鏘鐵板燒日本料理

營業中

休息中

- 上環｜鏘鐵板燒日本料理 -「午市龍蝦 二人前」▪️沙律🥗沙律簡單淋上柚子汁，好清爽開胃▪️龍蝦🦞龍蝦非常新鮮，肉質鮮嫩彈牙，配上以龍蝦膏煮成嘅醬汁，好香濃▪️鵝肝鵝肝口感細膩，味道濃厚，配上香脆多士🍞，口感更豐富▪️清酒煮蜆🍶師傅建議要食咗蜆肉先，因為係一開殼就夾起，七成熟左右。蜆肉大大粒，食落好清甜。清酒味道清香，個湯仲加咗少少辣椒同昆布，令味道更有層次▪️美國牛肉厚燒及薄燒🐮厚燒用上安格斯牛柳，油份冇咁重，但肉味更突出，叫咗五成熟，肉質細嫩軟腍。另外側邊配上炸蒜片，超級脆。而薄燒就包住滿滿嘅蒜蓉同蔥，更加惹味▪️炒野菜🥬有菜芯、椰菜、芽菜、紅蘿蔔🥕、香菇🍄‍🟫等，炒得好爽口▪️炒飯🍚、麵豉湯🥣、漬物炒飯炒到粒粒分明，入面有櫻花蝦、醃菜、洋蔥等，面頭再有一隻太陽蛋，蛋黃流心，啱晒撈飯。麵豉湯以龍蝦頭熬製，多咗一份鮮味▪️甜品甜品有益力多味綿綿冰🍧，入口即溶嘅感覺。另外仲有塊焦糖多士🍞，煎到好酥脆，甜而不膩，仲可以將啲綿綿冰放上多士度一齊食，冰火交融🧊🔥鏘鐵板燒日本料理📍上環皇后大道中183號新紀元廣場低座2樓202-203號舖

📍Teppanyaki Kaneko 鏘鐵板燒日本料理呢間新開既鐵板燒餐廳，位於上環新紀元廣場，餐廳裝修設計以黑灰調既顏色為主，暗黑型格既裝潢帶點神秘感😎餐廳既座位主要都係吧檯但亦有VIP房，座位之間既距離寬闊，所以坐得幾舒服～面前就係鐵板爐，師傅會喺你烹調同好詳細咁介紹菜式，絕對係視覺上嘅享受🥰🦞Lobster Course For Two 龍蝦二人前套餐 $2680🥗Appetizers 前菜係用一塊薄既青瓜片包住蟹肉絲，裡面仲有三文魚籽，好有口感！用柚子醋圍住碟邊作裝飾，味道酸酸甜甜，係好唔錯既開胃菜😌🦞Lobster 龍蝦打頭陣既係龍蝦！係水缸到即刻攞出黎既鮮活龍蝦🤩超級生猛，好大隻～放上枱時仲郁下郁下😜師傅善用曬龍蝦既各個部位，挑出整片既龍蝦肉，好厚身！食落超級彈牙，肉質非常厚實😙連龍蝦膏都攞埋黎做個醬汁，食落鹹鹹地但好入味，龍蝦肉完全吸收曬啲精華😋🐟Amadai Uroko Yaki 甘鯛立鱗燒甘鯛魚會連鱗片以半煎半炸既方式烹調，以滾油澆淋到鱗片立起，食落好脆口，好似食緊薯片咁～同時亦保留到魚肉嫩滑既質地，魚肉亦都好厚身，油脂分泌濃郁🤤呢道菜幾特別！🐳Seasonal Se

#鏘鐵板燒日本料理 #sorriso_中西區 -今個聖誕想食鐵板燒，揀左上環呢間新開嘅，座位全部都係吧枱，對住鐵板爐，可以一邊食一邊同師傅傾計，我地午市去叫左個龍蝦二人前$1280，有加一服務費，午市比晚市平一半🤗，餐廳入面有個魚缸裝住南非鮑魚同埋龍蝦，而隻龍蝦係睇住佢由魚缸撈出😮🥗沙律以黑醋、車厘茄、椰菜製成，作為前菜，食落好開胃清新🦞龍蝦龍蝦新鮮由魚缸撈出，非常生猛，亦會比足夠時間我地打卡，再放至鐵板上將龍蝦去腸、切開，以龍蝦膏同少量麵豉去燒，食落口感爽彈🫓鵝肝鵝肝加上黑椒調味，再將多士烤至香脆，鵝肝油香滿溢配上脆多士，令人回味無窮🐚清酒煮蜆師傅會用錫紙整好個盤，再加入清酒去煮，再點火，酒味唔會太濃，蜆大大隻，煮到啱啱好熟，食落好鮮甜嫩滑🥩美國牛肉厚燒及薄燒牛肉揀左三成熟，配上金黃色炸蒜片同照燒醬，炸蒜片係用慢火生炒而成，想讚讚師傅火候控制得好好，切開真係三成熟，食落有肉汁，好好食，唔會太鹹，炸蒜片好似薯片咁香脆，增加左口感而薄燒就係包住蔥花、蒜蓉、洋蔥，完全冇油膩感之餘好惹味，食落完全唔似薄燒🍛炒飯用鹹菜蔥花櫻花蝦炒，再配上太陽蛋或者荷包蛋，毫無油膩感，個飯炒得好香，多材料喺入面

係新紀元廣場做野，見新開左間鐵板燒就約埋同事約下，幾高質素，海鮮新鮮過出面好多。師傅都好專業會一路睇住我地情況去控制食物速度分量。佢仲有間房下次一班人可以約埋後黎再食