Wooden House (已結業)

每星期我都會帶老婆返城市花園老家同爸媽食飯, 不過今晚我地收工返到去竟然摸門釘, 媽媽話以為我地29號先返所以今晚同爸爸出左去同人打麻雀(2月係冇29號的!)。一場黎到炮台山我地就閒逛一下, 順便睇下有乜野新餐廳。😁我地行到電氣道, 見到友邦廣場地下呢間意大利餐廳Wooden House, 餐廳唔大間, 不過裝修幾雅致, 而且價錢唔貴, 所以決定入去試試。我地兩個人點左一客龍蝦湯, 黃油雞同Pasta share食, 加埋甜品應該好足夠。😙龍蝦湯配紅蝦刺身 $98由於老婆對蝦有敏感, 所以我只點左一客龍蝦湯, 龍蝦味非常濃郁, 口感綿滑, 配鮮甜嘅西班牙紅蝦刺身, 鮮味更突出。👍白酒點主菜會送白酒/紅酒一杯, 我地揀左白酒, 味道唔錯。法國黃油雞 $188來自法國嘅黃油雞肉質比一段軟嫩好多, 而且雞油味濃, 雞皮香脆帶有外香草味, 配牛肝菌醬青豆食, 非常惹味。😋闊條麵(煙肉, 番茄, 紅椒碎, 芝士) $128餐廳嘅闊條麵麵條唔算好闊, 口感比較軟腍而且好掛汁, 意粉汁由鮮番茄調製, 清新醒胃, 加上紅椒碎, 煙肉同芝士, 味道富有層次。👍朱古力窩夫配自家製肉桂味雪糕 $58甜品好有

今日去開附近嘅中南買嘢，落雨又想食西餐，就入咗呢度啦。入到去個環境都幾舒服，靜靜地唔會太嘈太熱鬧。<龍蝦湯配紅蝦刺身，$98>個蝦刺身原來已經切好左，放得好靚。店員提及可以將刺身放入湯，食落就會暖暖地。個人比較喜歡就咁食，對於暖嘅刺身無乜好感。平時無乜飲開龍蝦湯，呢個覺得都唔錯。<西班牙伊比利亞黑毛豬配烤紅椒堅果醬，$288>黑毛豬略嫌過熟，食落有少少韌，本身期待會比較腍，所以有少少失望。而佢個烤紅椒堅果醬唔算好特別，食落唔辣又無乜味。配菜反而做得好好，薯仔輕輕煎過食落好香口而又不膩，蕃茄仔多汁鮮甜。<芒果沙冰，$45>芒果沙冰有別於平時飲開嘅泰式芒果沙冰，好似加少少奶類去做成嘅沙冰，感覺比較杰身，芒果味唔算濃郁，但勝在唔會好甜。<窩夫配意大利雪糕，$58>窩夫比較實，唔係外脆內軟改嗰種感覺，但係個味道都唔錯嘅。我哋都覺得個意大利雪糕唔夠滑，不過朱古力味夠晒濃郁。價錢中規中矩，如果想同另一半去一啲清靜環境嘅餐廳慶祝記念日都係一個唔錯嘅推介。