魔膳廚房 (已結業)

平時都成日黎食午餐同下午茶 講到晚餐就真係第一次 媽媽去左半個月旅行終於番黎 就帶佢黎食餐飯慶祝下Menu加左$30就可以有自助沙津吧 有好多新鮮既沙津菜同水果 仲有涼拌小食可以自己拎不得不提就係食晒都唔記得影相既餐包 好香又軟綿綿 食落就好鬆軟 原來係用日本麵粉造既 餐湯我地就分別叫左個雜菜湯同松露蘑菇忌廉湯 我自己就比較中意呢度既蘑菇湯 好香松露味龍蝦汁海鮮意粉 ($168)有大蝦.青口.魷魚.蜆等等既海鮮 好足料 個汁整到好似湯咁既質地 比較稀 同個意粉好夾 意粉軟硬適中 好彈牙西冷牛扒10oz配薯菜 ($218)塊牛扒肉汁好飽滿 而薯粒都有小心機 食落隱約有陣黑松露味賣相好好 如果用放係木板上枱應該會更靚藍柑檸檬梳打 (+$5)唔止賣相好有夏日既感覺 飲落都好refreshing熱玫瑰蜜花茶 (+$3)甜度ok 有玫瑰花香味另外要讚下呢度既職員 做野好快手態度又好 見到有一家大細帶左個小朋友就即刻拎左張bb櫈過去 真係值得一讚

今晚約左個老友係觀塘食飯, 佢係觀塘返工, 佢話食過呢個餐廳既LUNCH, 覺得唔錯, 想試下夜晚, 呢度真係唔錯, 唔單只地方夠大, 同隔離枱有距離, 服務又好, 其實好岩三五知己食飯傾計，而且食物都好好味, 價錢合理。今晚BOOK 左7點半鐘, 去到仲未係好多人, 我地2個人都有張4人枱, 所以好舒適，仲要好近SALAD BAR, 超方便。今晚我地各自都叫左DINNER SET諗住SHARE一齊食, 有湯有MAIN有野飲, 仲可以係出面SALAD BAR任拎食物，雖然個SALAD BAR唔係好多野, 都係D前菜沙律生果, 但D食物都好新鮮!! =]紐西蘭頂級西冷牛扒 10OZ $218真係頂級西冷牛扒!!!其實一上枱我已經有點意外, 因為好靚!!!要即影呃LIKE!!!除左去牛扒之外, 側邊仲有小小伴菜令到成個MAIN好完滿, 有一個煙肉焗蕃茄啦, 蘆筍煙肉, 同埋一個熟蒜頭!!真係好靚!!最驚喜既竟然係薯仔!!! 佢用左小小黑松露, 再拎個薯仔去炸一炸, 食落去一啲都唔粉!!爽爽地, 好易入口, 唔會覺得好飽, 講返主角西冷牛扒, 我揀左5成熟!!!VERY GOOD!!!!切開

一直知道觀塘工廠大廈隱藏了很多高質素西餐廳，今次聽朋友介紹黎到呢間好似好出名嘅魔膳廚房。觀塘B3出口直行1分鐘就到，入口有好多燈光裝飾，唔怕搵唔到。未入餐廳已經見到老闆同好多明星嘅合照，心中更多期待。果然係工廠大廈，餐廳入面好多位好闊落。裝修得幾得意，牆上的飾物同燈光都好welcoming，仲有個大屏幕，唔知係咪可以比人包場睇波侍應態度好好，一坐低即刻送上餐牌準備點菜。好多嘢揀，啲得眼花花。價錢算係正路，百幾二百零有個餐。有個today‘s special，好似好神祕，不過今次友人怕唔啱口味，下次黎我自己叫我地加錢轉左【任食沙律吧】，有新鮮沙律菜，生果，醃漬，選擇頗多。【羅宋湯】同【周打蜆湯】開胃，湯濃度啱啱好，唔會太鹹，又唔會好滯。【餐包】係熱辣辣新鮮出爐，有啲穀物，好味。主菜叫左【紐西蘭頂級西冷牛扒10oz】好足料！好大份！食唔晒！牛扒七成熟，切開仲有小小血絲，外焦裡嫩，鮮嫩多汁，有足牛扒自然嘅香味，牛扒肥瘦均勻，外層牛筋好煙韌，牛肉唔塞牙，每一啖都係頂級享受，怪自己冇兩個肚！【龍蝦汁海鮮意粉】口味清淡，海鮮嘅鮮味難擋，豆苗菜同蘆筍既提味又增加清新口感，可中和牛扒嘅肉感。配料極豐富

早幾年開始，工廈美食大受歡迎，很多媒體以隱世工廈美食，十大工廈美食等等的標題來介紹餐廳，令很多人慕名而來。而魔膳廚房便是當中非常受歡迎，且有實力的餐廳之一。魔膳廚房地點方便，鄰近地鐵站的工廈，相當易找。魔膳廚房的佔地頗大，十分寬敞，坐得舒適，大班朋友聚會都夠坐。牆上的掛畫裝飾都十分悦目。設有自助沙律吧， 提供生菜、雜果沙律，配以不同醬料及配料，有西瓜、車厘茄等水果，亦有螺肉以及帶子裙邊等等前菜小食，種類不算多，但勝在新鮮，作為開胃小菜什佳。最愛螺肉，外表不好看，吃落卻十分美味，醬汁不會黏著一坨。啫喱糖令我回到小時候的感覺，很久沒有吃過。點了一個忌廉湯及一個羅宋湯，十分驚喜。忌廉湯將蘑菇打碎，喝下去菇味十足，口感豐富，啖啖蘑菇粒，誠意十足。羅宋湯中亦有很多蔬菜，酸中帶點辣，十分醒胃。龍蝦汁海鮮意粉賣相好看，有大大隻青口、大蝦和魷魚，配料有粒粒魷魚、蜆肉、露荀、車厘茄等。意粉熟度恰到好處，每啖意粉龍蝦汁濃郁，卻不會腥，配料十足，口感豐富。三式芝士醬燒豬肋骨配薯角豬肋骨賣相吸引，以沙律菜、菠蘿和薯角作為襯托配料，份量多，大概有十條骨， 一大排擺在我們面前。豬肋骨肉質腍滑，本身已塗上甜甜的燒烤

收工後同好朋友搵個地方聚一聚，今晚就嚟到位於觀塘APM旁行, 行2分鐘就到嘅魔膳工房。餐廳環境非常寬敞，今日比較早到，人未算好多，靜靜地傾計就啱曬喇。晚餐有豐富自助沙律，女生最愛。跟餐有紅湯 & 白湯。紅湯味濃，但唔太酸，啱曬我口味。白湯帶香濃菇味，朋友就最鐘意。大蝦、青口、魷魚等海鮮，全部又新鮮又嫩口，大蝦經過烤焗，仲特別有風味， 意粉配上濃郁龍蝦汁，朋友同我都食到停唔到口。原隻豬手火候剛好，一刀切下十分容易切開，豬皮充滿骨膠原，當然要多吃，跟上黑椒汁 & 酸菜, 特別滋味。雖然豬手份量好大，仲附有薯角，但轉眼就被我地清盤。唔覺唔覺...兩個女仔清曬枱，朋友飽到要叫返杯伯爵茶解一解，我就試咗呢杯荔枝玫瑰梳打。今晚傾計連食飯，前後坐足二個小時，大滿足呀。

同朋友見下面，又唔想放工行咁耐所以搵咗呢間樓上餐廳，朋友話平時Lunch Hour 都好多人所以想晚餐黎試下。雖然係工廈但入面裝飾都好特別，牆上掛咗好多特別既掛畫，都可以話係幾有情調任食沙律吧 ＄38沙律吧唔算好多選擇但勝在可以任食同埋有幾款日式小食，例如：中華沙律、螺仔、八爪魚等等。沙律吧仲有3款醬料配搭，小妹最喜歡既係黑醋，酸酸甜甜，特別開胃松露蘑菇忌廉湯 配餐包小妹最鍾意係蘑菇湯同龍蝦湯，所以每次餐湯只要有呢2款選擇，小妹一定會揀。當日餐廳提供係松露蘑菇忌廉湯，蘑菇份量十足而且雖然打爛唒蘑菇但仍然有一粒粒蘑菇既口感。用埋松露，個湯就更加香。不過最吸引既係個餐包同市面衛星包唔同，係提子合桃白餐包，餐廳有加熱，令麵包更鬆軟，加埋湯，簡直一流三式芝士醬燒豬肋骨配薯角 ＄168一上枱都有”嘩”，比想像中既豬肋骨還要大，我同朋友2個人都食唔唒，所以提議呢款可以3個人或以上一齊分享。由於焗完後係芝士面再淋咗一層醬汁，所以比較難食到芝士味，不過咁樣會覺得無咁膩。豬肋骨大約有10枝，不過每枝都厚肉同肉，唔喜歡食啖啖肉既朋友，不妨考慮下豬肋骨下面仲有薯角配搭，咁就唔使怕唔夠飽！薯角仲可以配埋千島醬

今晚相約舊同事晚餐，同事在觀塘收工，所以就相約去觀塘的餐廳食飯就搵左魔膳廚房，上網睇到環境舒服，好適合我地幾個聊天環境都很大，座位都很寬敞唔會有迫的感覺有沙律吧，點餐+38任食先後左餐湯和麵包，有羅素湯和南瓜忌廉湯選擇香煎帶子黑松露意大利飯好濃郁的黑松露香味，飯夠軟身又唔會太冧，食落去好有咀嚼感，整得很好味龍蝦汁海鮮意粉意粉看起來有點普通，以為好冧看似不太吸引，但食落原來都頗驚喜，味道同食落去的感覺都很好，食得十分滋味三式芝士醬燒豬肋骨配薯角份量好足夠整得既味道正，芝士味好香濃飲品一人點左一杯唔同顏色的花茶，凍玫瑰蜜花茶（紅色）、凍茉莉蜜花茶（黃色），藍柑檸檬梳打（藍色），三杯都好靚味道都唔會好甜，睇得又飲得

觀塘工廈區愈開愈多餐廳，但係好多都要花少少時間先會搵到佢地既所在，但係今次揀既魔膳廚房，位置十分方便。係apm鱷魚恤大廈既出口一落去轉右就到➡️一坐低就見到做緊promo，加$1有多一款小食/甜品，咁抵 緊係要嗌喇！嗌左兩個dinner set所以可以嗌兩款，第一款係釀雞翼，去骨既雞翼釀入糯米，雞翼燒得好香 加上糯米煙煙韌韌 好好味！第二款係parma ham加蜜瓜，味道不過不失主菜係西冷扒，嗌左5成熟 可惜有啲過熟，肉質亦有啲韌..仲有龍蝦汁海鮮意粉，味道一般，食唔太出龍蝦汁味，但係意粉本身都幾爽口。最後反而杯餐茶幾驚喜，好大杯 夠大方！

最近同事lunch後紛紛討論這間開業不久的Magic Kitchen, 環境和食物口碑皆不錯。一於今晚收工後來試試，果然有驚喜！從開源道入口的裝飾已見心思，沿着樓梯上餐廳掛滿飾物，有置身大自然的舒適感覺，完全不似身在工厦中。餐廳地方非常寬敞，空間感十足，感覺舒坦。中間位置是任食沙律吧，跟餐每位只加$38，非常抵食！Set dinner選擇豐富， 餐湯選了忌廉蘑菇湯， 輕盈幼滑忌廉加細碎蘑菇茸，再配上軟綿綿餐包， 絕配！龍蝦汁海鮮意粉$168 ~ 龍蝦汁 意粉香濃嫰滑，海鮮新鮮材料豐富， 風味濃厚！德國烤原隻豬手配薯角配黑椒汁$ 186 ~ 豬手芳香入味，肉質滑嫩而豐腴，肉香四溢，油脂均勻，外皮軟腍又不失煙韌，每一口都充滿嫩滑滋味！跟餐轉特飲加$5荔枝玫瑰梳打 & 藍柑檸檬梳打 ~ 顏色鮮豔奪目，充滿冰爽感覺。同事說這裏的甜品同樣出色，果然名不虛傳。 意大利芝士餅 $48 ~ Terimisu在精美別緻的玻璃蓋及可愛小巧的花花襯托下份外美麗，香軟鬆綿，甜度適中！檸檬蛋白批 $48 ~ 味道酸中帶甜, 清香淡雅，為味蕾帶來清新感覺非常滿足的一晚， 這裏的環境和食物均令人驚喜，難怪有這麼多同