喎😳我哋估，應該係我哋cheer碰杯時聽到我哋講預祝生日快樂，佢真係好sweet好窩心呀🫶🏻所以點解我喜歡小店，大抵就是因為一

其實何謂隱世呢？隱世係好定壞？可能你聽過果間餐廳，但你未必容易搵到或者你根本會好少去果頭。但以我理解，可以講成一種消費者賦予既特質，或者係一種gimmick。而呢間「蔵鳶居酒屋」可能具備呢種特質，但地理上黎講，其實佢一d都唔難搵，離地鐵站只係3分鐘姐，有d野只要你有心搵，就一定會搵得到，黎緊亦會搞個海鮮1蚊拍賣大會，到時見！👇📌先 付 -▪️ 蟹 籽 薯 仔 沙 律 - ▪️ 日本龜の手 - ▫️ 前菜先黎個「蟹籽薯仔沙律」，脆口既蟹籽口感幼滑，同時沙律食到粒粒薯仔，連埋帶少少鹹香既鱈魚片，鱈魚片係先燒再炸，口感份外爽脆；而呢個「鬼爪螺」真係第一次見，佢既層比好似恐龍皮咁包住，撕開裡面其實係一條吸管狀既肉，食落味道帶少少海水味，dd似蟹肉果種質感，真係好特別。📌さ し み -▪️ 時 令 刺 身 盛 - ▪️ 龍 蝦 刺 身 - ▫️ 輪到刺身環節，由staff幫我地拼左個「時令刺身盛」，一次過食勻「北寄貝」、「赤貝」、「八爪魚」、「油甘魚」、「赤身」。北寄貝同赤貝夠哂爽口唔會過韌，八爪魚夠厚切，口感十足；油甘魚魚油豐腴，微微甘甜；赤身部位脂肪無咁多，但勝在肉味濃厚，唔錯；而另一款刺身就有「龍蝦刺