餃掂手工餃子雲吞專門店 (已結業)

其實都成日食餃掂架啦，不過都係去灣仔分店多，今日黎開太子界限街附近，見到總店梗係要試試！龍鳳松茸雙灼餃配狀元九鼎湯之前第一次食松茸餃就係餃掂食，個一次之後直頭開通左我食松露的味感神經。黑松露的霸道，一入口就直接衝擊味蕾；白松露的清香，每次食都有一種好refreshing 的感覺！所以我好貪心叫哂兩個，而湯餃最正就係配個湯，店鋪的狀元九鼎湯好鮮甜，用 9 種食材熬製而成，無落味精，飲完唔會口渴，又可以補身，正！大白菜豬肉煎餃食完湯餃一定要試埋煎餃！好多人都試過餃掂個芝士餃，超級搶味，今次我就試返個平凡但好抵食的大白菜豬肉煎餃！脆口外皮，配上juicy肉汁，都係40幾蚊炸！最尾叫多杯豆漿，豆味好香濃，唔會太甜！同埋餃掂提供好多款配料同醬俾你點，細心周到，所以餃掂係我每次食餃的必食店！餐廳：餃掂手工餃子雲吞專門店 （太子總店）Nom Nom Dumpling（Prince Edward）地址：太子界限街30號地下 Address：G/F, 30 Boundary Street, Prince Edward#肥誠 #肥誠搵食 #fatshinghk #instagramhk #instagra

太子的餃子店星羅棋布，有不少都是「只此一家」的店舖，唯獨是這間餃掂的分店愈開愈多，加上一直以來網上評價都不錯，固然令人信心百倍；與朋友忽然想吃餃子，面對云云餃子店眼花撩亂，速戰速決便選擇了餃掂。黃金原味皮蛋 ($28)色澤金黃但味道與一般皮蛋無異。龍鳳松茸雙灼餃 ($86)龍鳳松茸分別有白松露同黑松露兩款口味，餃子皮偏厚而質感煙韌，餡料洋溢濃厚松露香但並無蓋過豬肉味，肥瘦均稱不過肉汁較少且比較乾實。灼餃配以一碗狀元九鼎湯，以排骨、鯪魚、鰂魚、粉葛、赤小豆、蜜棗、扁豆、紅蘿蔔、陳皮等材料熬製而成，標榜無添加味精而且保健養生，但撇除健康因素單論味道的確一般，寡淡乏味只得淡淡粉葛味。香煎軟心芝士餃 ($60)餃子煎得外皮焦脆但比較油膩，口感上亦會比湯餃硬實。餡料豬肉肉味突出而芝士緩緩湧出，大概是用上普通片裝加工芝士，所以味道亦與預期一樣平平無奇。個人認為餃掂有點名過其實，說實在雖然加以松露的冠冕但畢竟近百元一碟餃子亦是過分進取，款式亦較少，未能令人有太大意欲一再到訪。

呢間鋪好多唔同餃子，選料特別，唔係到到有得食而且每款餃都可以揀煎或者灼。煎餃好香口，唔會油。灼餃係健康之選，個湯係 狀元九鼎湯。雖然較淡味，但係用料足，冇味精。各有特色，兩樣都點少少，同朋友share 食就最岩龍鳳松茸雙灼餃中碗灼餃$86 十個推介，餃子裡面非常香松茸味，出面真係唔會食到至尊松茸豬肉餃 中碗灼餃$72呢款餃既，松茸係分開係小碟上元貝豬肉餃 中碗煎餃$52我地仲點左d小食，而且台面有無限酸蘿蔔任食，好開胃蜜餞雞翼$24入味黃金原味皮蛋$28幾特別

做完嘢行過見到呢間餃子店，好奇蔡生食緊咩，咁津津有味呢?上網睇吓，評價好唔錯，叫埋响附近收工嘅妹子一齊食。店內環境一般，人多時要搭枱。不過呢，坐下來見到醃菜，即時心心眼除咗一般嘅白蘿蔔，仲有紅蘿蔔、青椒、紅椒+薑片，顏色已經好靚，仲要大大件，唔孤寒喎材料新鮮爽脆，味道酸甜、微辣好開胃龍鳳松茸雙灼餃龍鳳係指分別配黑松露醬和白松露醬嘅松茸豬肉餃子，黑松露比較香，兩種都有肉鮮味，又有松茸特有嘅香氣。野生松茸素餃餡料主要係松茸、小白菜、雲耳....有點麻油味，個人偏愛清淡些狀元九鼎湯，選灼餃(湯餃)就會送湯，湯另上就無油，亦可以試真啲個味，果然真材實料，原味不加鹽也好喝。兩個人都想試多幾款，又叫咗一份雙拼餃子。芫茜豬肉餃 芫茜豬肉餃清新好味，芫茜香加埋豬肉嘅鮮，真係絕配元貝豬肉餃比起其他味道就無咁搶嘞，味道都OK唔錯嘅。至尊松茸豬肉煎餃子餃子煎過後唔止皮脆，餡料更香，肉汁豐腴，可能皮薄，放一陣便無咁脆，要趁熱吃才好。啲嘢好食嘅，係會留到客，由入坐到離開，有不少人來買外賣，有現買的，又有電話預約的，有買熟的，但更多人買生的餃子回去。

近來好似多左好多餃子店，上次同朋友黎過呢間餃掂，覺得好好食！屋企人鐘意食餃子，約左好耐一定要帶佢地黎試下醃蘿蔔絕對係呢間店既最大誘因大大樽醃蘿蔔任食，蘿蔔醃得入味，酸酸甜甜夠哂開胃另一吸引位係佢既醬料，估唔到有咁多選擇，由傳統豉油、醋、辣椒醬到新派啲既芝麻醬、青瓜醬都一應俱全，逐隻醬都試過哂，青瓜醬超好味比自家製字眼吸引，叫咗兩杯山楂雪梨水，飲得出媽媽嘅味道真材實料主菜未到小食先上，有黃金皮蛋、青瓜同埋木耳，黃金皮蛋比平時黑色皮蛋味道較清，感覺新鮮又好味呢個龍鳳灼餃似係招牌菜，入邊有分黑松露同埋白松露，一見係松露即叫黎試下仲送咗一碗鯪魚粉葛湯，飲得出冇加味精，絕對係自家製黑松露超足料！入口有濃郁既黑松露味，真正既齒頰留香呢個雲吞媽媽猛讚好味佢話雲吞做到皮薄涵靚，而且雲吞皮就算浸係湯好耐都唔會綿綿爛爛，係媽媽既大愛最後叫一個芝士軟心煎餃，外脆內軟，芝士同餡料好夾食過番尋味睇下芝士同餡料既份量幾平均好香芝士味成餐飯好滿足好飽，價錢又唔貴，最開心係屋企人都鐘意食

今日和太太往太子餃掂手工餃子雲吞專門店食dinner, 我們點了龍鳳松茸雙灼餃(跟粉葛赤小豆湯), 香煎軟心芝士餃、粟米朱肉餃、芫茜朱肉餃和大白菜朱肉餃。龍鳳松茸雙灼餃(跟粉葛赤小豆湯) 是餐廳主打菜, 松茸雙灼餃用黑松露和白松露煮成, 松茸味香濃, 肉質好鮮甜, 皮薄餡靚；粉葛赤小豆湯湯夠熱, 粉葛赤小豆味濃, 而且湯不加味精, 飲完不會口喝, 好好飲；香煎軟心芝士餃餃煎得乾身香脆, 入口脆卜卜, 食落鬆軟,咬入去有濃香芝士溢出, 芝士味濃, 肉質乾身惹味, 香脆可口；粟米朱肉餃入口粟米鮮甜, 肉質好腍, 食落惹味開胃；芫茜朱肉餃芫茜味香濃, 肉質味濃, 皮薄餡靚；大白菜朱肉餃食落好爽口, 大白菜食落好爽口, 和朱肉好夾, 食落惹味醒胃。餐廳座位舒適, 而且有很多美味的醬料提供, 個人覺得青瓜醬和酸蘿蔔好有特色, 兩者酸酸甜甜好醒胃, 而且餐廳餃子皮薄餡靚, 材料豐富, 食落惹味, 價錢合理,我們食了一頓美味餃子宴, 值得再來。

今日又黎餃掂食lunch啦！之前都黎過幾次，今日先有時間打反篇食評。餐廳算大，午餐黎都容易搵到位既，但有時放工經過就好多人，有唔少係旅客。門口有招牌寫住蔡瀾都黎過食枱上有唔同既醬料俾你點餃食，有青瓜醬、芝麻醬、辣醬、醋等，好多款。而最吸引我既就係呢樽淹酸蘿蔔，超正！蘿蔔淹到好入味，酸酸的，好開胃！仲要任食架！麻辣松花皮蛋唔算好辣，但有麻既感覺。皮蛋中間流流地，點埋醬汁食唔錯！香煎芝士餃好脆口，餃子脹卜卜！咬開入面係融晒既芝士！豬肉調味剛好，唔會好咸或唔夠味，粟米好甜。估唔到芝士同豬肉同粟米又幾夾喎。叫左兩個松茸湯餃，每個都跟一碗狀元九鼎湯。呢個湯用粉葛、側魚、鯪魚、陳皮、紅蘿蔔等煲成。望落去個湯奶白，睇得出用左好多材料。無味精，鹽都無落既，有需要可以自己加。飲落好清甜，對於我黎講，唔洗再加調味都好足夠！第一次聽松茸係睇蠟筆小新果時，哈哈🤣只知道佢係一種幾貴既食材，小新一家好珍惜佢。係餐廳入面有塊板介紹松茸先知佢甘健康，對人身體好好！所以我地就叫佢個松茸餃試下啦！龍鳳雙勺餃皮薄餡靚，晶瑩剔透，大大只。豬肉入面有松茸同黑松露。咬開好香黑松露味！黑松露係底部，都唔少，食落好正！超香！松茸豬肉