Y Show Tasty (已結業)

話說好耐之前睇yellopenrice💛🍚已經有留意到呢間餐廳，一直都bookmark咗好耐🙈，前排同朋友去咗食生日飯，覺得嘢食幾唔錯同有驚喜，決定要喺度推介一下😆喺Openrice見到呢個湯超多人推介，所以都忍唔住嗌左嚟試吓😋 佢兩粒大帶子真心有驚喜，估唔到咁大粒，食落夠飽滿夠彈牙👍🏻 個湯飲落好濃味，有啲似加咗絲絲蟹肉嘅龍蝦湯，難怪真係咁多人推介啦😆原本呢間餐廳最出名嘅係燒乳豬🐖，但由於朋友唔係咁鍾意食乳豬，所以我哋嗌咗另一款熱門菜式——龍蝦意粉🦞 估唔到佢隻龍蝦都幾大隻🤪 算係啖啖肉，仲有啲蝦膏添😋 而個意粉都算唔錯，夠哂al dente，除咗蟹肉之外，仲有好多唔同配料，可惜個sauce就比較淡🙈呢個薯條就有啲普通，因為佢淨係將啲薯條點黑松露醬食，原本以為係會有黑松露灑係面，但依家就咁點醬就有啲hea😢 而薯條好似炸得有啲over咗，有啲太脆太硬(本人比較好軟身有薯肉嘅薯條)，不過勝在份量夠哂多🤪由於朋友生日，所以特意order咗份火焰雪山，火焰雪山用嚟打卡一流，店員亦都俾足時間我哋影相😚 呢個火焰雪山都幾有驚喜，之前喺另一間餐廳食過嘅火焰雪山因為入面嘅雪糕太甜，令到我對火焰雪山

又係一間睇到杜生介紹好想一嚐既餐廳🤤，終於都俾我試到喇！選擇比想像中少，雙面印刷一面食物一面飲品🍹好簡單既一張Menu，但勝在咩都有啲。餐廳裝潢都好舒適，座位好寬敞。帶子蟹肉濃湯 $78 + 10%識飲就梗係每人一碗，附上烘過既法包片🥖。入口真係好濃濃到有啲偏咸，每一羹🥄都有蟹肉絲🦀，但鮮味無想像咁出。帶子兩粒都好飽滿同彈牙，煎得岩岩好。蟹肉牛油果沙律 $78 + 10%無諗過係Tartare形式黎，壓得好實淨，切起上黎都無咩問題🍅。雖然好似好普通既食材，但配搭得好好，蟹肉🦀帶啲鮮甜，牛油果泥🥑熟得岩岩好。脆炸雞翼 $58 + 10%炸得非常香脆，但腌得唔係好夠，無咩調味咁，要靠個mayonnaise去搭救。🐔同埋食起上黎比較油，索一索油會比較好。龍蝦蟹肉寬條麵 $188 + 10%個汁醬係同個湯係一樣，但配上個寬麵🍝就變得好淡口，同埋就見唔到清楚既蟹肉。至於個龍蝦🦞就比較失望，係食到有少少鮮味，不過肉質係梅爛，唔係好結實可以成條抽出個種，好痴殼❌。香烤乳豬 $268 + 10%🐷非常香脆，切落去索索聲，腌得都好惹味。佢個Honey Mustard唔係現盛黃色個隻，真係用蜜糖🍯加芥末籽

看了杜生推介而來，但食完之後係有d失望。乳豬的大細其實係好迷你，差不多是一隻燒雞腿大小，只夠一位男士食，但咁就$268。吃完好像沒吃東西一樣。不過食物質素黎講係好香脆，肉質也很可以，不會好鞋，調味也OK。就是份量和價錢有點進取。龍蝦蟹肉寬條麵的味道是我們想像不到的中式口味，像酒樓的上湯龍蝦伊麵汁🦞，我本來以為會是西式的醬汁。這個中式配搭不是不好吃，但不是我expect的。這個是最正常合理的意粉，大蝦彈牙，不會太油膩。

睇完yellopenrice 之後終於有機會黎試下佢係咪真係咁好味💛香烤乳豬（$268）佢一黎會原隻上枱，你影完相之後可以叫佢幫你切埋，唔洗自己切到呢咁Hea隻乳豬真係好正🤣🤣一食落口反應同杜生差唔多，好脆好肥但又好好味啖啖肥肉食晒落肚 第一個都未食完已經想叫多個乳豬食😂呢幾個女人真係唔簡單💛龍蝦蟹肉寬條麵（$188）呢個都好好味，個龍蝦又係啖啖肉又實淨好新鮮，意粉嘅口感好好，軟硬適中💛帶子蟹肉濃湯（$78）呢個就有啲失望，可能杜生令到我地太大期望，飲落又冇咁驚喜其他前菜小食甜品都唔錯最後仲送左幾杯野飲比我地🤫杯杯都唔同味 好特別👍🏻👍🏻👍🏻

小編今日同朋友們喺尖沙咀行左一陣街，去到厚福街附近一橦大廈到基本上都好多食肆🧐，而光板燈上面特別有一間寫住Yellopenrice既餐廳，特別搶眼🤩。朋友們都一致想試呢一間餐廳，小編認為質素應該有咁上下水準😽，最後小編們就抱住「踢場」既心態入去試食呢一間餐廳👀，而個名叫做「Y Show Tasty」。✦✦✦✦✦✦✦✦✦✦✦✦✦✦🎈龍蝦蟹肉寬條麵 $166首先講講龍蝦寬條麵，龍蝦好大隻其實望落去已經非常之吸引🤤，仲有大隻蟹鉗，賣相唔錯👍。上碟一刻味道即刻撲鼻非常香👃，已經忍唔住即刻切一小舊龍蝦肉嚟食喇🤭。龍蝦肉好煙韌彈牙，好有口感。而闊條麵既份量剛好，呢個龍蝦寬條麵應該係餐廳既招牌菜🎀。✦✦✦✦✦✦✦✦✦✦✦✦✦✦🎈燒春雞 小編們另外再叫咗一款燒春雞，而呢款燒春雞係餐廳既餐牌上面搵唔到🤔，係員工為小編去推介，因為小編既朋友突然間好想食雞肉🍗，所以員工就推介呢款。燒春雞上菜既時候就會有員工為燒春雞上淋火燒白酒🔥，整個賣相由一開始非常之吸精👀，係小編們慢慢咁等耐既同時都期待雞肉既味道，但事實就白酒本身既苦澀令到雞肉入面都甚透呢一種苦味🥴，唔係人人都接受得到。雖然雞肉上面有甚少香草味道🌱，但都