Hunky Dory

營業中

休息中

是日team lunch去食呢間科學園嘅西餐入咗嘅時候已經有唔愉快嘅事發生，我哋八個人，冇訂位，佢就話要分開四個四個坐。開頭我哋都冇問題嘅，但係我哋見到有八個位連住（兩張四人枱拼埋，其中一張上面寫住訂座）店員安排我哋坐四個喺呢度，另外四個坐一張遠啲嘅四人枱。我哋就問可唔可以比遠啲嗰張四人枱比留咗位嘅人，咁我哋八個可以坐埋一齊。其實我覺得呢個要求都好合理，而且都唔係好麻煩，但店員就語氣好差咁同我地重複嗰張檯係訂咗，最後我哋都係分開坐。我叫咗午餐menu最貴嗰樣—安格斯牛扒，well done唔知點解都係唔熟曬有血水龍蝦湯普通，凍奶茶明明叫咗多奶但係因落好似水咁，好淡無奶味

又到聖誕～約朋友食返餐，今次去位於沙田科學園HUNKY DORY RESTAURANT食聖誕大餐，其實都方便，去到大學站轉巴士，六分鐘就到～可能我哋食lunch，所以唔係好多人，好快有位坐，環境唔錯，店員都好親切有禮，適時為我哋提供需要，夜晚食嘅話就應該更有聖誕氣氛我地食咗黑松露野菌湯 $58味道偏清，帶到黑松露味龍蝦湯 $ 88我覺得比黑松露湯味道更濃郁愛爾蘭健力士牛肉批 $138酥皮酥脆，牛肉juicy，仲有薯仔，菇之類配菜，味道唔錯威靈頓牛柳 $188之前仲擔心可能會過生或過熟，點知嚟到生熟程度啱啱好，配埋酥皮一齊食，味道一流美味拼盤 $158呢個同款入邊有四款小食，分別係雞翼，魷魚圈，肉丸，同炸豆腐棒平時好少會食到呢款炸豆腐，佢入邊真係一舊嫩豆腐，中和炸粉好熱氣嘅感覺，好食Mango Yakult Soda $42Peach Punch $44兩款都係好打卡嘅飲品

✨ #大學 Hunky Dory✨星期日想遠離市區輕鬆下聽朋友介紹科學園多咗好多新餐廳就特登過去行下兼食嘢揀咗有個小草地兼有outdoor座位嘅Hunky Dory成個感覺都chill d-Cappuccino 對於咖啡需求大嘅朋友相信正常杯size一定唔夠飲就特登揀加大味道同傳統咖啡店飲到嘅分別吾大但多咗份淡淡奶香味-Long Black (Hot)想要更加濃味嘅咖啡所以揀咗Long Black面頭有陣油喺表面 加強咖啡香微酸再加上微微回甘算是不錯-龍蝦湯質地軟滑細緻 細看仲有少許龍蝦肉每啖都好濃郁 充滿龍蝦精華隨餐碟附送多士一塊雖然唔大塊但食到尾段用作沾乾淨碟身剩餘湯汁直情係精華中嘅精華-卡邦尼年糕有基本煙肉碎、火腿、菇而且年糕分量相當多仲有面頭隻溫泉蛋 刺破蛋黃漿撈勻一齊食配上超掛汁嘅年糕每啖都好滿足比起平時配意粉又另一番風味-黑松露天使麵天使麵口感每條都好爽口加上汁料用上黑松露汁亦有芝士碎襯托啱哂濃味愛好者-🍴Hunky Dory📍沙田白石角香港科學園科技大道西19號19W大樓2樓245室🚌 大學站轉272K巴士 (香港科學園第三期下車)