Ocio (積存街) (已結業)

第二次黎食喇，上次係食套餐，今次係散叫。都係差唔多價錢，最後發現食set呢係最抵。建議大家下次黎係叫set啦🙂🙂奶味濃郁，奶味又唔會過重，好香雲尼拿味，兩個字：必叫。份量比我想像中細，但入面魷魚好多，好多海鮮。薯仔又好味。貴精不貴多😆👍🏻最鍾意呢味送，義大利飯果然彈牙入味。食意大利菜點少得試意式既飯呢！又啖啖肉，份量ok。又係份量比想像中唔同，但超好味的喔。又有焗豆食。沾下汁，雞肉更加好食。煮雞肉煮得軟硬拿捏的剛剛好。

對上一次嚟食甜品好失望，可能唔太鍾意紫薯鐵板窩夫浸濕哂好似發水麵包質地所以都冇想再去食嘅意欲。但男朋友竟然好有心思地訂咗枱，就抱住俾多次機會呢間餐廳嘅心態去啦！原來佢主食係唔錯嫁！喜出望外原本想食菠菜千層麵，點知冇哂。叫咗龍蝦汁海鮮意大利飯！顏色較淡，但龍蝦味濃郁！美中不足係所謂海鮮只有蝦球，如有多幾款「海鮮」少兩三粒蝦都好。一係改名做龍蝦汁蝦球意大利飯，噤就冇期望啦。另外點咗個蘑菇芝士釀雞。雞都好嫩，胸位都唔鞋。我連骨都食得好乾淨，一粒肉都冇剩薯條量唔少而且脆口！好滿足。總括嚟講，個人對呢間嘅主食較甜品出色。不過如果要靜靜地2人撐枱腳的話就冇呢個效果，因為餐廳內環境較迫，星期六日晚市full house!！枱同枱之間應該得一個半手掌位左右。

朋友係大圍開左間單車鋪，約埋個朋友仔去祝賀下，順便黎個健康單車日。參觀完朋友鋪頭，踩單車前當然要填飽個肚先啦，如果唔係朋友帶路，都唔知大圍原來有好多餐廳。今次朋友帶我地到OCIO西餐廳，餐廳配以落地玻璃，望出去景色開揚，裝修走簡約歐陸風，一列排開既卡位，半開放式廚房，發出淡淡黃光既吊燈，非常高級有情調。糖水另上，客人可按口味加入糖水，紅茶味香濃，而且夠大杯。跟餐加$49既拼盤，份量十足，有即炸薯條，魚手指，春卷，吉列炸蝦同咖哩角，並以凱撒沙律伴碟，由於即叫即炸，所以都外脆內軟，非常惹味。我最欣賞春卷，脆卜卜既春卷皮包住微咸既餡料，讚！意大利飯煮得剛剛好，入口軟熟有口感，黑松露平均佈滿整碟飯，濃郁既醬汁配以帶子，蝦及魷魚，海鮮既鮮味同黑松露配搭得天衣無縫，食晒成碟都唔覺膩。初時以為龍蝦汁應該係紅紅橙橙咁，點知望落好似白汁，入口試下，驚喜黎啦，好濃龍蝦味，啖啖都好鮮甜，配埋大蝦，魷魚同蜆肉等海鮮，抵食又有水準。  跟餐加19蚊既甜品，估唔到由賣相到味道都咁有誠意，最重要係唔會得個甜字，士多啤梨蛋糕清甜軟熟，配以忌廉慕絲既柔滑口感，勝過好多蛋糕店。上層係抹茶慕絲，抺茶味濃，底層係柚子奶凍，口