發哥粥底海鮮火鍋 (已結業)

今日咁岩喺九龍灣收工，嗱嗱聲約朋友黎依間發哥火鍋開餐😋因為一直好想試佢地嘅海鮮餐，難得今日咁岩喺九龍灣，朋友就係住附近，所以真係天使地理人和🤣🤣🤣7:30準時到達，唔使睇餐牌，直接叫龍蝦🦞海鮮餐首先來個開胃小食雞腳青瓜，好味開胃、小辣🌶花膠燉雞湯，煲到舊花膠軟綿綿，啖湯勁補身😛蒜蓉青口，蒜蓉非常香口，啱啱出爐熱辣辣🤟🏻主菜海鮮盤出場啦，有龍蝦、鮑魚、蜆、海蝦、聖子、多寶魚同埋帶子，隻龍蝦仲郁郁下🦞見到已經嘩嘩聲😂😂😂將隻生猛嘅龍蝦🦞放落滾去好似岩漿既粥底火鍋，隻龍蝦有我前臂咁長...依個動作都需要好大勇氣💪🏻驚隻龍蝦會跳返出嚟，有心理壓力㗎😂5分鐘後，我望見呢隻龍蝦真係好震撼，隻碟完全滿足唔到佢嘅身體😆味道絕對係冇得彈，鮮甜爽口，美味就係咁簡單！貝殼類有大蜆、細隻啲應該係白貝，3分鐘開晒口，鮮甜冇沙😋肥牛，雪花分布均勻，絕對唔係一般任食火鍋嗰D肥膏多過肉嘅肥牛🥩20秒後，鮮嫩多汁有牛味😍海蝦，其實我好鍾意食蝦，去食自助餐一定會拎幾碟蝦🦐慢慢剝殼，今晚嘅蝦絕對超級新鮮👍🏻聖子，1分鐘左右就食得，甜到呢...🤤鮑魚，我係唔會放過任何有鮑魚食嘅機會， 4分鐘上水，淥得唔夠耐又唔得，淥得太耐又

今晚又有朋友帶我去工廈打邊爐，呢度冷氣又夠凍地方又大。點左龍蝦餐有6款海鮮黃金蜆，海蝦，聖子皇，多寶魚，貴妃蚌和時令貝。點完之後就遞上兩碟小食青瓜木耳好爽脆酸酸辣辣和雞腳有點麻辣。燉湯又足料又鮮甜。蝦籽花膠扣鮑魚，花膠炆到好香鮑魚又爽口。聖子皇熟了依然大大隻又新鮮。多寶魚肉質嫩又肥美。貴妃蚌又大大隻又冇沙全部海鮮好。每位有半隻龍蝦，蝦肉肥美又彈牙清甜。安格斯牛肩肉油脂均匀，牛味香濃又新鮮。手工牛丸味道濃厚又有汁又彈牙，日本黑䐁肉肉質又不韌，美國肥牛又不油膩。食晒海鮮和安格斯牛肩肉都差不多飽再食d配菜已飽，最後店員幫我地加少少粥落湯底煲粥，精華全部在湯底里好甜好好味。

九龍灣主要是住宅和工業區，平時如果不是區內的居民或在附近上班，基本上不會故意過來，今次因為朋友介紹這裡有一間頗為抵食的海鮮粥底火鍋，所以放工後都特登搭巴士過來吃。＊＊＊＊＊＊＊＊＊＊＊＊＊＊發記粥底海鮮火鍋雖然算是地鋪，但實際位置頗為隱蔽，依路口招牌指示左轉右轉才找到，入到來卻見店內大大隻字寫著茶記，還以為自己行錯，原來食店早上叫茶記，專做午飯，入夜則叫發記，主打海鮮粥底火鍋。發記的晚市火鍋只有兩個套餐，A餐是海鮮火鍋$258/位，B餐雞煲火鍋$198/位，兩款同樣包括七款海鮮和肥牛，另外可以再在數十款火鍋料中任選8款和汽水涼茶任飲。雖然套餐不是任食，但食完一定夠飽。醬油茶芥每位$15，比出面很多火鍋店都要便宜，食客可以自行在自助醬料區混醬。我們選擇了海鮮粥底火鍋($258)，火鍋底沒有任何選擇，只是普通米水，吃完火鍋，侍應會加把飯在內煮成海鮮粥。雪櫃內只有數款汽水，食客可以自取。汽水雪得夠凍。涼茶有竹庶茅根，想點的話要叫侍應下單。竹庶茅根幾足料，甜度適中，不好汽水的都可以點一渣竹庶茅根。三文魚刺身是送的，免費的都沒有太多要求。海鮮粥底火鍋套餐本身包了龍蝦、鮑魚、蟶子、貴妃蚌、海蝦、多

朋友話佢公司附近開左間發哥粥底海鮮火鍋，收到間店派既20蚊coupon，話每台每位都可以減20，叫我同佢一齊去食，因為張劵12月1就到期，所以上星期六我地就去左食~呢到環境都算大，燈光都好光猛佢呢到除左有粥底海鮮火鍋之外，仲有個雞煲餐~粥底海鮮火鍋星期一至五$258，星期六日同公眾前夕另加$10，限食2.5小時，海鮮包括龍蝦半隻， 多寶魚，海蝦，鮑魚，貴妃蚌，聖子同黃金蜆~另選配8款火鍋配料，當所有野打完晒，就會加入飯底變為粥底~雞煲餐招牌麻辣雞煲+日式刺身星期一至五$198，星期六日同公眾前夕都係另加$10，限食2.5小時，食完雞煲後就直接邊爐，還可無限追加火鍋配料~2者都各有各好，如果想2樣都食晒，2人都可以揀1份$258同1份$198既餐, 咁樣就可以一次過滿足晒2個願望~飲品仲要係任飲，就連竹蔗茅根都係任飲竹蔗茅根唔會太甜，味道剛好，好解喝~我地最後都係想食海鮮，所以揀左粥底海鮮火鍋店員話新店開張期間，送三文魚刺身一客真好wow, 海鮮出場嗱龍蝦，多寶魚，海蝦，鮑魚，貴妃蚌，聖子同黃金蜆，真係好多海鮮，好吸引呀，有埋肥牛，正鮑魚仲要係識郁架，有冇鮮到咁仲有埋教煮粥底火鍋既正確食

朋友係附近反工，話之前lunch 見到佢反工附近有間粥底火鍋好似幾好咁，上網睇都有唔少好評，就諗住約埋幾個朋友搵一晚一齊去食。約左一段時間之後，終於約左早幾日去食下。 上網睇見到只係有粥底火鍋，但黎到原來佢新加左雞煲加火鍋。不過今次都係食左粥底海鮮火鍋先，下次先試下雞煲。 咁佢就分兩個主食，一係揀肉蟹，價錢就198蚊一位，一係就揀龍蝦，咁就258一位，而且唔使加一。我地都係揀龍蝦啦，正好多。之後配料方面就揀8款。 飲品係自助形式，選擇唔係話好多，但都夠飲。 首先黎既係三文魚魚生，一人兩片，都鮮味。 跟住就黎一盤既海鮮，都有幾多料，有一人一隻龍蝦，龍蝦大大隻，多肉又有羔，仲有鮑魚、大蜆、同埋蟶子，全部都洗得好乾淨。而且唔怕驚唔熟，因為張枱有張menu會教你要淥幾耐既。 不過，服務員話今日無蝦既關係，咁就黎左兩盤蜆，但蜆係無沙，新鮮既。 之後仲有多寶魚，味道清清地，但肉質好滑。 食完海鮮之後就食其他邊爐配料，推介雞件，感覺唔係雪藏雞黎，有雞味。 打邊爐梗係唔少得牛肉啦，質素都唔錯。 另外，仲有叫左其他配料，有餐肉、海膽丸等等。 食完哂所有野之後，就落飯落去煮成粥，粥底吸哂所有鮮味，成碗粥