餃掂手工餃子雲吞專門店

放工黎新都城食嘢順便之後睇戲🤣 見道呢間餃子可以快食就入黎試下！重慶鮮肉雲吞 $52 叫左小辣 下次可以叫再辣d 雲吞皮好滑溜 豬肉入味 細細粒 好快就食哂🤣 龍鳳松茸雙灼餃 $92 （包狀元九鼎湯） 要讚個湯 完全冇味精 食到粉葛 魚味 非常清 而且味道濃郁 越飲越好味 會愛上！ 另外餃子入邊竟然係有松露 仲要份量唔少 豬肉都好多 包得好飽滿😋 香煎軟心芝士餃 $68 推介呢個！外脆內軟 入邊係cheese 仲有粟米 豬肉 好食！ 四川涼皮 $32 有花生 香蔥 撈埋辣醬 清爽涼拌😋 酸蘿蔔 好開胃🥰 仲有清甜豆漿 成間嘢味道都好清甜 冇味精 令人食得開胃👍🏻

喺寶琳搵朋友食飯，經過新都城中心，見到開咗一間新嘅餃子店，我呢個餃子控就提議食呢間餐廳啦。呢度嘅格局都幾特別，沿着電梯有一個弧形，座位唔算多，今日平日就冇乜人。叫咗最出名嘅松茸餃和龍鳳餃，配狀元湯。餃皮幾簿，所以都明顯分得出黑松露和松茸餃，餃子啖啖都係肉。黑松露餃就比較濃香，松茸就比較清香，有幾款醬料揀，但我覺得反而咩都唔點，先突出佢嘅松茸香，我幾鍾意黑松露餃。狀元湯都比我想像中好飲，係清甜嘅粉葛魚湯，飲完唔會口渴，完全唔味精。另外叫咗四個小食，小食每款三十零蚊，都幾抵食。四川涼皮和皮蛋都唔算辣，食得辣嘅朋友可以叫中辣或者大辣，相信會惹味D龍鳳蛋係黑松露+松茸，同餃子一樣，香味幾好。一杯山楂雪梨水下火。今餐都幾滿足，兩人$250左右，可以試到咁多樣嘢食。