影片
更多
2017-03-03
976 瀏覽
之前都講過因為唔少餐廳進駐入廠廈，就多咗嚟觀塘區食飯，其實，除咗廠廈嘅「用途」轉變，依區亦不斷有新商廈落成，亦喺增加唔少新食店嘅契機。是夜嚟到中海日升中心嘅「February 」就喺一例，又睇睇能唔能夠成為異軍突起。餐廳有咩食，其實晌門口已經一眼睇晒，因為將個餐牌放大咗貼出門口。不過，既然又唔喺企晌度等位，自然坐低慢慢睇。走入餐廳，餐廳中央嘅水吧咁區，背後放滿酒，就知喺一派酒吧枱局。左右兩邊盡頭喺大梳化椅，感覺應該喺最好坐，佈置簡潔，但配以柔和燈光，尤其幾盞富中東色彩嘅吊燈，令環境添幾分情調。餐牌嘅內頁喺高貴嘅紫色，慢慢再細閱餐牌，食物主要都喺分為小食、湯品、沙律、主菜、意大利飯/麵及甜品；飲品方面則包括啡茶、汽水、紅白餐酒、雞尾酒、啤酒及沙冰。除二、四人套餐，當中嘅主菜及意飯麵，都可以+$38轉為晚餐，多一份精選餐湯或精選沙律及配一杯啡茶，+$12可要齊餐湯及沙律，+$22 更可以升級至龍蝦忌廉湯或白松露野菌忌廉湯。龍蝦忌廉湯 +$22估唔到個湯做得香濃幼滑，蝦味亦夠晒突出，份量又唔少，湯裡頭仲有微微絲絲蟹肉（雖然唔喺好食得到），但比相像中好，唔比啲大鋪遜色。但如果，加少少蝦肉粒，湯
餐廳有咩食，其實晌門口已經一眼睇晒，因為將個餐牌放大咗貼出門口。不過，既然又唔喺企晌度等位，自然坐低慢慢睇。
走入餐廳，餐廳中央嘅水吧咁區，背後放滿酒，就知喺一派酒吧枱局。
左右兩邊盡頭喺大梳化椅，感覺應該喺最好坐，佈置簡潔，但配以柔和燈光，尤其幾盞富中東色彩嘅吊燈，令環境添幾分情調。
餐牌嘅內頁喺高貴嘅紫色，慢慢再細閱餐牌，食物主要都喺分為小食、湯品、沙律、主菜、意大利飯/麵及甜品；飲品方面則包括啡茶、汽水、紅白餐酒、雞尾酒、啤酒及沙冰。
除二、四人套餐，當中嘅主菜及意飯麵，都可以+$38轉為晚餐，多一份精選餐湯或精選沙律及配一杯啡茶，+$12可要齊餐湯及沙律，+$22 更可以升級至龍蝦忌廉湯或白松露野菌忌廉湯。
龍蝦忌廉湯 +$22估唔到個湯做得香濃幼滑，蝦味亦夠晒突出，份量又唔少，湯裡頭仲有微微絲絲蟹肉（雖然唔喺好食得到），但比相像中好，唔比啲大鋪遜色。但如果，加少少蝦肉粒，湯面下忌廉時唧得靚仔啲，就一定更討人歡心。
精選沙律雖然只喺一般嘅田園沙律，沙律菜淋啲沙律汁，稱唔上咩精選或者有咩特色，但啲沙律菜夠新鮮，入口爽脆，配幾片青蘋果感覺清新。
西班牙黑毛豬鞍架配蕃茄菠蘿沙沙 $182件黑毛豬鞍非常大件，又喺厚切，極有睇頭，切起嚟感覺幾鬆軟，入口試試，真喺唔錯喎，鬆化之餘又富肉汁，襯蕃茄菠蘿沙沙，酸酸甜甜喺幾合適嘅配搭，不過，記得曾經食過啲黑毛豬鞍仲帶有啲爽脆口感，但今次就無喇。加埋啲炸薯角、烤蕃茄、沙律菜，份量十足夠飽肚。
香煎帶子牛肝菌意大利飯 $142另一道主菜可謂姍姍來遲，飯粒煮得唔錯，有咬口，又帶有唔少菌香，只喺略嫌太濕，而鮮帶子煎得香口，大粒質感又夠彈性，只可惜得一粒，認真唔夠喉。
藍莓芝士蛋糕 $52主菜份量本身都幾足，但大家嘅胃納都仲有少少位，加上餐飲大家都打算揀咖啡，就一於點一件蛋糕共享一下。小弟原屬意件朱古力慕絲，可惜無貨，改為試試藍莓芝士蛋糕，餅底厚薄適中，芝士味亦見濃郁，但難得個藍莓醬似喺自家製，酸活無死甜，配多兩粒迷你藍莓口味雪米糍，整體真喺唔錯，不過，定價$52以同類同級餐廳而言就肯定偏高。
即磨咖啡（餐飲）餐飲簡簡單單要杯即磨咖啡就算，意外少少喺附上嘅奶唔止喺熱嘅，仲喺打起過嘅奶泡，雖然少少奶泡加落啲咖啡度唔會話變得好飲到飛起，至少見到份誠意。
雖然訂咗枱，但嚟到都要等10分鐘，餐飲嘅奶加熱咗值得加分，但上完客黑毛豬鞍架，等好耐先嚟客意大利飯，好彩我哋都喺一齊共嚐，否則就一個食完主菜，另一個就遲遲都未有得食。所以，整體服務算喺不過不失！
張貼
